حد جرب يشتري عن طريق موقع ContactCars للسيارات المستعملة ، هو الواحد ساعات بيشوف اسعار لاتصدق (رخيصة) لبعض العربيات ، مش عارف دي عربيات مضروبة و لا هي بتبقى لقطة فعلا.
عرض للطباعة
حد جرب يشتري عن طريق موقع ContactCars للسيارات المستعملة ، هو الواحد ساعات بيشوف اسعار لاتصدق (رخيصة) لبعض العربيات ، مش عارف دي عربيات مضروبة و لا هي بتبقى لقطة فعلا.
انا جربت مرة ورحت شفت عربية طبعا الصور و المواصفات حاجة وعلى الطبيعة حاجة تانية خالص وده ميمنعش ان فى ناس كويسة وامينة فى نفس الوقت بس هى حظوظ
مافيش حد عبيط اليومين دول
اكيد بتبقى فيها مشاكل او عامله حادثه او محتاجة مصاريف
ما ينفعش باى طريقة تحكم على عربيه من غير ما تشوفها
بس الشعر بيبقى مؤشر مبدأى للحالة يعنى انت مثلا لو بتدور على لانوس 2006 بويه فابريكة وماشيه 20 الف بتبقى عارف ان سعرها من 55 الى 68 مثلا مثلا فلو لاقيت واحد كاتب المواصفات دى و طالب 50 يبقى فيه انه
هوة عموما فى كونتاكت اى حد بيكتب اى حاجة
انا رأى تدور فى www.car100100.com الموقع دة العربيات كلها معروضة فية بالصور و بالحالة الى فى الصور
واحد صاحبى لسه شارى جين 2 كسر زيرو من على الموقع ده, و كانت حالتها ممتازة
انا بعت عربيتى التريوس من خلاله
واللى بعتهاله طلع معايا فى الشغل :)
95% من اللى على النت مضروب و ال 5% ممتاز (اول مرة فى حياتة بيبيع عربية ) ........ومفيش وسط
قاعده عامه
النصاب قصاده طماع