هل دول سباب الثورة ولا شحاتين الثورة

**lovely_love** · 23-05-2011 12:46 AM

الموضوع انه مش رسم الموضوع شحاته والغريب ان فى بنات معاهم وهما الى واقفين يلموا الفلوس الغريب البنات دى بتخرج من بيت اهلها ازاى ولا اهلها بيسبوهم كدة ازاى

**SkyBird** · 23-05-2011 01:24 AM

فكرت كثيرا في موضوع التنظيف والتجميل في شوارع البلد
واعتقد انه عمل ناتج عن احساس دفين بعقدة الذنب

**fepsceasar** · 23-05-2011 01:30 AM

انا شايف الموضوع عادى وموجود فى العالم كله عايز تديهم اديهم مش عايز خلاص
وفى ناس برة بتعزف موسيقى فى الشارع
انا للاسف مش عارف انزل صور ازاى بس كنت هواريكوا شوية صور ثلاثية الابعاد مرسومة فى الشوارع روعة
بصراحة انا ملاحظ فى حالة تحفز عام ضد بعض

**Ahmed Anwer** · 23-05-2011 01:42 AM

أنا في أي فرصة بشوفهم بأديهم اللي ربنا يقدرني عليه

مش فاهم ايه المشكلة يعني ؟؟

هوا إحنا خلاص مفيش اي ثقة في اي حاجة

**FunnyMickey** · 23-05-2011 01:43 AM

اول ما بيان التنحي اتقال والناس قالت ننضف بلدنا
كان فيه شباب كتير بينزلوا ينضفوا الحي بتاعهم
والفلوس اللي بيبقوا لاموها عشان ادوات النظافه والبويات لدهان الارصفه بتخلص
فابتكروا الفكره دي
وانا ساعدت ناس كتير منهم لان ساعتها كان كله بيعمل كده وكله بينظف
انما دلوقتي ايه لازمته

المطلوب ننضف البلد بجد من الافكار اللي عندنا ومن الفساد اللي فيها
مش حنقضيها دهان ارصفه

**heshamzaky** · 23-05-2011 02:00 AM

الى بيحصل فى الشوارع دة هبل طبعا و مرة هزقت العيال دى جامد فى نفق الكوربة قافلين الدنيا و كل عربية تعدى يطلبو فلوس و الناس للأسف عندها حب استطلاع غير طبيعى و النتيجة النفق مقفول تماما .
الولاد الصغيرين الى ساكنين فى المنطقة طلعو و لمو فلوس دول أديتهم عن طيب خاطر و بجد نظفو الشارع و أشترو مقشات و أكياس زبالة و لمو كل حاجة و الله خلو الشارع يبرق البلدية بتاعت الحى عمرها ما نظفت بالشكل دة بس يرسم على البندورات بتاعت الرصيف بالالوان دة مضيعة للفلوس و كلام فاضى و عبط بصراحة .
ممكن بزرع جنينة فى نص الشارع ماشى حاجة حلوة يعمل سور للجنينة برضو ماشى بس الوان و هبل و شغل بيض شم النسيم دة عبط رسمى منهم بصراحة

**fepsceasar** · 23-05-2011 02:07 AM

يا اخوانا حد يقولى انزل صور ازاى

**cheetos_892005** · 23-05-2011 02:11 AM

المشاركة الأصلية كتبت بواسطة heshamzaky

الى بيحصل فى الشوارع دة هبل طبعا و مرة هزقت العيال دى جامد فى نفق الكوربة قافلين الدنيا و كل عربية تعدى يطلبو فلوس و الناس للأسف عندها حب استطلاع غير طبيعى و النتيجة النفق مقفول تماما .
الولاد الصغيرين الى ساكنين فى المنطقة طلعو و لمو فلوس دول أديتهم عن طيب خاطر و بجد نظفو الشارع و أشترو مقشات و أكياس زبالة و لمو كل حاجة و الله خلو الشارع يبرق البلدية بتاعت الحى عمرها ما نظفت بالشكل دة بس يرسم على البندورات بتاعت الرصيف بالالوان دة مضيعة للفلوس و كلام فاضى و عبط بصراحة .
ممكن بزرع جنينة فى نص الشارع ماشى حاجة حلوة يعمل سور للجنينة برضو ماشى بس الوان و هبل و شغل بيض شم النسيم دة عبط رسمى منهم بصراحة

هو رد حضرتك انسب رد شفته عالموضوع لحد دلوقتي .......

لكن معرف ايه اللي الناس كاتباه ده .......بصراحه ردود تقرف

بص للشباب دول كده .شكلهم و لاد ناس كلهم اصلا مش مستنين عطف و كرم الجنيه بتاع حضرتك ...

اه هما ساعات بيعملوا حاجات غلط بالرسم و التلوين ده ....بس برده في حتت في مدينه نصر و عين شمس

قلبوها من مقالب زباله لجنينه و راسمين وراها حاجات حلوه قوي

يبقى هما ايه ؟؟؟؟نيتهم خير لكن ساعات بيغلطوا و مفروض نقلهم بالحسنى ....

مش شحاتين

ملحوظه : لو كان اللي بيحصل ده حصل في اي حته في العالم كان زمان نفس الاعضاء دول جايبين صور و يقولك امتا نبقى كده ......

**تامر.محمد** · 23-05-2011 02:20 AM

انا مش فاهم علاقة الموضوع بالثورة
بس عادي
بلدنا مشهورة براكبي الموجة
و لعلك تفتكر الشركة اللي كانت بتنتج رقائق ذرة للأطفال و بتنزلها بأسامي لعيبة الكورة و مسلسلات الكرتون