-
صيانة الـ40 ألف أخيراً
السلام عليكم
الحمد لله أخيراً عملت صيانة الـ40 ألف للسيريون...العربية عاملة 53ألف كم.....أنا عملت الحاجات الأساسية في التوكيل والرفايع خارج التوكيل وإليكم التفاصيل....
ما تم عمله داخل التوكيل
1- تغير زيت الفتيس Dexron 3 السعر 126جم
2- تغير زيت الفرامل السعر 14جم
3- تغير سير مجموعة الإدارة السعر 120جم
4- تغير مياه الردياتير...كان معايا جركن مياه حمراء أسباني IADA
5- المصنعية 126جم
طبعاً تم الكشف على العفشة وتربيطها والكشف على الطنابير والتيل وتزيت المفاصل بالسبراي
الإجمالي 423 جم بالضريبة
في أول اللقاء المهندس قالي حضرتك معملتش صيانة الـ30 ألف وأنا طبعاً عارف الحوار ده هيوصل لفين......أنا قولتله صراحة أنا جي عايز أعمل 1-2-3 مش أكتر ولا أقل......قالي بكل زوق تحت أمرك يا فندم
سألته على سعر البوجيهات قالي بـ400جم قلت له لأ متركبهاش.....أنا سأئل عليها برة الأصلي الدنسو بتاع الشركة بـ200جم
ما تم عمله بالخارج
1- تغير البوجيهات....دنسو الأصلي من عند أوشين 200جم
2- تغير تيل الفرامل الأمامي....رمسا أسباني من عند أوشين 180جم
( التيل كان لسة ممكن يمشي شوية....بس أنا فضلت أغيره حفاظاً على الطنابير )
3- تغير فلتر الهواء....إنجليزي بنفس خامة الأصلي بس مش فاكر إسمه وهو موجود عند جابر في دمشق بسعر 70 جم
دفعت 60جم مصنعية تركيب هذه الأشياء
بعد كده غيرت زيت وفلتر أصلي
الزيت.....Casrtol Edge 5w40 أنا مجربه في الـ12 ألف كم السابقة وهو ممتاز....اللتر بـ80جم والعربية بتاخد 3 لتر يعني 240جم
فلتر الزيت الاصلي 50جم
إجمالي ما تم عمله بالخارج 800جم
إجمالي الصيانة : 1223جم
فعلاً العربية بتفوق جامد بعد عمل هذه الصيانة وهناك فرق ملحوظ في الإستجابة ونعومية أداء السيارة
-
مبروووووووووووووووووووووك
وحمدالله على السلامة بعد الغيبة دية كلها
-
Alf Mabroukkk
Please tell me the Type of the spark plugs of Denso
are they Platnium or Iridium?
Also the Air Filter & Brake pads we need a full review on them.
-
مبروك يا عمرو على الصيانة بس ليا بعض الملاحظات
1- البوجيهات اللي بــ 400 في التوكيل مش هيا اللي انت ركبتها بــ 200 ...
بتاعت التوكيل اللي بــ 400 دي اللي هيا دنسو ليزر ايريديوم او بلاتينيوم مش متذكر واللي في التوكيل فعلا بتتباع بره بالنفس السعر لو لقيتها
2- الزيت انت اشتريت عبوات لتر منين ........ وعموما الأربعة لتر كاملين بــ 255 جنيه كاسترول ايدج
3- ياريت تعطيني انطباعتاك عن التيل بتاع الفرامل كل فتره علشان نشوف اخباره ايه
4- حلو موضوع الفلتر الأنجليزي ده كويس فعلا
وربنا يباركلك في العربيه يا جميل
-
ألف مبروك يا عمرو وعقبال الـ 400 ألف :)
-
ألف مبروك يا عمرو باشا و عقبال الـ400 الف :)
-
عمرو حمدالله علي سلامتك بعد الغيبة الطويلة ده
مبروك يا جميل وبصراحه شغل عالي فيما عدا البوجيهات
انا سألت عليهم في توكيل Ngk كان سعرهم معدي ال 200 جم وللاسف 4 مش بيتباع بالواحد لان عربيتي سيريون1
التيل زي ما قالك ابو عبدالله وافينا بالاخبار
يعني بيسخن الطنابير
بيعمل صوت
بيمسك ابطأ من الاصلي
بعد كام الف بيعمل ريحا
واخيرا حيقعد كام الف كم
تقبل تحياتي
-
الف مبروك و عقبال صيانه المليون كم ههههه
متابع معاك لان في تشابه كبير بين صيانه السيريون و التيريوس
-
التيل لو مش الاصلى بياكل الطنابير
-
و عليكم السلام و رحمة الله و بركاته
و الله اول مرة اعرف ان فارس الاجتماعي الاستاذ المحترم ( عمرو عمارة ) زميل قديم في دايهاتسو
الف مبروك علي الصيانة و عقبال ال 100 الف ان شاء الله
و منتظر مشاركاتك الشيقة في الاجتماعي في الدفاع عن الحق دائما كما عودتنا
م.حاتم السباعي
Content Relevant URLs by
vBSEO 3.6.0 PL2