النهاردة ركبت ستاير كبس
الظهر طبقة واحدة ( شفافة جدا زى الستاير ام عمودين )
الزجاج الخلفى طبقتين
هما كده يبقوا مخالفة و لا ايه؟
ومخالفتهم ايه يعنى فيها غرامة و فحص زى الفاميه و لا ايه؟
ياريت حد يفيدنا
عرض للطباعة
النهاردة ركبت ستاير كبس
الظهر طبقة واحدة ( شفافة جدا زى الستاير ام عمودين )
الزجاج الخلفى طبقتين
هما كده يبقوا مخالفة و لا ايه؟
ومخالفتهم ايه يعنى فيها غرامة و فحص زى الفاميه و لا ايه؟
ياريت حد يفيدنا
أنا مره وقفت في لجنه و سحب ررخصت العربية و دخلهالي فحص أودام أركديا مول كده
والله في ظابط بيسحب الرخص ويدخلها فحص
وفي ظابط تاني بيقولك شيلها وخد الرخصة
انا اتسحبت رخصتى مرة بسبب الستاير الكبس دى ورحت المرور فحصت ودفعت 50 جنيه مخالفة بس الرخصة وصلت بعد قد ايه بقى بعد شهر تقريبا ربنا يسترها معانا
و الله ده ظلم هما مالهم ستاير ولا مش ستاير
هتقولوا لي حجب رؤية طيب نهتبروها عربية نص نقل يا أخى
لا القانون مش بيعتبرها حجب رؤية كمان ممكن تشجع على ان الناس فى السيارة تاتى بافعال منافية للاداب ودى فيها تقريبا 6 شهور وغرامة من 300 الى 1500 جنيه وتتضاعف فى حالة العود
والله المفروض انا ملاكي محدش له دعوة افيم اركب ستاير الزق ستيكرز
مهو انا مش دافع ف عربيتي اد كدة وييجي ظابط ملوش لازمة يتحكم فيا ولا هي فلوس وخلاص
واشمعنى ف دول الخليج والامارات العربيات بتبقى نازلة لهم فامية
ممكن تفيم على الرخصة لكن لو مش على الرخصة حقه ومش معنى انك ملاكى انك تعمل اللى يعجبك وتقول فلوسى اصلها بتندرج تحت بند اسمه المنفعة العامة بمعنى ان ممكن تقتل حد جوة مثلا او تعمل افعال منافية للاداب فى الشارع لانك متدارى زى شقتك التمليك ليه القانون بيعاقب على الدعارة فى الشقة؟
لو هنمشى على مبدا انها شقتى يبقى متقدرش بقى تبلغ عن جارك لو بيزعجك صح؟
ودول الخليج والامارات لانها مفروض دول دينية مش علمانية زى مصر فهناك الحجة القانونية انها سيارات عوايل يعنى اسر وفيها نساء مش مفروض الراجل الاجنبى يشوفها هما دماغهم كده كل بلد ولها دستور بيمشيها طبقا لظروفها
ومع ذلك اقدر اقولك ان من ضمن القوانين العبيطة فى بلدنا مصر انك لو مفيم بالرخصة هتقدر تعمل كل ده فى العربية ومفيش مخلوق يعرف يتكلم معاك
يعنى كل القصة انك تقدر تنصب وتقتل بالقانون ومن غيره متقدرش شفت خيبة قوانين مصر بقى هى دى بلدك