سؤال بسيط: ليه الفرامل متمسكش فى الاربع عجلات بدل العجلتين الاماميتين !!!!

**Mahmoud Nagieb** · 23-05-2011 12:57 AM

السلام عليكم يا شباب

جه فى دماغى سؤال محيرنى بصراحة ..... هو ليه فرامل الرجل بتبقى مخصوصة للعجلتين الاماميتين بس ؟

يعنى ليه متبقاش الاربع عجلات بيفرملوا مع بعض فى نفس الوقت لما اجى ادوس فرامل ؟؟؟ .... اعتقد ان ده هيقلل مسافة الفرملة فى العربيات بشكل كبير .... صح ولا انا فيه حاجة مش فاهمها ؟؟

عاوز مناقشة من ناااااار

**yoko** · 23-05-2011 12:58 AM

ومين قال إنها على الي قدام بس هي على ال٤ عجلات طبعا طبعا طبعا

**Mahmoud Nagieb** · 23-05-2011 01:03 AM

المشاركة الأصلية كتبت بواسطة yoko

ومين قال إنها على الي قدام بس هي على ال4 عجلات طبعا طبعا طبعا

لا والله !!! .... انا اللى اعرفه ان الفرامل للعجلتين الاميتين .... والهاند بريك ده للعجل اللى ورا ..... ده حتى لما عربية بتيجى تكبس فرامل فجأة العجلتين القدامنين بس هما اللى بيقفشوا وبيصرخوا مع الاسفلت

ولا انا بيجيلى تهيؤات ولا ايه

**yoko** · 23-05-2011 01:07 AM

ﻷ مش تهيئات بس مع الفرامل وزن العربيه بيترمي لقدام والحمل بيبقى على الفرامل ٧٠٪ قدام و٣٠٪ ورا وعشان كده بتحس إنها قدام بس خصوصا في العربيات الأمامي بيبقى الحمل كبير قوي على قدام مقارنة بالي ورا

**Mahmoud Nagieb** · 23-05-2011 01:14 AM

المشاركة الأصلية كتبت بواسطة yoko

ﻷ مش تهيئات بس مع الفرامل وزن العربيه بيترمي لقدام والحمل بيبقى على الفرامل 70٪ قدام و30٪ ورا وعشان كده بتحس إنها قدام بس خصوصا في العربيات الأمامي بيبقى الحمل كبير قوي على قدام مقارنة بالي ورا

انا بيضايقنى اصلا ان فيه عربيات كتير لحد دلوقتى بتنزل طنابير خلفية .... اصل طالما الفرامل بتمسك فى الاربع عجلات (بنفس القوة) يبقى الفرامل كلها لازم تبقى ديسكات لان الطنابير مش بتبقى نفس القوة بتاعة الديسكات ومش بتدى نفس قوة الفرملة

....حاجة جت فى دماااغى برضه: ازاى العربيات الدفع خلفى بيعملوا burn out ؟؟ ... انا كنت فاكر انهم بيدوسوا على الفرامل وبكده العجل اللى قدام واقف واللى ورا شغال بقى

وشكرا على المعلومة الجديدة .... اول مرة احس انى مغفل

**AkramArafa** · 23-05-2011 01:16 AM

انا سعات بشوف عربيات بتكوندسكات ادام و طبله ورا
سؤال هل العربيات ديه لما تفرمل كل الكاوتشات بتفرمل ولا ادام بس
لكن اكيد العربيات اللي فرامله دسكات قدام و ورا
قدام و ورا بيفرملوا لكن بنسب مختلفه بين قدام و ورا

**yoko** · 23-05-2011 01:17 AM

المشاركة الأصلية كتبت بواسطة mr_7oda

انا بيضايقنى اصلا ان فيه عربيات كتير لحد دلوقتى بتنزل طنابير خلفية .... اصل طالما الفرامل بتمسك فى الاربع عجلات (بنفس القوة) يبقى الفرامل كلها لازم تبقى ديسكات لان الطنابير مش بتبقى نفس القوة بتاعة الديسكات ومش بتدى نفس قوة الفرملة

وشكرا على المعلومة الجديدة .... اول مرة احس انى مغفل

ولا مغفل ولا حاجة وكلنا جالنا التخيل ده أول ما ركبنا عربيات عادي يعني
وليه ورا حلل في عربيات كتير لإن ورا مفيش حمل عالي والحلل أرخص في التمن وكمان في التيل

**yoko** · 23-05-2011 01:17 AM

المشاركة الأصلية كتبت بواسطة me5ooo

انا سعات بشوف عربيات بتكون طنابير ادام و طبله ورا
سؤال هل العربيات ديه لما تفرمل كل الكاوتشات بتفرمل ولا ادام بس
لكن اكيد العربيات اللي فرامله طنابير قدام و ورا قدام و ورا بيفرملوا لكن بنسب مختلفه بين قدام و ورا

متفرقش في الحالتين ال٤ بيمسكوا

-

الموضوع: سؤال بسيط: ليه الفرامل متمسكش فى الاربع عجلات بدل العجلتين الاماميتين !!!!

LinkBack

أدوات الموضوع

عرض

سؤال بسيط: ليه الفرامل متمسكش فى الاربع عجلات بدل العجلتين الاماميتين !!!! - انشر الموضوع فى :

-

-

-

-

-

-

المواضيع المتشابهه

سؤال بخصوص الفرامل ودواسة الفرامل؟؟؟؟

هل نظام abs يلزم وجود ديسكات فى الاربع عجلات؟؟

سؤال بسيط لخبراء الفرامل

سؤال : هو ايه الفرق بين الفرامل الديسك و الفرامل الطبلة ؟

بوش في العجلتين الخلفيتين.

الكلمات الدلالية لهذا الموضوع

المفضلات

المفضلات

ضوابط المشاركة