واحد بيغرق يا هونداويه

**Europian** · 23-05-2011 02:17 PM

معلش يا حضرات بتقل عليكو بس ليا عندكو استفسار كل ما اجى اشوف هوندا 1992(لانى بعشق العربيه ده) بلاقى منها حاجات كتير اوى مثلا

في منها 1500 cc ومنها 1600cc ومنها ex و si و sir وفى الموتور بتاعها اوريجينال وفى اللى مسقط مكنه vtec وانا معلوماتى عل قدى فى موضوع المواتير ده فياريت حد يدينى فكره عن الموضوع ده ولو حد مسقط موتور ده كويس ولا ادور على حاجه يكون الموتور الوريجنال بتاعها والمعايير اللى اختار بناءا عليه و ترشحولى اى نوع بلظبط

معلش صدعتكو والف شكر لاهتمامكو

**SAMEH_FOUAD** · 23-05-2011 03:48 PM

بالنسبة لل EL , EX الاتنين دول 1500 كود الماتور D15B3 كربراتير

بالنسبة لل SI دية 1600 فول اوبشن ماتورها الاصلى 2 كامة بدون VTEC بكود D16A9 انجيكشن

بالنسبة لل SIR دية فول اوبشن بماتور 1600 2 كامة بكود B16A VTEC

بالنسبة للتسقيط الغالب دلوقتى هتلاقى اللى مسقط فى هوندا SI ماتور 1600 كامة واحدة بتاع ال97 ودة عشان حصل مشكلة فى ماتورة الاصلى وطبعا الماتور دة قليل جدا ونادر فبيضطر يجيب الجيل اللى بعدة وبيبعد عن ال sir لان ماتورة غالى ورياضى جدا

والقليل شوية هتلاقية مسقط ماتور b16a بتاع ال SIR ودة بقى بيبقى راجع للاسباب هو عايز اداء عالى فية مشكلة حصلت فى المحرك القديم فزود شوية وركب SIR

اهم حاجة بقى بعد ماتخلص كشف على اساسيات العربية والدواخل ( الكلام دة بالنسبة للعربية اللى متسقط ليها ماتور )

تبص على الضفيرة هل متركبة صح , فية حساسات بايظة , العربية متقفلة كويس ولا عك , العفشة , لمبة التشيك شغالة صح

لو ماتور SIR يبقى تتاكد من مقاس الطنابير لازم يكون 14 , وتكون الطلمبة بتاعة البنزين خاصة بال B16A , كنترول P30 او P2T لو جايب الجيل الثالث

ولو فية اى حاجة مش عارفها قول عليها وحنا فى الخدمة

**Europian** · 24-05-2011 08:29 AM

الف شكر بجد يا سمسم وربنا يباركلك يا بوب

يعنى مافيش مشكله لو العربيه متسقطلها موتور بس اتاكد من الحاجات اللى انت قولت عليها دى؟

وايه اهم الحاجات اللى لازم اطمن عليها قبل ما اشترى العربيه؟

وياريت ترشحلى حد كويس و موثوق منه عشان يكشفلى عليها قبل ما اشتريها انشاء الله

لو تعرف عربيه كويسه تكون 1600cc واوتوماتيك و تكون ضامنها ياريت تقولى يا سمسم

والف شكر على تعبك ومجهودك

**Europian** · 24-05-2011 04:48 PM

سيفيك 1993

1600 سى سى | 170000 كم sir بالكامل وفتيس لوك دفع ثنائي بالهيدر 194 حصان وصالون ريكارو أورجينال ووش الكوبية بالكامل وجنوط وكوتش ألماني 17 وباقي الكماليات

61000 جنيه كتير ولا لا وايه رايكو فيها

**Europian** · 24-05-2011 04:51 PM

سيفيك 1992

1600 سى سى | 148000كم sir كامله اتوماتيك 175 حصان دواخل فبريكه فتحه سقف كهرباء لونين ابيض ف ازرق رخصه سنه ونصف وفحص بعد 3 سنين زوائد فيبر 4 زجاج كهرباء جنط 17 نيكل كاوتش وبطاريه جديده ديفل وفلتر فوانيس ليدات خلفيه وكرستال (فوجات وعدسات اماميه ) زينون - سوند سيستم صالون طياره جلد عفشه رياضيه باور وسنتر وانزا

47000 ج