-
بداية تصليح العربية
بسم الله الرحمن الرحيم
إزيكم يا شباب عاملين إيه إن شاء الله تكونو كلكم بخير
من كام يوم كدة نويت أظبط العربية وخصوصا إنى هبدأ إمتحانات ومش هبقى محتاجها خالص
المهم قولت يا واد يا أبوحميد أسال على الفيتيس عشان لو كدة تغيره المهم روحت لعبدالله أوبل (من شوية ولسه جاى من عنده)
بسأل على الفيتيس أحمد أخوه عشان عبدالله مش موجود وكان كالأتى
2500 فيتيس
300 مصنعية
150 زيت
طبعا أنا سمعت الارقام دى جالى حالة هسهس وبقيت حاسس إنى هيجرأ لى حاجة
المهم وقفت اتكلمت مع شاب إسمه صلاح (شكله جدع ورجولة) قالى ثوانى اكلم عبدالله أسئله
وكانت المفاجاة التانية
2300 فيتيس
300 مصتعية
150 زيت
طبعا بردة الأسعار عالية بغباء وأنا مش عايز يتضحك عليا يا جدعان أعمل إيه
فياريت لو حد يقولى على السعر المناسب للفيتيس أو أجيبه منين بشرط يكون عليه ضمان فترة كويسة مش إسبوع وخلاص
الفتيس من عند عبدالله ضمان 3 شهور
طبعا العربية فيكترا 98 موتور 2000 سى سى أوتوماتيك
-
كويس انك روحت لعبده ااوبل الراجل ده كويس بس سعات بيقرصض الواحد فخلى بالك
وعلى فكرة هو بيجيب حاجته من هانى العايدى االى وراه فى شارع مرسيدس
انصحك انك تنزل الوكالة تسأل برده
-
الفتيس غالى شوية انا جبت المنوال فكترا 98 1600 سى سى 1200جنية ومعاه القاعدة الخلفية وكمان مخلوع امامى من موتور
2002 بتاع السدى اكس يعنى اسرع من اللى كان راكب فيها
-
يا كابو أنا أقصد عبدالله أوبل اللى ف المريوطية
مش عبده أوبل بتاع الحرفيين
-
مش عارف
هو فتيسك ماله الأول
-
الفيتيس فيه تفويت ف الغيار التانى
وعبدالله بيقولى أعملك عمرة فيتيس ب3000
وتغير الفيتيس ب2750 شوفت الاسعار
-
أنا لسة قافل مع الشيخ هيثم والسعر كان مفاجاة كبيرة بردة
الفيتيس ب 2500 غير المصنعية والزيت
أنا كدة فعلا شكلى هلجأ للنص الامامى سواء يمين أو شمال عشان الاسعار كدة إستهبال
-
ها يا جماعة أعمل ايه وأسال عند مين على الفيتيس
-
إيه يا جدعان حد يرد عليا عشان أنا مش عارف أعمل ايه
-
ايه الاسعار الغريبه دى
معلش يا ابو حميد استنى الرد من الشباب
الصبر جميل
Content Relevant URLs by
vBSEO 3.6.0 PL2