الموضوع: عندي مشكلة ومحتاج مساعدة خبراء هيونداي please

المشاركة الأصلية كتبت بواسطة حماده المصري

والله انا اللي اعرفه ان طرمبه البنزين لما بتبوز العربيه مش بتدور ولا طبعا هتتزق ولا هيترميلها

ف المفروض لو الطرمبه بايزه العربيه مش تشتغل وبيتغير قلب الطرمبه بيبقى زي ماسوره صغيره دي المتور وفيها فلتر صغير

بالنسبه بقى للتنتيش والحوارات دي ف ده في الانجشكشن في حساسات حساس هوا وحساس بنزين مش فاكرهم بالضبط ايه عشان مخرفش بس اعتقد دول المتحكمين في السلانسيه ودول بيتغيروا عادي وبيتنضفوا عادي وبرضو بيتكشف عليهم كمبيوتر وبيبان شغالين او لا

ماهو انا بصراحة مش شاكك في طرمبة البنزين . انا حاسس ان الموضوع ليه علاقة بالحساسات والقصص دي بس عايز حد يقولي اسم الحساس او الجاهاز المسئول عن الموضوع ده
وشكرا يا باشا على اهتمامك

حساس التى بى اس عاوز يتغير مبدئيا او يتكشف عليه

المشاركة الأصلية كتبت بواسطة ahmedcar

حساس التى بى اس عاوز يتغير مبدئيا او يتكشف عليه

طيب رأيك اروح على ابو رواش احسن عشان محدش يعك فيها ولا ممكن مركز خدمة ولا حد يعرف مركز خدمة كويس هنا ؟

النهاردة روحت مركز خدمة في القطامية وده كان اول مرة اتعامل معاهم وقولت اجرب جايز عندهم الحل ودخلت وقولتلهم على المشكلة قالي هانكشف عليها بالكمبيوتر وهانشوف الحساسات .
قولتله مش هاتلاقي اي حاجة والكمبيوتر مش هايطلع حاجة وفعلا كل شيء كان زي الفل والكمبيوتر ماقراش اي مشكلة ونضفوا البوابة وحساس الايديال والتي بي اس وطلع جرب ورجع قالي احنا مش لاقيين مشكلة لكن احنا عملنا الى بيتعمل في الحالة بتاعة عربيتك . المهم اخدت العربية وكعيت 100 مقابل الهلس اللى هما عملوه ده ويدوب بعد ما مشيت بعشر دقايق لقيت العربية نتشت نتشة كده روحت ممور العربية عشان اشوف هاتطفي ولا ايه النظام وفعلا العربية طفت ودورت راحت دايرة .
ركنت على جنب وكلمته قولتله حصل كذا كذا قالي ارجعلي تاني .
رجعت وركب جنبي وقعدت الف بيه حوالى نص ساعة ان العربية تنتش او تطفي او تعمل اي حاجة ... ابداً
قالي مافيش تفسير للي بيحصل ده ولازم نشوف المشكلة قدامنا عشان نقدر نحدد العطل فين والمشكلة ان العربية مش بتعمل كده وهي هناك وانا هاتجنن .
مش عارف اعمل ايه ؟؟؟؟؟

حصلت مع حمايا و كانت موبينه

المشاركة الأصلية كتبت بواسطة ahmedcar

حصلت مع حمايا و كانت موبينه

اولا اشكرك لردك
ثانيا اعتقد لو الموبينه بتسخن وكده يبقى مش هاتدور علطول ولازم تاخد فترة على ماتبرد
ثالثا هو حماك معاه عربية ايه ؟
رابعا هي عربياتنا دي فيها موبينة ؟؟؟؟

العربية عمالة تشتغلني والله
من 3 ايام وانا ماشي وكنت بهدي عشان مطب صناعي كده راحت مبطلة . ومش عايزة تدور اطلاقا بقى .
كل مرة كانت بتغيب شوية لكن بتدور في الاخر لكن المرة دي مش راضية تدور خالص . بالصدفة واحد معدي جنبي قالي خير انا ميكانيكي
قولتله مش عارف مالها وفتح الكبوت وشال سلك بوجيه وقالي دور .
دورت قالي العربية مافيهاش كهرباء خالص . ( السلك مش بيطلع شرز خالص )
فتح علبة الفيوزات وقعدنا نجرب مافيش .
قالي في علبة فيوزات جوه تحت التابلوه ؟؟
دخلت بصيت لقيت فعلا وكنت اول مرة اشوفها .
قعد يجرب كده يشيل ويحط وبعدين قالي في فيوز بايظ وجبنا واحد تاني من الاحتياطي اللى بييجوا مع العربية وركبناه مكانه قامت العربية دايرة بصورة طبيعية جدا .
المهم شكرته ومشيت وقولت ياه سبحان الله . يعني مراكز خدمة واجهزة وكمبيوترات ومهندسين ومعرفوش العيب فين وده ميكانيكي على باب الله كده قدر يعرفه . وحمدت ربنا لان العيب ده كان خانقني ومش لاقيله حل .
المفاجاه بقى ان العربية النهاردة عملت نفس الموضوع روحت راكن على جنب وشيلت الفيوز اياه وركبت فيوز تاني مكانه راحت العربية دايرة . اصبح عندي سؤال محير ... ايه اللى بيخلي الفيوز يبوظ ؟؟؟؟؟؟
لما شيلت الفيوز لقيته يعني مش قاطع ولا حاجة لكن من الربكة غيرته وخلاص . بس طول مانا ماشي عمال افكر ان الفيوز سليم .
جيت تحت البيت روحت جايب الفيوز القديم ده وروحت مركبه تاني ودورت العربية دارت برضه . لما بقيت هاتجنن .. طيب هو ايه اللى بيحصل ؟؟؟؟؟؟
الفيوز ده مكتوب عليه ECU1 . جيت هنا ودخلت على جوجل وكتبت الاسم وطلعلي انه وحدة التحكم الاكترونية والدارجة مابينا باسم control unit .
يعني اذن في قفلة بتحل بتخلي الفيوز ده يفصل مثلا ؟
ولا الكونترول يونيت بيحصل فيه مشكلة فبيفصل الكهرباء عن العربية ولا بنشيل الفيوز ونركبه كاننا عملنا ريستارت ليه ؟
طيب هل الكاسيت والجي والصب ليهم علاقة بالموضوع ؟؟؟
طيب اروح لمين يقدر يكتشف العيب ده ؟؟؟؟؟
حد يعرف دكتور سيارات ؟؟؟؟؟ يعني كهربائي خبير بجد ؟؟؟؟؟؟
انا محتااااااااااااااار اخر حاجة