اوباما يضطر لترك سيارته الرئاسية بعد تعطلها في دبلن

عرض للطباعة

23-05-2011, 08:22 PM
احمد المصرى

اوباما يضطر لترك سيارته الرئاسية بعد تعطلها في دبلن

الرئيس الامريكي باراك أوباما لموقف محرج يوم الاثنين بسبب سيارته الكاديلاك الملقبة "بالوحش" عندما تعطلت على طريق منحدر في دبلن.

اضطر اوباما وزوجته وهما في طريقهما من السفارة الامريكية الى بلدة أوفالي مسقط رأس أجداده لامه لترك السيارة أمام حشد من الاشخاص كانوا يلوحون لهما.

وصنعت شركة جنرال موتورز السيارة التي تلقب "بالوحش" خصيصا لاوباما وهي مزودة بابواب مصفحة مضادة للقنابل ونظام يوفر الاكسجين في حال التعرض لهجوم كيماوي

اذاى عربيه ذى دى ومش بيعمللها صيانه فى مواعيدها علشان مش تعطل والله خبر بجد غريب جدا لان امكانيات السياره مش طبيعيه واكيد مواصفات الموتور مش طبيعيه برضوا

.
23-05-2011, 08:24 PM
KHALED AYMAN

بيقولو العربيه جابت جوان وش سلندر ..
هههههههههههه
خبر غريب اوووووووووى
23-05-2011, 08:26 PM
رزق

كويس إنه مقالوش انزل زق

طبيعي مسئول الصيانة لازم يتجازا

http://cache.gawker.com/assets/image...lac-one_01.jpg
23-05-2011, 08:39 PM
itsonlyme

YouTube - ‪Obama's car gets stuck at US Embassy‬&rlm;
23-05-2011, 08:43 PM
nab!l

يعم وحشه دى بتحوك فى المطبات
ههههههههه
23-05-2011, 08:45 PM
tamatemo

دي حكة ولا مساعد اتكسر؟؟؟
23-05-2011, 08:47 PM
KHALED AYMAN

السواق ده كان سواق ميكروباص ؟؟
23-05-2011, 08:49 PM
م. حاتم السباعي

اكد مصدر مطلع
ان فلول القاعدة وراء تعليق سيارة اوباما علي حديد بوابة البيت الاخضر
و بعد الاستعانة برجال ال fbi و الموساد الاسرائيلي ظهرت معلومات غير مؤكدة ان الموضوع اشترك فيه ( سلفيين مصريين )

م.حاتم السباعي
23-05-2011, 08:55 PM
MOUSTAFA_SAAD

طيب وهى دخلت ازاى من الاول
23-05-2011, 09:02 PM
Dojuar

ممكن عامل من عوامل الامان اتعطل

مش لازم عطل ميكانيكي
23-05-2011, 09:16 PM
MOUSTAFA_SAAD

دية اترفعت على المطب
23-05-2011, 09:17 PM
mohamedbook

اقتباس:

المشاركة الأصلية كتبت بواسطة moustafa_saad

طيب وهى دخلت ازاى من الاول

هي بس اترزعت عين جامده حبتين :untitled::untitled:
23-05-2011, 09:20 PM
tamatemo

YouTube - ‪President Obama's car gets stuck‬&rlm;

زاوية تانية
23-05-2011, 09:24 PM
nab!l

فعلا شكلها مساعد اتكسر
23-05-2011, 09:35 PM
SHNORY

اكيد مسترخصين وجايبين مساعدين صيني
عالم معفنه
23-05-2011, 09:38 PM
nab!l

مفيش مساعدين صينى عملو كده
23-05-2011, 09:40 PM
SHNORY

اقتباس:

المشاركة الأصلية كتبت بواسطة nab!l

مفيش مساعدين صينى عملو كده

يبقي اكيد البارومه اكلت البطاحه
23-05-2011, 09:41 PM
yasserelsayad

عربيات تعبانة
طيب دا لو جيه عندنا وراح لمطب من الجبال دول هيعمل ايه
دا انا مرة العربية اتعلقت فوق المطب بقت زى الميزان كدا
23-05-2011, 09:44 PM
Mohamed.Ramah

طبعا واضح جدااا انة حب يركب مساعدين جداد اللى بيرفع العربية وبينزلها بيهم وجية يعمل حركتين قدام الجمهور قام المساعد جاب زيت ههههههههههههههههههههههههه هههههههههه انا قولتلة بلاش الكونى !!!! بس الصراحة الصرف باين دة السواق دة اللى نزل ؟!
23-05-2011, 09:44 PM
Forever.Leo

اقتباس:

المشاركة الأصلية كتبت بواسطة angeliccore

طبيعي مسئول الصيانة لازم يتجازا

بيقولك البيت الابيض بيصين في الحرفيين دلوقتي .. علشان التوكيل حراق حبتين !!
23-05-2011, 09:51 PM
yasserelsayad

انا لما شوفت الفيديو تانى تحس ان المساعد قفل فجأة
تقريبا حصل حاجة لنظام المساعدين الهيدروليك اللى فيها
بس احلى حاجة الحراس اللى بتبعد دى
23-05-2011, 10:17 PM
rosebox

اقتباس:

المشاركة الأصلية كتبت بواسطة hagan

اكد مصدر مطلع
ان فلول القاعدة وراء تعليق سيارة اوباما علي حديد بوابة البيت الاخضر
و بعد الاستعانة برجال ال fbi و الموساد الاسرائيلي ظهرت معلومات غير مؤكدة ان الموضوع اشترك فيه ( سلفيين مصريين )

م.حاتم السباعي

أكيد اليوم السابع جابت واحد من مشايخ السلفيين (فى جلسه خاصه) و هو مثلا بيتكلم عن ان الواحد الاحسن يستغنى عن العربيه بتاعته شويه و ينزل يتمشى من وقت للتانى و طبعا ده تأكييييييييييييييد ان السلفيين حيحاربوا اى حد راكب عربيه و حيرجموه انما الحادثه دى كانت شدة ودن بس
23-05-2011, 11:00 PM
besso

اقتباس:

المشاركة الأصلية كتبت بواسطة yasserelsayad

انا لما شوفت الفيديو تانى تحس ان المساعد قفل فجأة
تقريبا حصل حاجة لنظام المساعدين الهيدروليك اللى فيها
بس احلى حاجة الحراس اللى بتبعد دى

ههههههههههههه
امال بقى لو سمعوا صوت رصاص هيعملوا ايه دول عيال فافى من بتاعه بابى ومامى
ههههههههههههه
23-05-2011, 11:13 PM
sha2e

مساعدين ايه يا جماعه اتفرجو على الفيديو الاولانى كمان مره
وخدو بالكو من حاجه بين العجلتين الخلفيتين فى جسم العربيه من تحت
تقريبا حاجة تابعه لنظام من انظمة التأمين اتحرك من مكانه وسقط لتحت شويه
وهوا الى احتك بالارض وطلع الصوت ده
المساعد صعب اوي يضرب من مطلع زي ده وحتى لو ضرب مش هيطلع الصوت ده
شوفو الفيديو الاول كمان مره وركزو على حاجه ساقطه شويه فى جسم العربيه من تحت جنب العجله الخلفيه :11:
24-05-2011, 12:26 AM
احمد المصرى

فى كل الظروف وحتى لو مكنش مساعد فيا حاجه تكسف ان عربيه ذى دى يحصل فيها كدا
24-05-2011, 12:36 AM
waelfarid

لو كان راكب لوجان basicمكنش المطب شعلقه هههههههه
24-05-2011, 02:43 AM
abumoh2000

الله يخرب بيت المستعمل
24-05-2011, 03:32 AM
tamatemo

انتوا شفتوا سمك الباب اد ايه لما السواق نزل؟؟؟؟؟
24-05-2011, 05:44 AM
bemocarlo

ده الباب الخلفي اللي بيدخلك السفاره الامريكبه من ورا.مش باب الجمهور.والمدخل ده بيستخدم لدخول السيارات فقط وهو عباره عن منحدر عادي جدا.بس معرفش ايه اللي حصل للعربيه الوحش.بيني وبينكوا منطقه ballsbridge اللي فيها السفاره كلنت ثكنه عسكريه حواجز وgardi والبلد تحسها غريبه جدا.مش دي دبلن اللي انا عايش فيها يا ناس هو في ايه.بلد هاديه ووديعه بس اليومين اللي فاتوا كانت كئيبه عشان الملكه اليزابيث كانت هنا هي كمان اليومين اللي فاتوا.يالا مع الف سلامه .المهم ترجع دبلن تاني مدينه هاديه ووديعه وجميله.
bemo,ire
24-05-2011, 06:03 AM
mohamed_e36

اقتباس:

المشاركة الأصلية كتبت بواسطة tamatemo

انتوا شفتوا سمك الباب اد ايه لما السواق نزل؟؟؟؟؟

:oh: انا كنت لسه هقول على الموضوع ده
ايه ده ............ده باب مدرعه
24-05-2011, 06:23 AM
semsem_uno

اقتباس:

المشاركة الأصلية كتبت بواسطة khaled ayman

بيقولو العربيه جابت جوان وش سلندر ..
هههههههههههه
خبر غريب اوووووووووى

اقتباس:

المشاركة الأصلية كتبت بواسطة nab!l

يعم وحشه دى بتحوك فى المطبات
ههههههههه

اقتباس:

المشاركة الأصلية كتبت بواسطة shnory

يبقي اكيد البارومه اكلت البطاحه

اقتباس:

المشاركة الأصلية كتبت بواسطة mohamed.ramah

طبعا واضح جدااا انة حب يركب مساعدين جداد اللى بيرفع العربية وبينزلها بيهم وجية يعمل حركتين قدام الجمهور قام المساعد جاب زيت ههههههههههههههههههههههههه هههههههههه انا قولتلة بلاش الكونى !!!! بس الصراحة الصرف باين دة السواق دة اللى نزل ؟!

اقتباس:

المشاركة الأصلية كتبت بواسطة now2005

بيقولك البيت الابيض بيصين في الحرفيين دلوقتي .. علشان التوكيل حراق حبتين !!

ههههههههههههههههههههههههه ههههههههههههههههههههههههه اجمد تعليقات قريتها في حياتي والله ضحكتوني
24-05-2011, 09:33 AM
احمد المصرى

العربيه دى بتستحمل انفجار قنبله نوويه صغيره يعنى عربيه مش عاديه يا شباب بس دى بكاك وشاريها كاش ولا قسط ههههههههههههههههههههههههه ههههههههه
24-05-2011, 09:52 AM
tarekzein

وبيقوللك متشتريش الهوندا عشان بتحك فى المطبات

على كده عربيتى برقبتها
24-05-2011, 10:39 AM
CryptonX

الذ حاجة اصلا ان الناس هنا بتعتبر العربيات الامريكاني تحفة !!

وتعلقيات الامريكان نفسهم على الموضوع يهلك من الضحك !!
مثل :

( يستاهل علشان يركب عربية امريكي تاني )
( مش اكرمله كان يقعد في ال 700 الي قدامه ؟ )
( و دي اخرة الي يشتري كايدلاك )
( والمفروض ان العربية تسحمل انفجار نووي ... بس متسحملش مطب ايرلندي )
( و علشان كدة ايرلندا حتفضل دولة متخلفة )
( المكلة اليزابيث لما جات امريكا رفضت تركب عربية السفارة الامريكية و جابولها range rover انجليزي, فهمنا ليه دولقتي )
( bmw هي عربية رؤساء العالم مش من فراغ )
( يعني مش كفاية شلكها المقرف و اعتناديتها الزبالة ... لا كمان فضحتنا في كل حتة )

دي شوية ترجمة لتعليقات مضحكة لقيتها على الموضوع و الفيديو .