مش الـ GEN2 أسرع من الـ Vectra ؟

**waeljimmy** · 23-05-2011 03:14 AM

السلام عليكم

ازيكوا يا شباب ..

النهارده واحد حرقلي دمي عمال يحكيلنا عن مغامراته بالأوبل فيكترا بتاعته وإن هو حط على كل عربيات صحابه وغير صحابه كمان على طريق البحر في اسكندريه و عمالين يسألوه مش حاطط فيها تٍربو ؟ يقولهم لأ وعامل فيها عم النجم

أنا متكلمتش خالص لحد ما قال إن الفيكترا الأوتوماتك "قامت على عربيات مانيوال كتير" ومنها الجين 2 مانيوال وقتها قمت وقفت وقولتله: "قف مكانك" الكلام ده مش مظبوط

أنا مبحبش الشد ولا حركات العيال دي بس أنا دمي محروق من وقتها
أنا معايا برسونا مانيوال وطلعتها ما شاء الله أسرع من عربيات كتير جربتها قبل كده فأكيد الجين 2 أسرع

ولا أنا غلطان؟

**kondor** · 23-05-2011 03:41 AM

سيبك منه
:)
كل واحد نفسة فى حاجة يقولها يقول d:

**damasry** · 23-05-2011 03:50 AM

عشان يكون الكلام محدد

انهى فيكترا؟؟ A or B or C؟؟؟؟

وانهى موتور فى كل دول؟؟؟؟

**bahernor** · 23-05-2011 09:05 AM

طيب عادى انت مستغرب ليه ما هيا عربيته 2000 سى سى
تخيل بقى لو الجين 2 او البيرسونا 2000 سى سى كانت عملت ايه ؟
بس هيا كدة حلوة مرضية ليك لما تعوز تجرى وفى نفس الوقت مش حيوانه بنزين زى الفيكترا

**kar!m** · 23-05-2011 09:16 AM

الكلام ده طبيعى و عادى جدا .. الفيكترا طلعتها بطيئة شوية و الجين تو برضه .. بس بعد كدا الفيكترا بتطير و سواء كانت 1600 أو 2000 سىسى .. الشكل الحالى أو اللى قبلة .. بتجيب 220 مستريح .. الجين تو مبتوصلش السرعة ده.

كمان الفيكترا معروف انها ملكة متوجة فى الثبات (مقتبس من تامر الجملة دى ) فبتخلى الواحد يشد براحتة

**waeljimmy** · 23-05-2011 02:09 PM

إنت بتغيظنا يعني إن الأوبل ثابته؟؟

خد بالك الفيكترا عريضه جدا وبالمرايات كمان بتبقى عايز شارع لواحدك لكن البرسونا مثلا مش عريضه وثباتها بالنسبالي شايف إنه عالي جدا ، هو طبعا العمر مش بعزأه عشان أجرب الثبات بنفسي على 220 مثلا لكن أنا شايف إن بروتون عاملين شغل جامد الصراحه