هل دول سباب الثورة ولا شحاتين الثورة

**heshamzaky** · 23-05-2011 02:22 AM

الولاد الى لمو الفلوس من سكان العمارة و العمارات المجاورة و كلة دفع عن طيب خاطر و حدش قالهم لآ و الاغرب بجد و الله ولاد صغيرين جدا يعنى بالكتير أوى فى اعدادى و أقل و الله العظيم ما طلبوش فلوس و كانو بينظفو و لقيت ولد شكلة ابن ناس جدا بجد و قالى با عمو ممكن تقف لقيتة جايب أيس كريم (((( ميجا ))) يعنى عفوا دى ب 4 جنية و بيديهالى و بيقولى علشان الاولاد الى معاك هههههههههههههههه أنا ولادى فى المرحلة الابتدائية قولتلة شكرا يا حبيبى كلها أنت قالى لآ أحنا جايبين كتير و بنوزع و الله استغربت جدا و مش بياخدو مليم من عربية .
على النقيض بعديهم بحوالى 400 متر شوية عيال أقل حاجة تقال عليهم أن كل واحد فيهم زى الشحط قافلين الشارع بكام طوبة و بالظبط كأنهم بيثبتو الناس و بيلمو فلوس أشترو مثلا 3 كيلو بوية و كام فرشة و بعدين شوفتهم من الشباك رايحين يشترو سجاير يعنى استهبال علنى منهم بجد
و كون الرسومات دى عبط منهم لانة بيرسم على الرصيف و كل واحد حا يعدى فوق الرصيف الرسم دة بيطلع بمنتهى السهولة و لما يترش مية الالوان بتسيح يبقى حرام دى فلوس فى الهواء محدش استفاد بيها أى حاجة نهائيا بس شوية عمال عملو شغل على الناس و طلعو فلوس و أستعبطو و راحو يشترو سجاير

**thedeveloper87** · 23-05-2011 02:23 AM

المشاركة الأصلية كتبت بواسطة cheetos_892005

هو رد حضرتك انسب رد شفته عالموضوع لحد دلوقتي .......

لكن معرف ايه اللي الناس كاتباه ده .......بصراحه ردود تقرف

بص للشباب دول كده .شكلهم و لاد ناس كلهم اصلا مش مستنين عطف و كرم الجنيه بتاع حضرتك ...

اه هما ساعات بيعملوا حاجات غلط بالرسم و التلوين ده ....بس برده في حتت في مدينه نصر و عين شمس

قلبوها من مقالب زباله لجنينه و راسمين وراها حاجات حلوه قوي

يبقى هما ايه ؟؟؟؟نيتهم خير لكن ساعات بيغلطوا و مفروض نقلهم بالحسنى ....

مش شحاتين

ملحوظه : لو كان اللي بيحصل ده حصل في اي حته في العالم كان زمان نفس الاعضاء دول جايبين صور و يقولك امتا نبقى كده ......

الصراحة أنا استغربت زيك من بعض الردود هنا

أنا شفتهم ، والله ولاد ناس جدا
ومش بس بيدهنوا ، لأ بينظفوا كمان
والصراحة فيه منهم بيرسموا رسومات تحفة
شفتهم بيظبطوا شارع مكرم عبيد والنزهة

لكن كالعادة مفيش فايدة ، الزبالة رجعت تاني للشارع

**cheetos_892005** · 23-05-2011 02:31 AM

المشاركة الأصلية كتبت بواسطة thedeveloper87

الصراحة أنا استغربت زيك من بعض الردود هنا

أنا شفتهم ، والله ولاد ناس جدا
ومش بس بيدهنوا ، لأ بينظفوا كمان
والصراحة فيه منهم بيرسموا رسومات تحفة
شفتهم بيظبطوا شارع مكرم عبيد والنزهة

لكن كالعادة مفيش فايدة ، الزبالة رجعت تاني للشارع

يا باشا انا اصلا لو تلاحظ مشاركاتي قلت قوي في المنتدى ....

لاني اكتشفت حقيقه مره

بعيشها كل يوم تقريبا في الكليه و الشارع ......

انا الجيل ده ((معظمه)) مش مصدق انه فشل فعلا وهو اللي وصلنا للي احنا فيه ده .....و كل همه تسفيه و ابخاث اي حاجه بيعملها الجيل الجديد .....و ((بيركز))على السلبيات جدا جدا جدا و يلف يلف و يربطها بالثوره ....

اقول تاني و لا كفايه ووضحت؟؟

ويبينه انه قد ايه الثوره و الاحلام اللي بيحلمها ما هي الا تفاهات و جنون شوية عيال

و اللي ياخد الكلام على نفسه يبقى منهم ....

**thedeveloper87** · 23-05-2011 02:45 AM

المشاركة الأصلية كتبت بواسطة cheetos_892005

يا باشا انا اصلا لو تلاحظ مشاركاتي قلت قوي في المنتدى ....

لاني اكتشفت حقيقه مره

بعيشها كل يوم تقريبا في الكليه و الشارع ......

انا الجيل ده ((معظمه)) مش مصدق انه فشل فعلا وهو اللي وصلنا للي احنا فيه ده .....و كل همه تسفيه و ابخاث اي حاجه بيعملها الجيل الجديد .....و ((بيركز))على السلبيات جدا جدا جدا و يلف يلف و يربطها بالثوره ....

اقول تاني و لا كفايه ووضحت؟؟

ويبينه انه قد ايه الثوره و الاحلام اللي بيحلمها ما هي الا تفاهات و جنون شوية عيال

و اللي ياخد الكلام على نفسه يبقى منهم ....

زي ما يكون إن أيام الثورة كانت حلم جميل أو أمل إن ممكن يغير البلد دي ويغير ناسها لكن للأسف ، مفيش فايدة

**تامر.محمد** · 23-05-2011 02:47 AM

المشاركة الأصلية كتبت بواسطة cheetos_892005

يا باشا انا اصلا لو تلاحظ مشاركاتي قلت قوي في المنتدى ....
لاني اكتشفت حقيقه مره
بعيشها كل يوم تقريبا في الكليه و الشارع ......
انا الجيل ده ((معظمه)) مش مصدق انه فشل فعلا وهو اللي وصلنا للي احنا فيه ده .....و كل همه تسفيه و ابخاث اي حاجه بيعملها الجيل الجديد .....و ((بيركز))على السلبيات جدا جدا جدا و يلف يلف و يربطها بالثوره ....
اقول تاني و لا كفايه ووضحت؟؟
ويبينه انه قد ايه الثوره و الاحلام اللي بيحلمها ما هي الا تفاهات و جنون شوية عيال
و اللي ياخد الكلام على نفسه يبقى منهم ....

تصدق ممكن ؟
و الله انا لحد دلوقت باحاول افهم السر عند الكثيرين
مش الكل الحمد لله

بس وارد يكون ده السبب

**lovely_love** · 23-05-2011 02:15 PM

السلام عليكم
اولا شكرا لكل من رد على موضوعى باى رد من وجهة نظره
بس الى انا عاوز اقوله ان دول مبينضفوش حاجة ودى حاجة شوفتها بعينى ومتاكد منها يمكن فى شباب تانية هى الى بتنضف ويمكن كمان مبيطلبوش فلوس من حد لكن دول واضح جدا من الى بيعملوا انه ولا نضافة ولا تجميل لانهم بيرسموا على الرصيف بالتراب الى عليه من غير حتى ما ينضفوا مكان الرسم ودا معناه الرسم مجرد شوية هوا يشيلوا التراب هيشيلوا الرسمه معاه
تانى حاجة ايه فايدة او قيمه الرسم على الارض الناس الى بتقول فى شباب شالوا زبالة ورسموا على حوائط انا معاهم انهم شباب محترمة لان الرسم على حيطة شكلها وحش لما يترسم عليها هتبقى لوحة فنية جميلة لكن دول بيرسموا على الارض وعلى التراب واحب اقول انهم بيختاروا اماكن جمب الطريق علشان ياخدوا من الناس فلوس
ثالثا اى حد ينزل عباس العقاد ويتفرج على الى اترسم ويقولى رايه لانى النهاردة كنت هناك الرسومات على الارض كلها اتبهدلت واتمسحت بالعكس شكل الرصيف بقى مشوه ووحش
واية معنى انى ارسم او اكتب على الارض اسم مصر علشان الناس تدوس عليه وارسم علم علشان الناس تدوس عليه
حاجة بسيطة احب اقولها انا شاب وعمرى 23 سنة علشان الناس الى فاكرنى عجوز وضد الثورة والناس الى هتطلع تقول دا حزب وطنى ودا امن دولة ودا لجنة الكترونية ودا فلول

واسف على الاطالة

**ahmed4000** · 23-05-2011 02:49 PM

الناس ال*&^%$ دول موقفين صلاح سلام جاى ورايح كل يوم وبعد متنزنق ساعة فى الطريق الاقيهم هما اللى موقفينه وانا كنت فاهم انهم بيلموا تبرعات لمصر وكنت عايز اهزقهم برده...لان جمع التبرعات ليه قواعد وقوانين علشان مش اى حد يلم فلوس

زائد ان عطلة العربيات بتستهلك فلوس اكتر من اللى بيلموه ...كمان طلعوا بيلموا علشان دهان الشوارع!!!!

**tamer_a7** · 23-05-2011 03:11 PM

المشاركة الأصلية كتبت بواسطة cheetos_892005

يا باشا انا اصلا لو تلاحظ مشاركاتي قلت قوي في المنتدى ....

لاني اكتشفت حقيقه مره

بعيشها كل يوم تقريبا في الكليه و الشارع ......

انا الجيل ده ((معظمه)) مش مصدق انه فشل فعلا وهو اللي وصلنا للي احنا فيه ده .....و كل همه تسفيه و ابخاث اي حاجه بيعملها الجيل الجديد .....و ((بيركز))على السلبيات جدا جدا جدا و يلف يلف و يربطها بالثوره ....

اقول تاني و لا كفايه ووضحت؟؟

ويبينه انه قد ايه الثوره و الاحلام اللي بيحلمها ما هي الا تفاهات و جنون شوية عيال

و اللي ياخد الكلام على نفسه يبقى منهم ....

فعلا فشله
عارف ليه فشله علشان هما اصحاب النصر الوحيد علي اسرائيل بعد مشيئه الموالي عز وتجلي
عارف ليه فشله علشان منهم ابوك وابويا اللي دفع عمرهم علشان يربونا ويوصلونا للي احنا فيه ونقعد علي الكمبيوتر واللاب توب والموبيل الاي فون نكتب عنهم انهم فشله في النت
بجد ياخساره
احب اصدمك قبل ماتحكم عليا انا من جيلك شاب مش عجوز ولا غيره

**otefa** · 23-05-2011 03:20 PM

المشاركة الأصلية كتبت بواسطة tamer_a7

فعلا فشله
عارف ليه فشله علشان هما اصحاب النصر الوحيد علي اسرائيل بعد مشيئه الموالي عز وتجلي
عارف ليه فشله علشان منهم ابوك وابويا اللي دفع عمرهم علشان يربونا ويوصلونا للي احنا فيه ونقعد علي الكمبيوتر واللاب توب والموبيل الاي فون نكتب عنهم انهم فشله في النت
بجد ياخساره
احب اصدمك قبل ماتحكم عليا انا من جيلك شاب مش عجوز ولا غيره

ياهندسة شوف المرشح ألي بيأيده للرئاسة هاتفهم تفكيره =تفكيره

وقال رسول الله- صلى الله عليه وسلم-: (( المرء على دين خليله فلينظر أحدكم من يخالل ))حديث صحيح رواه أبو داوود والترمذي من حديث أبي هريرة رضي الله تعالى عنه .

وعن رسولنا الكريم صلى الله عليه وسلم الذي بعث متمما لمكارم الاخلاق قال :" أقربكم مني مجلسا يوم القيامة أحاسنكم أخلاقا "
" ليس منا من لم يوقر كبيرنا ويرحم صغيرنا "

-

الموضوع: هل دول سباب الثورة ولا شحاتين الثورة

LinkBack

أدوات الموضوع

عرض

-

-

-

-

-

-

المواضيع المتشابهه

الحمد لله اخيرا انتصرت الثورة وتم القضاء على الثورة المضادة

مين اللي قال ان قبل الثورة غير بعد الثورة .. المرور مازال فيه فساد ومرتشين

قبل الثورة تركي وبعد الثورة مصري

الكلمات الدلالية لهذا الموضوع

المفضلات

المفضلات

ضوابط المشاركة