الحمدلله على النيسان شبه الجديده

**aboamr** · 23-05-2011 12:10 PM

الحمدلله بعت النيسان 99 ربنا يوفق اللى اشتراها واشتريت برضه نيسان 2010 تعتبر كسر زيرو 13500 كيلو صيانتها كامله فى مودرن ابورواش ورحنا عاملنا كشف كامل هناك والحمدلله العربيه ممتازه والحالة من بره شبه ممتازه وبها abs وسنسور بارك بس مافيهاش سنسور اوكسجين للاسف .وكان اول مشوار للعوده على سرعة 150 يصراحه ممتازه فى سحبها وثباتها بس فعلا عزلها ضعيف اول rbm مابيوصل 3.5 صوت الموتور بيكون مزعج ومع ارتفاع السرعه الصوت بيقل مع انى قافل الزجاج وتأثير التكييف ضعيف على السحب . الخامات المستخدمه فى صالون السياره متوسطه .التابلوه وتنسيقه معقول جدا وخصوصا بالليل مع الاضاءه .انطباعى عن السياره جيد بعد اول مشوار .الحمدلله

**احمد المصرى** · 23-05-2011 12:17 PM

ربنا يباركلك فيها ويكفيك شرها ولو فيها سؤال رخم ممكن تقلنا انت بايع العربيه بكام واشتريت السياره الجديده بكام لانى ببيع عربيتى وعايز اعرف هل هتجيب السعر ال فى دماغى ولا مش هتجيب

**HOSSAM99** · 23-05-2011 12:47 PM

السلام عليكم
ألف مبروك علي العربيه الجديده و ربنا يحفظك و يحفظها من كل شر

**ahmed_hanafi** · 23-05-2011 01:29 PM

الف مبروك يا باشا وربنا يديك خيرها ويكفيك شرها

**msalah191281** · 23-05-2011 02:34 PM

الف مبروك بنا يديك خيرها و يكفيك شرها

**احمد المصرى** · 23-05-2011 02:38 PM

[QUOTE=aboamr;3873517964][QUOTE=احمد المصرى;387
[/QUOTE
ربنا يخليك انا فى البيع والشراء يعنى بيكون فيه نوع من التساهل طالما بيكون فيه نيه انا بعت ب 43500 مع العلم ان العربيه كانت ممتازه داخلى وخارجى ومش محتاجه جنيه مصاريف واشتريت ب 76000 مانيوال abs فرش جلد سنسور بارك رخصه سنتين مش عارف اتغلبت ولا معقول .الحمدلله[/QUOTE]

الموضوع مش موضوع اتغلب ولا لاه لانك مش تاجر انت بتشترى عربيه علشان تركب يعنى حتى لو غاليه الف او اثنين مش مشكله اطلاقا

ربنا يباركلك فيها ويكفيك شرها ويعطيك خيرها ان شاء الله