IMMOBILIZER كلمة معناها الحرفي هو شل الحركة ....
ومن غير الدخول فى تعقيدات كتير هو عبارة عن ...
جهاز الكتروني يعمل علي تامين السيارة ضد السرقة عن طريق استشعار شفرة
خاصة موجودة في المفتاح الاصلي لا يمكن ان تكون موجودة في المفتاح المزيف او المقلد
الشفرةالخاصة ديه بتبقي عبارة عن كود موجود في شريحة RFID (بطاقة تعريف عن طريق موجات الراديو )
- زي الباركود اللي في كمبيومى وبعض المحلات النظيفة - وديه بتبقي موجودة في المفتاح
الجزء التاني وهو المسئول عن قرائة الشفرة وفك ترميزها Decoder unit وده
الايموبلايزر نفسة وده عبارة عن جهاز صغير بيبقي موجود تحت مفتاح الكونتكت بورد في اغلب التصميمات .
طريقة عملة :
عند ادخال مفتاح السيارة يستشعر الديكودر شفرة ال RFID اذا وجدها يرسل اشارة ( OK)
لدائرة ال ECU ( دائرة التحكم في المحرك ) التي تعمل بدورها علي تشغيل دائرة الاشعال
طبعا في حالة عدم توافق شفرة ال RFID مع المخزن بوحدة الديكودر لن يتم التشغيل حتي لو الحرامى فك مفتاح الكونتكت وقام بتوصيل الاسلاك..
في الاجهزة الحديثة يشترط ان يقوم الايموبلايز بالتحكم بدائرتان علي الاقل ( بواسطة ال ECU )
مثل دائرة الاشعال وطلمبة البنزين ايضا . ودى ابسط طريقة لشرحه لانه حقيقة اكثر تعقيد من كده بشويتين تلاتة
الصورة بتوضح مثال بسيط لطريقة عمل نظام شل حركة المحرك
المفتاح اللى شايل الشفرة بيستقبلها كويل او ملف بيتقل الكود ده لوحدة الديكودر
اذا كانت متوافقة مع الكود الموجود فى كمبيوتر السيارة فهيكمل تشغيل ادارة المحرك اذا كان العكس
المحرك مش هيدور وهيفضل رمز المفتاح ده يضىء ويطفىء فى التابلوه
وهو نفسه ده اللى تعرفى منه اذا كانت عربيتك فيها ايموبلايزر ولا لاء
القطعة البيضاء الصغيرة اللى فى المفتاح
هى اللى بتحمل شفرة التشغيل
المفضلات