دلوقتى انا معايا سيفك موديل 90 مانيول لو حبيت اقلبها اوتوماتيك هل الفتيس الاتوماتيك على كنترول ولا واير مع العلم ان المكنة كاربرتير وهتتكلف كام واية الى هيتغير وبصبح على كل الهنداوية
عرض للطباعة
دلوقتى انا معايا سيفك موديل 90 مانيول لو حبيت اقلبها اوتوماتيك هل الفتيس الاتوماتيك على كنترول ولا واير مع العلم ان المكنة كاربرتير وهتتكلف كام واية الى هيتغير وبصبح على كل الهنداوية
الفتيس الخاص بالسيفيك 90 بيبقى على واير مش كهرباء
وانت كل اللى محناجة هتغير الفتيس والعصاية وهتلغى بدال وهتجيب اتنين سلك فتيس اتوماتيك ماتور d15b3 عشان مش هتلاقيهم بيجوا مع الفتيس الاستيراد , وهتجيب كمان عداد فية اتوماتيك
التكلفة هتجيب فتيس اتوماتيك بتاع ماتور 1500 الشجرة الصغيرة , مش عايز ااحددك بكود معين فلالفضل انك تجيبة خارج من مكنة 1500 بس يكون الشجرة الصغيرة وبيتكلف 1000 جنية
هتجيب اتنين واير اصلى ب 175 جنية
عداد استيراد سيفيك 87-91 يكون اهم حاجة فية عداد الاتوماتيك 2 , d3 ,d4 , ويكون السرة القصوى 220 عشان اغلب اللى فى السوق 180-200 بس فهيخلف معاك فى السرعة
يكون الفتيس جاى معاة حساس السرعة بتاعة
العداد 250 جنية
العصاية 250 جنية
المصنعية 200 جنية
متشكرين ياسمسم باشا على ردك
أهلا بيك ياباشا
ومتنساش تقفل مكان الدواسه الملغيه
وإن كنت أفضل الموتور بفتيسه على بعض
والله ينور ياسمسم
هو انا هحتاج اغير السربنتية او الردادتير وهل فى عيوب لو حولتها اوتوماتيك
لو انت عندك الريدياتير مافيهوش اتنين ماسورة من تحت هتضطر تغير وتمنة 400 جنية , لان دول بتوع تبريد الفتيس الاتوماتيك