ينفع الكلام ده فى منتدانا المحترم ؟ و الله عيب
السلام عليكم و مساء الخير اعضاء المنتدى المحترمين.....
الحقيقه تابعت الردود على موضوع ا / كريم
وارجو ان تتقبلوا راى بصدر رحب و الخص رائ كالتالى :-
1/ عيب طبعا يوصل الحوار مهما كان الاختلاف فى الرائ للمستوى المتندى ده فى منتدى محترم و كبير زى نايل موتورز.
2/ الاختلاف لا يفسد للود قضيه لان كلنا مختلفين فى الفكر و الاسلوب و الطريقه و دى سنه الحياه منذ بدا الخليقه .
3/ لا يوجد اختلاف بين مسلم و مسيحى و اذا كان قبل الثوره ارهاصات ادت لده - ان شاء الله الجاى احسن لان المواطنه متاصله فينا كمصريين و موش عاوزه تفسير - انا مثلا اغلب اصدقائى من الاقباط و اقسم ان منهم مسافر و سايب لى توكيلات شامله بالتصرف فى ماليات و اصول خاصه بهم و كمان حسابات بنوك و محرج اقول ان ليهم اسر اطمن عليهم و اقضى حاجاتهم و علاقتنا انسانيه بحته.
4/ الفزاعه بتاعه الطائفيه كانت اختراع المجالس العسكريه بعد ثوره 1952 و قبل كده اتفرجوا على الافلام المصرى القديمه و شوفوا العلاقه كانت ازاى بين المسلم و المسيحى.
5/ ارجو من الاداره و الاستاذ كريم غلق الموضوع و حذفه حتى لا تتجاوز الردود حدود معقوله - مع كامل ايمانى بان الضرر الذى وقع عليه كبير و غير لائق بشخصيته المعروفه المتفانيه لخدمه الاخرين.
6/ الحوار مع الاخوه المسيحين و المسلمين على قدم المساواه و الاحترام و الاحسن يتم تجنيب المشرفين للمواضيع الجدليه .
7/ ارجو محدش يزعل بس احنا نستحق الاحسن .
علشان احنا مصريين .
حقك علينا يا كريم بك ....
دمتم بود