الموضوع: دردشة صقور نيسان .. ادخل عرفنا بيك ودردش معانا .. ومتكتفيش بمشاهدتنا وخاليك جرئ

المشاركة الأصلية كتبت بواسطة eng_dina

سلام الله عليكم جميعاً و كل رمضان و انتوا بخير

انا كان عندى سؤال كدة على أستحياء ............ هو الكافيه complet ....... و لا لسه بيقبل أعضاء جدد :u_thin1[1]:

اهلا اهلا بيكى يا بشمهندسة .. منورانا حقيقى .. ومنورة قسم نيسان كله .. وشرف لينا وجودك معانا فى القسم .. وفى كل موضوعاته ..وفى نايل موتورز

تحياتى

المشاركة الأصلية كتبت بواسطة eng_dina

سلام الله عليكم جميعاً و كل رمضان و انتوا بخير

انا كان عندى سؤال كدة على أستحياء ............ هو الكافيه complet ....... و لا لسه بيقبل أعضاء جدد :u_thin1[1]:

هو في كرسي فاضي دلوقتي ... بس محتاجين صورة الرخصة وصورة البطاقة وشهادة الميلاد ودمغة ب4000 جنيه والمنيمم اتشارج 100 جنيه .... والاسعار رخيصة وفي متناول محدودي الدخل
كوباية الشاي (في كوباية ازاز) ....... 99 جنيه
كوباية الشاي (في مج) ................150 جنيه
والفرق الرهيب ده راجع ان المج ليه ودان ... وممكن يسمعك طول القعدة ... هههههههههههه
المهم كارنيه الكافية .... هانسلمهولك مع هدية غالية جدا ... كيس معطر اللزج اللي بيتعلق في الميكروباصات ده ... And guess what ..... باللون اللي تختاريه :)))
وأقل من 3 مشاركات في اليوم .... هايتخصم منك نقطتين ... وكل ما تجمعي نقط اكتر ... فرصتك في الفوز هاتكبر.
*(تطبق الشروط والاحكام) .... ههههههه

المشاركة الأصلية كتبت بواسطة atefadel

اخبار وجبات الافطار اة يا سحس باشا

حبيبي يادوك ...... انت جيت في منطقتي
وده فطار مش اي حاجة
نقول بسم الله .... ولا وراح حاجة
المهم انت بس عليك امدادات ادوية الحموضة ... الاقراص والشرب حتي الكبسووول
هانبدأ الاول بالمقبلات ... الحاجت الخفيفة ديه اللي بتبقي علي الفطار
1- طبق محشي بتنجان + محشي كرنب + كوسة او فلفل حسب الطلب .
2- حلة لسان عصفور بالخلطة ومقطع عليه شرائح الكبدة الذيذة والغنية بفيتامين تييييت.
نخش بقي علي الفطار
1- فخدة ضاني مشويه بصوص الكراميل مشققة وواخده بتاع 30 غرزة محطوطة علي طشت رز بسمتي بالمكسرات الزبيب واللوز.
2- فرختين مشويتين متقطعين شرايح ومخليين من العضم.
3- طااااجن مكرونة بالبشاميل قطره بتاع 50 سم.
4- حلل خضار بقي واطباق سلطة للدلع والكلام ده
وهاتحلي طبعا :
1- 4 كيلو بسبوسة .... وحتة قشطة قد كده هو :))))))))

وطبعا الدفع مقدما بشيكات او نقدي
وفي اوبشن جديد انك ممكن ترهن عربيتك واحنا هانبيعها ونديك تمن التاكسي اللي تروح بيه .... وانت في عين شمس ممكن اروحك معايا :)))
اقعد بالعافية