هههههههههه ...... حبيبي
انا شايفك قاعد بعيد ... قلت تيجي تقعد كده في ريحي :))
فين الشباب الحلوة القديمة والجديدة .. مش شايفك ولا سامع اخباركم .. ولا اى حاجة
وبعدين مفيش اى مواضيع فى الحياة ومواقف تحكولنا عليها وندردش فيها ولا ايه
وبعدين فين الناس الجديدة .. اللى لما سالناهم ليه مش بتشاركوا فى موضوعات القسم .. قالوا احيانا مش بنكون عارفين اجابات ميكانيكة .. قولنا نعمل موضوع دردشة ونتكلم ونتعرف على بعض .. بردوا محدش بيدخل !!!
هو الناس مش بتدخل فيس بوك بردوا وبتشيت ولا هنا حرام
طب خد الخبر ده عندك
بعد أكثر من 4 سنين عمل بالحكومة بالتعاقد المؤقت
أنا اتثبتت انهارده
أول مره حد يثبتني
بس تثبيت عن تثبيت يفرق
باركولي يا رجالة
الف مبروك .. بحسدك يا دكتور
انا معايا مؤهل عالى وشغال فى الحكومة من 2001 يومية وعامل عقد 2002 ويعتبر على الدرجة الثالثة ومكنتش اتثبت السنين اللى فاتت دى كلها ولسه متثبت قريب من شهر
انا بقا مفروض اخد جايزة
ربنا يهدى بقا .. والمرتبات تتحسن
لان بجد اللى بستغربله حاجة وهى
ان مثلا مفروض كل المصالح الحكومية يكون اساسى المرتبات واحد .. انا بتكلم على الاساسى
وتلاقى اساسى موظف فى مصلحة الضرائب غير اساسى الموظف فى وزارة الزراعة غير اساسى الموظف فى وزارة البترول غير اساسى الموظف فى وزارة الاعلام .. وهكذا
انا قصدى الاساسى اللى مفروض انه واحد من الحكومة وثابت .. والمتغيرات الاخرى دى بتفرق من وزارة الى وزارة
حد فاهمنى
ألف مبروك يا دكترة .. بس تثبيته حلوة مش كدة .. وتستاهل طقم ساقع للرجالة اللي قاعدة دي .
ألف مبروك يا أبو حميد .. بس 2002 أيه يا عم أحمد أنا من 97 (يعني من القرن اللي فات) .. ولسه متثبتش لغاية دلوقتي .. قال أيه علشان باب سادس مش باب أول .. وأدينا قاعدين لما نشوف أخرتها .
ان فاتك الميري اتعفر في ترابه :p :p
الف الف مبارك يا دوك ... وربنا يجعلها فتحة خير عليك
وربنا يثبت المسلمين أجمعين :)))
مبروك يا دكتور ويا احمد باشا على التثبيت مفيش اخبار يا جماعة عن مقابلة قريبة :)
الله بارك فيكم جميعا
وربنا يثبتنا وإياكم على الحق
وبالنسبة للحاجة الساقعة .. ولا يهمكم
نزل يا معلم حسين حاجة ساقعة على حسابي لكل الأعضاء
واللي عايز حاجة سخنة ماشي
واللي عايز سندوتشات ماشي
شوف كل اللي عايزينه ومتخليش في نفس حد أي حاجة
ماهو لو كان الكلام بفلوس .. ماكانش طار في الهوا
مبرووووووووك يا د إيهاب
وربنا يباركلك في رزقك يا باشا....
أنا شغال بقالي 5 سنوات في وزارة الصحة والأساسي بتاعي وبلا فخر ...... 190 جنيه
ربتا يغنيها بالحلال.....
واحشيني كتير والله وعاوز أشوفكم ....
الله يبارك فيك يا بيسو انت واوس اوس
والله يا حسين احنا مش اتعفرنا تراب .. احنا كحينا تراب
ميرى ايه يا راجل .. الواحد بيدور على فرصة دلوقتى يخلع بيها ويروح على محطة من المحطات الجديدة ويظبط الدنيا
لسه محطات مش بقالها سنين وعدت وبتعرف تجيب فلوس الا التليفزيون المصرى العقيم .. حاجة تقرف
افضل اشتغل فى الحكومة بمرتب ضعيف عشان استنى لما عمرى يبقا 60 سنة واطلع على المعاش واخد مكافاة نهاية الخدمة واتمتع بالمعاش .. بعد قد ايه !!
احينى النهاردة يا سونة
مقولة ان فات الميرة دى بقة قديمة اوى .. قبل ما كانت الحكومة اللى فاتت تبوظ الدنيا
لان الحكومة الاخيرة اللى غارت دى بوظت الدنيا .. وكل الكبار كانوا بيكبشوا ويلهطوا فى كرشهم
والحمد لله على كل شئ طبعا
موضوع المقابلة يا اوس اوس فى مقابلة قريبة باذن الله يوم 14/10 .. للمنتدى ككل
بس انا لسه مش عارف ايه ظروفى الشهر ده خالص .. ضغط الشغل جامد فى نهاية السنة والعملية كمان ماديا مضحكش عليك واقعة على الاخير والواحد عمال يسد فى الفيزااااااااا .. الا مش عايزة تتسد ابداااااااا
عاوزة جلدة يابانى
هههههههههههههههههههههههه
لما نشوف ايه اللى حيحصل .. وربنا يكرم .. ويارب اقدر اجى
والله المستعان