الموضوع: عايز اشتري هوندا شادو - وشكر خاص ل tafa17

المشاركة الأصلية كتبت بواسطة karembob

شادو ٧٥٠ اجمل واحسن بدل ال٤٠٠ السحب ضعيف زي ماقلك عشان الوزن الموتوسكل تقيل لو استيد ٤٠٠ ماشي بس في الشادو مش اقل من ٧٥٠

تمام الله ينور عليك
وفعلا لو شادو 750 أفضل والفرق مش كبي قوي حوالي من 3 الي 4 الاف جنيه والشكل هو هو

اه انا نسيت اقولك علي حاجة
القصة مش قصة جري بالموتوسيكل لاكن لو معاك حاجة 400 سي سي وبتمشي 100 او 120 كم
مش زي لو معاك 750 سي سي وبتمشي 100 او 120 كم انا قصدي الموتوسيكل هايبقي مستريح معاك ودي عن تجرية
وساعات الواحد بيحتاج عزم كويس وشد في بعض المواقف
يعني مثلا انا معايا استيد 600 سي سي وزنه 200 كيلو وفي 2 صحابي معاهم شادو 400 وزنه 250 كيلو وكنا في السخنة الجمعة اللي فاتت وكنا ماشيين علي 100 كم وبصراحة كنت بطلع منهم واقل ضغطة علي مقبض البنزين الموتوسيكل كان بيسحب حلو وماشاء الله عزمه حلو بالمقارنة معاهم وكلهم قالو لابد من التغيير وشراء 750 سي سي او 1300 سي سي
زي ما تبقي راكب bmw وتمشي علي 100 مش زي ما تركب 128 وماشي علي 100 فهمت قصدي ايه
انا وانا ماشي علي 100 او 120 كنت بحس وانا وزني صغير اني هاطير من علي الموتوسيكل من سرعة الهواء وبقيت مكلبش في الجادون علشان ما أطيرش
وبرده للمعلومة الموتوسيكل لو وزنه 500 كيلو بس علي طريق سريع مش بتفرق خالص موضوع وزن الموتوسيكل المشكلة كلها داخل البلد
وغالبا كل اللي بدأ ب 400 واتعلم السواقة اسبوع واحد ويقلك لازم اكبر واجيب حاجة اسرع
مع وضع في الاعتبار ان كلنا اعمارنا فوق الثلاثين ومتزوجين وعندنا عيال اشترينا الموتوسيكلات للفسحة والدنجلة والمشي البطيء والخروج والفسح والترفيه مش علشان الجري ولو كان الواحد عايز يجيب حاجة يجري بيها كان جاب ريس علي طول
فانتا قرر عايز تجيب حاجة صغير ة تتعلم عليها الاول وبعدين تكبر ولا عايز تجيب حاجة كبيرة علي طول وتفضل معاك
خلاص بقه
انا عندي كلام كتير
شوف واحكم وقرر وانا ان شاء الله معاك انتا وقريبك (ابن خالك)
وموضوع السيفتي ان شاء الله هاخليك تجيب حاجة كويسة وبسعر حنين
انا جايب جاكت بحوالي 550 مكتوب عليه هوندا وتحفة بيمشي صيف وشتاء
وجوانتي جلد نص بحوالي 130 ماركة Z1R ودي بعدين عرفت انها ماركة عالمية وكويسة جدا

وهكذا انوي وقولي وانا تحت امرك

المشاركة الأصلية كتبت بواسطة atrees

\


هههههه ابو زمل انا 35 سنة :) - مراهقة متاخرة

نزلت انهاردة عند صلاح - عندو شادو 400 واستيد 400 - بس الشادو حالة تحفة انما الاستيد طلعان عينة

روحت الراجل اللي قدام الجوهري - لقيت عندة استيد 400 شكلها ظريف بس صوت الموتور معجبنيش - عاملة 35000 ك
فيها حبة حاجات بسيطة من حيث خبرتي يعني - بس طلب عالي قوي - ومترخصة نمر 18 الف - قولتلو كتير


بجد لو حد عاندو استيد 600 حالة نظيفة انا شاري بكرة

شكلك كدة حتتدبس معايا في المشوار دة - بس مصلحة عشان تقوللي اجيب السنادات ( زي البسكليته ) والشراشيب منين - ههههههههههههههههههه

ياريت يا باشا قريب ننزل نخرب عباس :)

مراهقة متأخرة ايه يا راجل ده هو ده السن يعني انتا ارجع بالزمن عشر سنين كنت ممكن تركب حاجة كاستم طبعا لأ اكيد ريس
وبالنسبة لل 400 اللي عند ايمن اللي قدام الجوهري سيبك منه ده بقالو شهر عنده حالته مش اد كده هو لسه عنده الموتوسيكل ده ده من ايام وانا بشتري الموتوسيكل بتاعي وهو عنده
طيب شفت عنده شادو ؟؟؟

والشادو اللي عند صلاح حلو
بس انتا كده بتتكلم صح
هات استيد 600 احنا هانتعب شوية بس ربنا يسهل
هادور معاك و لو لقيت حاجة هاقولك عليها


وعايزين بقه نعيد ايام المراهقة ونتقابل ونخرج ونروح الكربة و عباس العقاد زي ايام زمان

انا كنت بتكلم مع العضو karembob وقال لى هو شاهد استييد 600 للبيع ممكن تسأله

المشاركة الأصلية كتبت بواسطة Atrees

انا شوفت الشادو اللي عند صلاح بس دة 400 - هوة حالة زي الفل - بس طالب 27 - وانا مش عايز ادبس في مكنة كبيرة وغالية - انا لسة زيرو بايك - بقولك عايز ادور علي سنادات يا راجل - ههههههه


وانا عند وعدي - اول ما نجيب واحد حنخربها - انا ابن خالي خلاص ركب في دماغو الشادو بتاع صلاح - لو خلص علي 25

يعني واحد في الصندوق - فاضل انا بقي بتاع الاستيد ال 600

معلش انا عارف اني جبتلك صداع - بس انا لو هديت وبردت مش حشتري :( وانا مصدقت اسخن


وحياتك عباس والكوربة بتنده علينا من زمااااااان بس الزمن خادنا


راجعنلك يا كوربههههههههههههههههههههه ه :)))))

بقولك ايه انا معاك بأذن الله لغاية لما تشتري ماتقولش صداع دي تاني
لو الشادو عاجبه قوي اللي عند صلاح استني نتقابل في حتة ونروح مع بعض ممكن ان شاء الله اخلص فيه ارخص من كده
علشان واحد صاحبي اشتري من عنده بايك cb4 400 موديل 1997 ب حوالي 18500 وكان مغلي عليه واحنا ماكناش معاه وهو بيتفرج وهو مالوش في الموتوسيكلات وراح دافع عربون ورحنا تاني يوم احنا الثلاثة اللي معانا موتوسيكلات ودخلنا عليه دخله جامدة وشوفنا الموتوسيكل وضغطنا علي الراجل ان يشتري علي حسابه فردة كاوتش وهو من نفسه غير الزيت والبوجيهات وتحمل عقد البيع و ظبط بعض الحاجات في البايك بنفس السعر وقولنا له ان لو احنا اللي كنا موجودين وبنشتري ماكناش هاناخده بالسعر ده واي حاجة هاتظهر في الموتوسيكل بتاعك وبصراحة طلع محترم وغير حاجات علي حسابه بعد لما اتفق علي السعر
فأصبر وخد رقمي سجله عندك 0166690391 مصطفي
ممكن نخلص فيه بأقل من كده وانا هسألك بكرة برده عند واحد ناحية كلية البنات اشوف عنده استيد ليك

ووالله خايف دماغك تروح لبعيد شوية انا والله ماليش مصلحة في حاجة بس خايف تبقي في وشي وتقول عليا دبستك في حاجة
فرجاء الصبر حلو زي ما بيقولو الشادو 400 تقيل في البيع والشراء
وربنا المستعان
ممكن اقابلك بكرة بعد الشغل انا شغلي في اول عباس علي الساعة 4 عصرا ونروح نضغط عليه في السعر بس هو خد بالك افراج يعني معلقش نمر