الموضوع: الرخص اتسحبت بسبب الستاير و العربية داخلة فحص ؟؟

على فكرة اسكندرية المرور عامل شغل جامد اوى فى كل حتة لجنة و كل لجنة يشوفو الرخص النهارده من شوية لجنة تانية وقفتنى و بيقولى الرخص اديتو الوصل و رخصتى بيقولى انت عندك مخالفة ستاير قلتله امال مكتوب عندك فى الوصل اية ما انا عارف بص فى الوصل قالى اه تمام بيقولى طب شيلهم قلتله لا هى مش كده كده مخالفة الحق اتمتع بيهم الاسبوع ده بقى عطانى الرخصة و الوصل و مشيت .
يعنى يا جماعة اى حد من الاسكندرية و عنده حاجة مخالفة مايعديش من سيدى جابر عند محطة الترام (المحطة) ولا يعدى من اول خالد ابن الواليد

المشاركة الأصلية كتبت بواسطة abdoelshazly

مش عاجبنى الكلام دا ...

ممكن توضح لنا وجهة نظرك و تحدد الذى لم يعجبك

طيب اقولكم على مفجأه من العيار الثقيل
منشور رسمى صادر من وزاره الدخليه بأجازه اثبات ستائر خلفيه لا تحجب الرؤيه من سنه 2006 أسوة بالسيارات الحديثه المثبت بها ستائر خلفيه طالما لا تحمل اى شعارات او ملصقات وصور تعارض الرؤيه وتسئ للأداب العامه وبالمنشور دا من حقك تثبت الستائر الخلفيه على الرخصه وميبقاش حد ليه عندك حاجه
انا كنت ناوى اعمل موضوع منفصل واحطلكم فيه المنشور
وانا بفحص عربيتى من اسبوع عملت حرب مع ظابط الفحص ورئيس الوحده لحد ما جبتهلهم من مدير الأداره العامه لمرور الجيزه ورسمى
وعمتا المنشور هبقى اعمل موضوع منفصل بس على يوم السبت عشان اجيبلكم صوره المنشور هنا وطبعا ربنا كرمنى وثبت الستائر على الرخصه وعلى فكره كل ظباط المرور عندهم علم بالمنشور دا بس هى رخامه وخلاص