الموضوع: تقرير ما بعد الحادثة

السلام عليكم يا اهل الاوبل الكرام .. انا بعد معملت حادثة من اسبوعين كدة و كانت النتيجة دواسة الشنطة و الفوانيس الى ورا و الاكصدام و الشبكة الى قدام و قميص مروحة السربنتينة و طبعا ال 2 شاسية بتوع الاكصدمات ورا و قدام و فانوس قدام يمين و اليكم الاحداث بالتفصيل
اتنين جيرانى جابولى اتين سمكرية علشان يقولولى هتتكلف كام واحد قالى 800 و واحد قالى 900 مع العلم انى قلت هجيب شنتطة جديدة ( كنت فاكر ان الشنطة هى الى معجونة و لكن طلعت سليمة بعد متفكت من العربية و طلعت الخبطة كلها فى الدواسة ) المهم كلمت محمود اوبل بتاع كفر طهرمس- فيصل - قالى الشنطة و بعد الواجب كمان ب 500 جنية و طبعا الاسعار دى كلها انا مكنتش مرتحلها المهم قلت اسأل انا بقى و كلمت اسلام عبد الشافة قالى عندة شنطة كحلى - لون عربيتى - و عاملة 300 جنية قولتلوا امسك فيها انا هجى اخدها دلوقتى و طيران على الحرفيين و خدتها منة ب 250 بعد مشلت منها الكالون علشان انا الى عندى سليم و حتى لو طلع بايظ اهو موجود ابقى ارجع اجيبة .. و رحت معى على محمد علام اخد رأية .. بص على العربية و قالى ان شاء الله بسيطة .. سألتة تتكلف كام قالى و احنا هنتعب نفسنا لية استنى اكلم السمكرى بتاعى بيجي يشوفها , المهم الراجل جة و قالى هتتكلف 450 جنية ( سمكرة ) قلتلة على بركة الله .. و بعد ممشى قلت لمحمد الراجل دة مضمون ؟ قالى على ضمانتى انا قلتلة يبقى نتوكل على الله و بالفعل و ديتلة العربية و اليكم الملخص

السمكرى اسمة احمد شعيب فى الحرفيين و راجل شغلة كويس جدا بس مشكلتى معاة انى شغل فى العربية صنايعى صغير مش قد كدة و ضيع وقت كتير و لما قفشت عليهم بعد يومين من العطلة خلى واحد من الاسطوات الكبار يشتغل فيها و عمل شغل كويس بصراحة و سريع و دة تحفظى الوحيد على انة اعتبرها شغلانة بسيطة و كلف واحد اى كلام من عندة و دة مش مظبوط علشان انا مكلمتوش فى جنية من الى طلبة اصلا

و دى صور العربية و السمكرى








المشتريات

و طبعا كلها من عند اسلام عبد الشافى علشا بجد راجل جدع جدا و مهاود فى الاسعار قوى ( و بعد التوقف عن التعامل مع العايدى بسس علبة دريكسيون خلع ادهانى على انها استيراد و رجعتهالوا تانى )

شنطة فاضة 250 جنية
فانوس امامى بالاشارة - بحالة الفابريكة ب 150 جنية
عاكس شنطة 100 جنية
ساعة التابلوة 80 جنية
حساس حراة الجو ( واجب )
قميص مروحة السربنتينة 50 جنية

حاجات سألت عليها بس مشترتهاش
علبة دريكسيون كاملة بالجلد و القواعد 350 جنية
فوانيس ورا 2 ب 200 جنية
شاسية الاكصدام ب 100 امامى او خلفى
اكصدام امامى 800 خلفى 700 بالكرسي
مروحة سربنتينة بال قميص 200 جنية

و دي صور اسلام








و بعد مخلصت عديت على علام علشان يبص على العربة بردو بس كان مشغول و قالى خليها و قت تانى طالما مافيهاش حاجة بتشتكى منها و اخدت منة طقم سلوك بوجيهات بس جامد جدا و فرق مع العربية جامد بصراحة بس محمد كان مركز اوى مع عربية بيسقطلها موتور 2200 cc و كان مركز مع ال tech 2 علشان يظبتها و اليكم صور علام و المركز الجيدي بتاعة و العربية لاى بيسقطلها الموتور يمكن حد يفكر

العربية و الموتور الجديد





محمد و ال Tech 2


صور المركز