حادثة: عربية نقل بتاعت بيبسى دخلت فى عربية اخويا بهدلتها

**nader makram** · 22-04-2008 10:16 PM

اخويا كان بيركن العربية قدامم هيبر وان و اذ فجأة عربية بيبسى جايه عليه بسرع و خابطت العربية من الجنب اللى وره و طلعت فوق الرصيف وقعت كام عمود من بتوع الاعلانات
نزل اخويا ماسك نفسه بالعفيه كان ممكن يرتكب جريمة لقى واحد بيعلم مراتة السواقة على عربية بيبسى كبيرة
اخرت الحوار اخويا و محامى من هيبر وان طلعوا على القسم مع سواق النقل و عملوا محضر و هيبر وان طلبا منة 6 الاف جنيه و اخويا طلب منة انه يصلح العربية فكان مع السواق 1000 جنيه ايرادات اليوم اداها لخويا و بس كدة
دلوقى اخويا عاوز يصلح العربية ممكن حد يقول على مكان كويس نصلح العربية فية و ياريت حد يقولنا هتتكلف كام؟
اسيبكم مع الصور

**ابو سيف** · 22-04-2008 10:27 PM

لا حول و لا قوة الا بالله

ايه الحكايه المنتدى ما شاء الله كل يوم في واحد عامل حادثه

ربنا يسترها مع الجميع

بصراحه الخبطه و لا بسيطه و لا وحشه اوي بس اكيد ان شاء الله محلوله

و الله عن الاماكن الكويسه انا معرفش في القاهرة و ان شاء الله يجي حد عارف ناس كويسين يظبطك و هتتلم ان شاء الله

**tutankhamoun** · 22-04-2008 10:36 PM

الواحد مش عارف يقول أيه ؟؟؟
حسبي الله و نعم الوكيل في المصريين
لا ظابط و لا رابط ........... و ممتلكات الناس في ستين داهية
بيعلم مراته على عربية نقل كبيرة ....... و كمان مش بتاعته ......... و كمان مش في مكان فاضي !!!!!!!!!!!!!!!!!!!!!!!!!!!!!!!

ربنا يصبر أخوك بجد ............. ربنا يصبره على ما بلاه .............. و حسبي الله و نعم الوكيل

و هي دي المهلبية و البالوظة ..............

**fahd_628** · 22-04-2008 10:43 PM

حمدا لله على سلامة اخوك و بجد كويس انة مسك نفسة انا لو مكانة كنت فعلا حرتكب جريمة

**Ghamrawy** · 22-04-2008 10:46 PM

قدر الله و ما شاء فعل ربنا يكون فى عونك
نصيحتى ليك غير الباب كله بواحد استعمال و ان شاء الله حتلاقى واحد نضيف بنفس اللون ان شاء الله و الباقى شوف سمكرى محترم و يكون مش مستعجل علشان يظبطلك العربية صح
حاول تخلى بيبسى تدفع التكاليف و امشى مع الهايبر فى الاجراءات القانونية ضد الاراجوز اللى كان بيعلم مراته السواقة علشان انا ما اعتقدش ان الاراجوز حياخد العربية من الهايبر الا لما يدفع الخساير

**tmz9111** · 22-04-2008 10:48 PM

حمدا لله على سلامة اخوك

**Akram** · 23-04-2008 12:10 AM

الحمد لله على سلامة أخوك ,
قدر الله و ما شاء فعل ,

انا مع رأي M.sherine إنك تغير الباب الخلفى و سمكري يكمل الباقي ,
انا أعرف سمكري إستاذ في بولاق الدكرور لو تحب ابعتلي على الخاص و نتفق نروحله امتى ,
و هو يقولنا نعمل إيه و التكالف و الوقت و خلافه.

**talent** · 23-04-2008 12:18 AM

ربنا يصبر اخوك
الصراحه اخوك يستاهل تمثال على صبره على الراجل ده

**Nile_Storm** · 23-04-2008 12:23 AM

لا حول ولا قوه الا بالله
ربنا يصبرك
دي حاجه تجنن
قمه انعدام المسئوليه

**mohamed ibiza** · 23-04-2008 12:23 AM

حسبي الله و نعم الوكيل في الناس الهمج النهارده علي الدائري برضه و انا سايق لقيت عربية جين 2 داخلة في عربية نقل كبيرة الكابوت و الازاز و الوش من ادام و الرفارف ادمروا لكن الرفارف مش اوي بس لا شيست ولا الموتور حصلوا حاجة فعلا العربية صاجها ناشف و الف سلامة علي اخوك و ربنا ينتقم من السواق اللي خبطه و ربنا يعوض عليكوا

Ibiiiiiiiiiiiiiiiiiiiiiiiiiiiiiiizzzzzzzzzzzzzzzzz zzzaaaaaaaaaaaaaaaa For Ever

الموضوع: حادثة: عربية نقل بتاعت بيبسى دخلت فى عربية اخويا بهدلتها

LinkBack

أدوات الموضوع

عرض

-

-

-

-

-

المواضيع المتشابهه

أسواء 60 عربية دخلت مصر ...!!!

دخلت في عربية وعايز اعرف مين اللي غلطان

الحقونى مشكلة كبيرة المشكلة فى عربية اخويا وانت ماشى تلاقى الو مش لاقى حل يا رجاله ..

عربية اخويا اتسرقت

عربية اخويا اتسرقت

الكلمات الدلالية لهذا الموضوع

المفضلات

المفضلات

ضوابط المشاركة