كان عندي صوت شخشخه و خربطة في العفشة
واللي زاد وغطا صوت طقطقة لما اكسر الدريكسيون
طبعا انا رايح للعفشجي ومتوقع يقولي كبالن + بيض+جلب وكده يعني
بس ربنااااااااااااااااااااا ستر
والعفشة طلعت جديدة (كلام العفشجي)
الشخشخة كانت اسطوانه صاج (ترابة) للمساعد اليمين كانت في المطبات احس ان العربيه لابسه خلخال
فكينا المساعد وطلعناها وركبنا واحدة جلد
الورد بتاع البيض كان ناعم بيخلي البيض يطأطأ والحمد لله الكبالن فل
رحت اديت للبيضيت بنطين لحام وحطيتهم في المية علي طول
وجلدتين ليهم وشوية شحم والعفشجي (هو امين لكن مش بيفهم بسرعة بس لما فهم اشتغل كويس)
فك ورا وغسل ولجلش شوية ع اليد
دفعت كام
5 ج لحام
10 جلد
50 مصنعية (فك الاربع عجلات + المساعدين الامامين+غسيل وتشحيم وتزييت) راجل محترم
5ج نثريات
واتفرج با ريس
العفشه بقت صااااااامتة تماما وبقيت مطمن وانا ماشى ولله الفضل و المنه