الموضوع: تقرير مقابله الصقور والفرسان

تحية وتقدير فى اليداية لقسم شفورليه على التجميعة الحلوة اللى كانوا السبب فيها ,

تحية وتقدير لعمدة شفورليه الاستاذ ايمن , والحريف باسم , وعرفة ,واسامة والدكتور هشام اللى كانوا منورنا فى التيست دريف بتاع التيدا , ومحمد السعدنى والف مليون سلامة على رجلك , كان تعبان وعنده مزق فى رجله وجه قابلنا ,وده بيدل على انسان محترم جدااا , وكمان بردوا تحية لفوزى وكل الفرسان اللى بجد الواحد بيكون سعيد بمقابلتنا بيهم دايما

وبالمناسبة بنقول مبروك لمحمد السعدنى وفوزى على تكريهم من نايل موتورز , وفعلا شخصيات تستحق التقدير والتكريم

وطبعا تحية حارة لصقور نيسان اللى شرفونا

وليد وصديقه مصطفى _ اسامة _ حسين _ باسم سعيد _ واحمد فؤاد _ وعمرو _ومحمد نجيب_ وصديقى بسام اللى فرتك عربيتى _ ومحمد ابراهيم الشخصية المحترمة اللى كان راجع فى نفس اليوم من اسكندرية وصمم يشوفنا وحضر المقابلة _ وطبعا حبيبى القلب الطييب بيشو اللى جه ونورنا من شبين _وصديقى الشخصى اللى من خارج النايل محمد صلاح , اللى دايما بيوصينى انه يحضر مقابلات النايل عشان يتعرف معايا على اعضاء النايل المحترمين _ وطبعا صبحى باشا افضل شخصية اجتماعية محبوبة بروحها وتعليقتها الجميلة فى المنتدى كان منورنا ,دايما معانا ومنورنا يا ميكى

واول مرة من كتر المحبة والقعدة الجميلة ننسى نتصور , ملحوقة فى مقابلة جاية تانية باذن الله

واسف على حضورى متاخر , عشان عديت فى طريقى على اتو ايجيبت عشان صورت نيسان صنى , عشان اعملكم بيها تقرير فى القسم عندنا , وكمان وانا جى اتخلط فى الوصول للكافيه

فعلا كانت مقابلة ممتعة , اتعرفنا على اعضاء جدد , استفدنا فى من خبرات بعض , جربنا عربيات بعض , للاطمئنان على حالات العربيات , واخد الملاحظات الهامة من بعض
ده غير فعلا كسبنا رجالة محترمة ,واتشرفنا واتعرفنا عليهم وكسبنا معرفتهم فى زمن قل فيه الناس الحلوة اللى زيهم
وبرغم ظروف كل واحد فيهم من اعباء الحياة وضغوطات كثيرة الا والكل حضر
وفتحوا نفسى على اننا نعمل مقابلة لينا فى القسم قريب عشان نقعد معاهم تانى , لانهم ناس ميتعبش منهم ابداااا

تحياتى للجميع

ونشوفكم قريب باذن الله