صني سوبر صالون زيرو ولا سيراتو كامله خليجي مستعمله

**م/محمد** · 22-05-2011 08:29 PM

الموضوع باختصار في واحد صحبي كان مقتنع تماما بالصني سوبر صالون زيرو ولكن اذ فجاة لقي واحد معرفه بيبيع عربيته السيراتو خليجي عامله 17000 كم ب 105 الف وطبعا عجبته فتحه السقف و اللعب الكتير اللي في سيراتو
انتو ايه رايكو ؟
يركب الصني الزيرو ولا يركب السيراتو المستعمله -استعمال خفيف-
يعني يسيب العملي ويركب الكماليات؟؟

**hamada409** · 22-05-2011 11:28 PM

الزيرو مفيهوش كلام و بعدين ياباني زيرو ولا كوري مستعمل؟ و بعدين هو ممكن يجيب الصني اللي ب 101 ألف هيلاقي فيها فيميه و جنوط و طارة و فتيس و فرامل يد جلد طبيعي - يعني برضو فيها شوية حاجات و ياباني و زيرو - لكن السيراتو هتبقى مغامرة شوية عشان موضوع إنها مستعملة و نشوفية العفشة بس هي عربية محترمة لكن لو هتتقارن بحاجة زيرو و ياباني يبقى من رأيي الصني أفضل

**party_0000** · 23-05-2011 12:19 AM

صني زيرو اكيد الا لو سيراتو كسر زيرو يعني 5 الاف كيل وبالكتير علشان يحس انها جديده

**samoreception** · 23-05-2011 12:45 AM

بصراحة لو السيراتو حالتها فعلا كسر زيرو يبقى طبعا السيراتو

**mememsaid** · 23-05-2011 12:57 PM

انا بخاف من المستعمل لا يكون فيها اي عفريت متاخدش بالك منه
الجديد افضل

**lodylody55** · 08-07-2011 05:42 AM

الصنى سوبر صالون رائعه

**SonaSteel** · 08-07-2011 11:57 AM

ازيك يا هندسة ..... عامل ايه ؟؟؟
تصدق موضوع جميل واحترمتك فيه ........ لان ده اللي بقول عليه
لو حد ميعرفش حاجة يسأل مش يتكلم من فراغ
---------------------------------------
انا من رأي الزيرو طبعا .... حتي لو كسر الزيرو ماشية 1000 كيلو
انت متعرفش عامل الموتور ازاي ... لينه كويس ولا لأ ...ولا الفتيس
بس انت شوفه بيحب ايه ؟؟
يعني عملي زيك كده ولا بيحب الشكل
علشان ميبقاش قاعد مخنوق من اي عربية فيهم :)))

**raedegypt** · 08-07-2011 12:24 PM

المشاركة الأصلية كتبت بواسطة م/محمد

الموضوع باختصار في واحد صحبي كان مقتنع تماما بالصني سوبر صالون زيرو ولكن اذ فجاة لقي واحد معرفه بيبيع عربيته السيراتو خليجي عامله 17000 كم ب 105 الف وطبعا عجبته فتحه السقف و اللعب الكتير اللي في سيراتو
انتو ايه رايكو ؟
يركب الصني الزيرو ولا يركب السيراتو المستعمله -استعمال خفيف-
يعني يسيب العملي ويركب الكماليات؟؟

لو عايز نيسان خليك فى الاسكالا هى نيسان صنى الشكل الجديد فى الخليج وكوريه 100% مستوردة سعر الهاى لاين 95 الف وشكل متجدد للصنى احسن لك من المصرى وتقفيله ومشاكله زى البطيخه مرة حلوة وعشرة قرعه والكلام دة فى المصرى عامآ ( تقفيل كورى للصنى افضل لك من التقفيل المصرى سيبك من السعر لان المصرى سعرها مبالغ فيها مش اكثر )

موضوع السيراتو انا باخاف الصراحه من عربيات جديدة وتتباع ممكن فرصه وممكن فيها مشكله وتعرفها بعد ما تشتريها ومش كل حاجه بتتكشف وقت الفحص انت وحظك ساعتها وبعدين ليه تشترى مستعمل لما بفلوسك تركب زيرو ؟

عندك ار بى هيونداى كورى مستورد حلوة جدآ وشكل وشياكه وتصميم حديث جدآ 105 الف جنوط وبلوتوث وطارة مالتى وهيونداى عربيه اعتماديه تتصلح بسهوله وقطعها متوفرة برة التوكيل فكر فيها وعندك الفئه الاقل 100 الف