بسم الله الرحمن الرحيم
لو الكلام هيبقى عن مستوى التليفزيون المصرى وبرامجه ... يبقى هأقولك انى من حوالى عقد من الزمان قررت أنى متفرجشى على برامج هايفة تانى أو برامج حوارية مفيهاش مصداقية من المتحاورين .
سواء من المذيعين أو الضيوف ... وافتكر بالخير برنامج حمدى قنديل من كام سنة كنت متابع جيد لحلقاته ومن بعده بطلت الفرجة على برامج حوارية لانى زى ما قلت مبحسش بمصداقية فيها .
ومعظم البرامج الحالية بحس انها مصطنعة ومفبركة وغير صادقة وغرضها الاساسى جذب المشاهدين بأى وسيلة لاهداف ترويجية واعلانية غرضها مادى فى المقام الاول ... ولهذا قلة مشاهدة البرامج الحالية أفضل للصحة العامة والخاصة للمواطن المصرى المريض اساساً .