كل دي إشاعات
على رأي سميرة سعيد ههههه
جائزة مالهاش معنى و لا هاتزوده و لا هاتنقصه
مصر فيها كذا وائل غنيم بس هو كان تحت الأضواء شوية عشان صفحة خالد سعيد و إعتقاله .. و شهرة و أضواء بيجي معاها إشاعات.. في كل مجال
كل دي إشاعات
على رأي سميرة سعيد ههههه
جائزة مالهاش معنى و لا هاتزوده و لا هاتنقصه
مصر فيها كذا وائل غنيم بس هو كان تحت الأضواء شوية عشان صفحة خالد سعيد و إعتقاله .. و شهرة و أضواء بيجي معاها إشاعات.. في كل مجال
أنا مش فاهم اية كم التحامل الرهييييييييييييب على وائل غنيم ..... الواد يعتبر بطل بجد وقدر يوحد الملايين وينزلهم ينادوا بحقهم ومعملش جنس حاجة غلط للبلد اية كم الناااااار اللى جوة البعض اتجاهة يعنى ... اية اللى دم الشهدا منشفش و راح اخد جايزة من امريكا وميخدهاش لية يعنى ؟؟ اية الضرر مثلا ؟؟؟ ولو مثلا جماعة اخرى اتعرض عليهم نفس الجايزة ياترى كانو حيرفضوا ؟؟؟ حاجة عجيبة و مستفززة الى ابعد و اقصى الحدود
من كام يوم البرادعى و دلوقتى وائل ؟ هو فى اية بالضبط
ادوله الجائزة لانه كان ادمين فى صفحة كلنا وائل غنيم !!
طيب اولا الف مبروك
ثانيا : للى ميعرفش الصفحة ديه ليها 2 ادمين مش واحد بس
الادمين الى غير وائل غنيم هو (اخوانى ) وده الى قاله عصام العريان
فيه لغز فى الموضوع ليه الادمين التانى مختفى....وعمر عفيفى قال انه متاكد ان وائل مش هو الادمين الاصلى للصفحة
وغير كده الى متابع الصفحة من الاول يعرف ان الادمين (اسكندرانى) لانه كان بيقول انه زار والدة خالد فى منزلها
هل الاخوان ادو وائل غنيم ادارة الصفحة.... عشان ميتقالش فى الغرب ان الاخوان هم الى اطاحو بمبارك ... او يمكن عشان وائل لديه قبول غربى ..........بالطبع اكتر من اى حد ينتمى للاخوان
الله اعلم
سبحان الله
مش عارف وائل غنيم عمل إيه عشان الناس تتكلم عنه بالطريقه دي!
فعلا دا واد ماسوني صهيوني فاشي نازي علماني نمروووووود
انا عن نفسى شايف
ان الجيل الحالى من المصريين يقضل كدة ياكل فى بعضة لحد مايخلصوا على بعض
وييجى جيل جديد نضيف
وعلى فكرة كل الناس اللى بتشتم فى وائل غنيم لو تلاحظوا هما الناس اللى معملوش اى حاجة للثورة
يعنى كلة حقد فى حقد
مبروك لوائل غنيم
الشاب المصري اللي نفتخر بيه مش نتهمه علشان جائزة تقديرية تسلمها من اميركا
و ايه اللى عرف حضرتك إن وائل كان بيحلم بالشهرة و مش راضى باللى هو فيه؟ ... هو حد كان متوقع إن الثورة تحصل أصلاً يا أخى؟! ... كان أخر طموحاتنا قبل الثورة أقل من اللى حصل بكتير.
لا داعى للتخوين لكل من هب و دب! ... أنا عارف إن ده بيحصل كتير فى جو عدم الأمان اللى إحنا فيه بس ملاحظ إن الموضوع exaggerated عند حضرتك شوية ..
أنا شايف إن موضوع الجائزة التقديرية ده مش هيأثر علينا فى حاجة.. بالعكس ده تكريم لشاب مصرى قدر يأثر فى الملايين ... و كده كده الثورة تمت حتى لو كان اللى وراها واحد ماسونى _ مش هينفع نرجع لورا!
+1
عموما حصل خير واضح أن نسبة كبيرة واخدة الموضوع في أتجاه تاني خالص ونظام مش معانا يبقى علينا ومافيش بين البنين يا أبيض يا أسود ومافيش درجات في النص وده يفسر جزء من المرحلة الحرجة ألي بنمر بيها حاليا والتخبط في الأهداف
بالتوفيق
أنا لا أتهمته ولا برأته
بالعكس أنا بقول من بدري أنه ألي عمله كان لأسقاط النظام بس مين ألي كان بيحركه هو ده السؤال؟
وكان ميلي أنه تبع المخابرات المصرية
وبعد كده ظهر أنه كان ليه أتصال بالأخوان وعارفين تاريخه كويس
وسؤالي ليه ظهر المقال دلوقتي قبل يوم 27 هل تأثيره هايكون أيه على الناس هايشعللها ولا هايهديها!
وواضح طبعا أن في أنقسام جامد في الأراء
مين قال لحضرتك كدا
قبل خالد سعيد كان بياسس مؤسسة اسمها Clean Egypt
كان عايز الشباب ينزلو ينضفو الشارع كل يوم
بالنسبة لاسقاط النظام وائل غنيم لما عمل الايفينت بتاع الثورة كان بيتلكم على انها هتبقى ثورة عادية
و الكل عارف ان لولا 6 ابريل و بعد كدا الاخوان مكنش بقى في مظاهرات اصلا
و مش عارف الراجل عامل ايه في الضلمة اصلا هو نزل يوم التلات و الاربع في المظاهرات
يوم الخميس خرج مع واحد كان جاي يزوره من برة و هو مروح اتشد في امن الدولة لغاية ما خرجوه بعديها لما اتاكدو انه مش متمول من برة
اما بالنسبة للدموع ال الناس مسمياها دموع التماسيح ف تخيل انك قولت لواحد روح اعمل حاجة و مات و هو بيعملها
تخيل الذنب ال هتحس بيه اتجاهه
الادمن التاني بتاع الصفحة صاحب وائل قال انه مكنش بيشارك كتير و انه كان بيساعد وائل في الصفحة بس
و ظهوره دا مش ذنبه دا ذنب الاعلام
علما بانه لما نزل التحرير تاني يوم لما خرج من امن الدولة المعتصمين طلبو منه انه ينوب عنهم في الحوارات و يبقى ممثل ليهم وهو ال رفض
المزيد من التشهير و التشكيك في كل شخص ملوش علاقة بالاخوان و السلفيين ..
وفي الاخر حيطلع مفجر الثورة هما الاخوان و السلفيين !
و لو حد كان جاب سيرة اخه الشيخ محمد حسان اللي اتقبض عليه و اتحكم عليه ب 3 سنين للتوزير في بيع سيارة بمعرض يمتلكه .. كان زمان الموضوع قلب غم على الي عمله و افترائات و حرام رغم ان محدش جاب سيرة الشيخ في حاجة .
بس كالعادة كل واحد بينقل الخبر الي يعجبه او الي يعجبه تفسيره على مزاجه ..
ان لا ضد وائل غنيم ولا معاه ..بس بصراحة شايفه عمل حاجات كتيرة ... اكتر من حزب الكنبة المسيطر في المنتدى ده .
ثورة ثورة للأمام للأمام:36_2_49[1]: أنت قريت الموضوع أشك:Ka_che1[1]:
علشان كاتب أية قرأنية في توقيعي صنفتو الناس دعوة سلفية وووووووو.................سبحان الله الله يجازيك يامبارك أنت وألي قبلك وألي قبله على أضعاف الأسلام والتجهيل المتعمد وفزاعة للأجيال وتشويه دينهم بأيديهم ده كلام موجه لبعض المسلمين
وائل غنيم ده ابن تيييييت علشان فكر فى بلده
يستاهل اللى يجرى له
بحس ان فيه ناس كل شغلها فى الحياه انها تاخد اى كلام وتفسره على مزاجها
وتلاقى حد تانى داخل يساعده ويعيشوا سوا انهم كده على حق
وللاسف دايما بيهاجموا ناس أو اتجاهات بعينها من غير اى دليل
ومن ليس معنا فهو علينا وخائن وعميل او مش قادر يفهم
ربنا يهدى
حلوة التعديلة دي !
عامة الله يسامحك و يكرمك انا مسلم الحمد الله وبادي كل فروضي و راضي عن نفسي و عملي و كل حاجة .
على الاقل لا احكم على الناس كالعادة بضعف الدين و لا الالحاد و لا الكفر ولا بشهر بحد و لا بنتقد حد في شرفه و سمعته و كل حاجة زي مافي ناس "كبيرة" بتعمل و ده طبعا الهجوم الاكلاشيهي المعتاد .. عند "الزنقة " .
وانا لم اقرأ توقعيك اصلا من البداية .
حضرتك ألي كتبت مشاركة غامضة ودخلت الدين في موضوع مالوش علاقة لا بشيخ حسان ألي بالمناسبة أنا مش من المداومين على الأستماع لبرامجه بس ده مايمنعش أنه ليه شعبية تحترم
هل أنا أتهمت أحد بالألحاد أستغفر الله العلي العظيم؟!
تجني وأتهام غريب منك
ونقاشي على وائل غنيم ليس أتهام ولا تبرئة نقاش عادي بس كثير قلبوه تهكم ليه مش عارف كأنه معصوم عن الخطأ أستغفر الله
فعلا
" ياحبيبي ياغنيم ماخيبتش توقعاتي فيك كانت واضحة زي الشمس "
نقاش عادي ازاي وانت حاكم عليه انه "مذنب" قبل ماتقرا رد حد !!!
انا مدخلتش الموضوع في الدين ولا حاج ة .. هو الدين للاخوان و السلفيين بس ؟
دول جماعة من الناس شفتهم اكتر من مرة بيهاجموا ناس لمجرد انه مختلف ! وياريته حتى مختلف في دينه مثلا او جنسيته ... لا ده مختلف في تفكيره .
والشيخ محمد حسان راجل محترم جدا ... وموضوع اخيه لا يؤتر على احترامي لها نهائيا .. انا كنت بقارن لو الخبر ده اتنشر و الخبر ده اتنشر .. وقعه على الناس ايه .. حتقولي الشيخ لا يقارن بوائل حقولك صحيح . لاني لا اقارن شخص بشخص.
وبرده لم اتعرض لحضرتك في حاجة وكلامي عن شخص معين و تحول الكلام من ذللك الشخص الى اتهامات صريحة تشكك في تديني و علمي لمجرد اختلافي في راي "كالعادة" .
شكرا ليك مرة تانينة بما اني ملقتش اعتذار منك و ربنا يكرمك و يسامحك .
وأيه المشكلة لما يكون ليا توقعات وناس كثيرة بتأيدها أقرأ تعليقات الناس على الخبر المنشور وأنت تعرف أن ناس كثيرة بتهاجمه وبتتهمه بالعمالة ضد مصلحة البلد وده أنا مقولتوش بالعكس أنا بقول من الممكن أنه ليه علاقة سواء بالمخابرات المصرية أو الأخوان المسلمين أو ال2 مع بعض أيه رئيك .........يعني بالصورة دي خدم البلد بس مش شرط من منطلق ثوري ووطني ومجهوده الشخصي(كفكرة) مش زعيم وطني ثورجي بعيده عن شخصيته
وأنا بالمناسبة ما غلطش فيك علشان أعتذرلك أنت ألي ماقرأتش الموضوع كويس قبل ما تهاجم
يا جماعة و الله البلد محتاجة اتحادنا دلوقت
مش وقت تقسيم غنايم ده
ازاي يعني متهمتوش؟؟ ممكن حضرتك تقرأ موضوعك تاني
حضرتك مكنتش عايش في مصر انا جربت اعيش بررة وكنت بنزل في الاجازات وشايف ان البلد شغالة بس لما استقريت هنا عرفت ان لازم البلد دي يبقى فيها ثورة دي مش فكرة جديدة ومكانتش محتاجة حد يحركه أبداً الوضع كان لا يطاق والناس كانت واصلة لمرحلة بشعة من اليأس والغضب والله الموضوع مكانش محتاج اي تدخل خارجي حسني كان قايم بالواجب وتونس كان لسة قايم فيها ثورة ودي كانت المحرك الرئيسي اللي ادى امل للناس
تخيل كدة لو القذافي جند واحد عمل ايفنت ثورة الغضب في سويسرا حد هيعبره؟؟؟
كل اللي عمله انه نظم الموضوع شوية لان المظاهرات كان دائماً ينقصها التنظيم لكن لولا ان الناس كانت مستنية الفرصة بالذات بعد الانتخابات المزورة وقبل انتخابات الرئاسة وموضوع تونس مكانش حد نزل
تصدق انا لو كان عندي شوية شجاعة كنت هعمل ايفنت للثورة وادعو الناس ليه !! مع ان مفيش حد بيحركني
ممكن مش عايش في مصر أي نعم بس عارف مصر أكتر من ناس كتير عايشة فيها بحكم معارفي ألي في كل جهة من جهات الدولة سواء جيش ولا شرطة ولا وظائف مدنية
ده غير الوضع الأقتصادي ألي متابعه كويس ومحتك بيه نتيجة لمشاريع خاصة بي وبأقاربي..........فا أفتراض حضرتك مش دقيق لأنك ماتعرفش حاجة عني!
وأنا واحد من الناس ألي عمري ماصدقت أن نظام الحكم في مصر ممكن يكون بالتوريث والثورة جاية جاية
الفرق أنها دلوقتي غير عند الأنتخابات الرئاسية كانت هاتبقى كارثة حقيقية لأن الداخلية كانت بتعد العدة لقمعها بمنتهى القوة والوضع كان هايبقى أشد أحراجا للقوات المسلحة ساعتها وفي الأغلب لو تخيلتها كنت هاتلاقي الدم للركب
فيا ترى كانت صدفة ولا تم الأستعجال بها وثورة تونس جات في الوقت المناسب
وده ألي بقوله من بدري الجيش شريك ودوره لايقل أهمية عن الثوار
المهم نطلع منها على خير أن شاء الله
كفايه يا جماعه منظور الشخص الواحد كل دول العالم دلوقتى المتقدمه فيها منظور الكيان الكامل
احنا عاملين نعظم فى شخص او نحقر منه اى كان الشخص ده ده مش صح احنا كده بنبص لزعيم نمشى وراه و ده غلط اصلا
احنا عيزين حد نمشى بجواره عشان نطلع بالبلد للنمو الاكبر
والناس اللى عايزه تنسب الثوره ونجاح الثوره الى اشخاص او كيانات ده غلط
لو حد نزل من الناس اللى بتتكلم حيعرفوا ان 50% من الناس اللى نزلت متعرفش حاجه عن النت اصلا
الفضل الاول والاخير الى الله
ربنا هو اللى خلا الناس تنزل بدون تفكير وكميات مهوله
مليون مره الناس كانت بتدعو الى وقفه واحتجاج ومفيش حد كان بيروح وكانو بيروحوا اخر النهار
بس المره دى كانت غير كل مره
المره دى ربنا هو اللى خالا الناس تنزل وفى ناس منهم كتير جهله وصيع ومتعلمين ومددينين
من غير ميعرفوا ان الدعوه كانت على النت او الفيس بوك
بمعنى ان مش شخص هو اللى نزل الناس او 100 شخص او كيان هو اللى حرك الناس
الناس اتحركت من نفسها
بالنسبه لكل شخص بيستلم جائزه من امريكا اى شخص كان
الشخص ده مش محترم
لان امريكا هى ابشع بلد فى العالم
هى اللى كانت بدعم النظام المصرى لحسنى مبارك واللى ميعرفوش ناس كتير انها كانت موافقه على التوريث
بعنى ان امريكا كانت عيزانا زى محنا بلد ناميه وجهله
وهى اللى بتموت الناس فى كل العالم
هى اول بلد استعملت القنبله الذريه مرتين
واالى يقول ان الجوائز اللى امريكا بتعطيها للناس ملهاش دعوه يبقى غلطان لان لو انا رفض وغيرى رفض يستلم الجائزه بتعتوا من امريكا
صدقونى امريكا حتتهز الهيبه بتعتها وبقى هى دى البدايه
زى اللى حصل للشرطه فى مصر الهيبه بتعتها راحت بقى ملهاش لزمه
كل واحد باصص لشحص عمره محيتقدم
وكل واحد باصص لجائزه شخصيه ده انانى هو فاكر انه بيرفع راس البلد فوق بالعكس فى ناس عشان بتعمل الصح ضحت بالجائزه
زى الشخص المصرى اللى بيلعب كاراتيه فى بطوله فى اليابان وكان غريمه مصاب فنسحب من البطوله وضحى بالجائزه وفى نفس الوقت رفع راس البلد فوق
اهم حاجه فى الحوار كله ان احنا لازم ننظر بالمنظور الصح للاشياءونديها القيمه الحقيقيه ليها ومنمشيش ورا الاحساس والمشاعر
خلاص يعني متفقين ان الثورة قامت من الشعب من غير ما حد يحركهم ولا امريكا ولا بتنجان
ليه بقة نقول ان وائل غنيم عميل او مش عميل او حد محركه ونشغل تفكيرنا في موضوع ولا هيجيب ولا هيودي ؟؟
اعتقد اننا ممكن نشغل دماغنا في حاجة افيد من كدة من غير ما ناخد ذنوب ونسيب التفكير في الحاجات دي للجهات المختصة بحماية البلد من العملاء وحضرتك تفكر في تخصصك
والكلام بتاع hashad14 بيقول ان امريكا كانت بتدعم مبارك والتوريث ودي حقيقة وحضرتك قلتله الله يفتح عليك
يبقى منين بقى امريكا زقته علشان يعمل ثورة؟؟
مليون تحيه لوائل غنيم
ولكل كل مصري شارك وقال للظلم لاء
الموضوع بالنيات هو فاكر انه بيرفع راس البلد وحضرتك مش فاكر كدة بس الاتنين نيتهم يرفعو راس البلد طالما مش بيضرو حد يبقى محصلش مشكلة
بالنسبة لامريكا هي دولة مؤسسات وآراء مش دولة الشخص الواحد او الرأي الواحد يعني لما ياخد جايزة من منظمة لحقوق الانسان مش معناه انها جايزة من أمريكا بصفتها او من القيادة السياسية المنحطة في البلد وسواء الموضوع صح او غلط الموضوع لا يتعدى كونه جائزة من مؤسسة متكرمش من الحكومة يعني
متفق مع حضرتك 100% في موضوع تعظيم الأشخاص او تحقيرهم بمعنى اصح وضعهم في غير حجمهم الصحيح
معلش انا جاي في اخر الموضوع عندي بس مقاربه صغيره جدا
انا من اوائل من انضمو لصفحه خالد سعيد
انا من من نازلو الي الكورنيش في الوقفات الصامته
وائل غنيم ليس هو مؤسس صفحه خالد سعيد فكيف بالقاهري الذي يعيش في دبي انا يقابل ام خالد يوميا وبشكل دوري وينسق ويحضر الاخبار منها
ما تم اعلانه في ايام الثوره هو ان مؤسس وصاحب صفحه خالد سعيد يخدم حاليا في الجيش وان وائل غنيم ما هو ادمن احتياطي للصفحه
فكيف يكرم من لم ينشا الصفحه ويترك الشخص الحقيقي صاحب الفضل
انا مش قصدى النيه صح ولا غلط انا بتكلم فى مبدا ان الواحد لازم يشوف الصح فين بالعكس انت لو ركزت فى كلامى انا فقول هو فاكر ان ده صح وده دليل على حسن النيه بتعته ولازم المنظور يتغير
وعلى فكره مفيش جائزه بطلع من امريكا الا لما يكون ليها هدف سياسي وزى مقلت حضرتك انها مش من شخص ودا كلام صح
الجائزه من كيان عالمى متكامل ومترابط فى كل شىء
والدليل ان اليومين دول كان فى شخص مخرج اجنبى منع من حضور مهرجان كان عشان قال رئيه فى اسرائيل
هى كلها منظومه واحده ومتكمله ومتعونه مع بعضها البعض
والدليل الاكبر ان امريكا منظومه متكمله فى كل شىء وله اتجاه واحد ولايتغير
ان كل رئيس لامريكا بيجى همه الاول والاخير اسرائيل مفيش حد معارض على الدوله دى خالص مستحيل ان كل الرؤساء الامريكين بيموتوا فى اسرائيل وكله جى عشان يحميها
فصعب انك تقول انها دوله مؤسسات واراء
لان مفيهاش فى الحقيقه راى فيها توجيه والبلد اللى رؤساها موجهين يبقى اكيد كل المؤسسات موجهه الى نفس الهدف
ساعه لما امريكا تدعم اسرئيل فى الخطا وتستعمل حق الفيتو يبقى البلد دى مفيهاش راى ولا موسسات فيها كل حاجه غلط
Videos Posted by ظ…طµط± ط§ظ„طھظ‰ ظپظ‰ ظ…ظٹط¯ط§ظ† ط§ظ„طھط.ط±ظٹط±: â€ڈظٹظڈط¹ط±ط¶ ظ„ط£ظˆظ„ ظ…ط±ط© | 25 ظٹظ†ط§ظٹط± [HQ]â€ڈ | Facebook
اهو بالفيديو ده اثبتنا ان وائل كان موجود اول يوم الثوره قدام نقابة الاطباء ..
يعني احتمال انه يكون رأفت الهجان والمخابرات ضحكت علينا بيه المفروض يقل شويه :)
بعد الفيديو ده
في ناس لازم تعتذر
كان موجود اول يوم او اول يومين
اللي اعرفه ان بعد كده اعتقل في امن الدولة وفضل معصوب العينين لمدة 12 يوم ميشوفش النور
واللي يقول الجايزة امريكية ياريت يقول المؤسسة المانحة للجائزة هل هي موسسة مدنية ام تابعه للسي اي ايه ؟