مؤشر الحراره؟؟؟

**Raul_7** · 25-05-2011 07:45 PM

المشاركة الأصلية كتبت بواسطة epzomata

النهارده نزلت التوكيل و قلت للمهندس على القصة قالى فى الغالب الثرموستات...
المهم دخل العربية الورشة و بعد شويه قالى فعلا الثرموستات قافش و مابفتحش لما الحرارة تعلى عشان يدخل الميه الرادياتير...
طب و الحل يا عم الحاج؟ قالى نشيله و مافيش مشكله.. تشيله ازاى يا عمى؟ يقولى أصل مالوش فايدة..
ازاى بس؟ يعنى بروتون حاطاه عياقة مثلا؟؟؟
لا يا سيدى دول حاطينة عشان البلاد الباردة ....
طبعا انا مش مقتنع بالحوار ده كله... المهم قولتله يعنى مش هيأثر على أى حاجة؟؟؟؟
قالى لا... طب و الضمان؟؟؟ ده بره الضمان...خلاص يا سيدى شيله و خلاص..
بعد ماشاله ,, طلع جرب العربيه و رجع قال كله تمام بس عدى على أى بنزينه يغسلو السربنتينة و الرادياتير...
ليه تانى؟؟ قال عشان دورة التبريد تشتغل مظبوط..
أخدت العربية و مشيت بيها مشوار بتاع 40 كيلو وأنا مشغل التكيف و بأقف فى الزحمة فترات طويلة و الحرارة
الحمد لله تمام تحت ال 90...
السؤال هل الثرموستات لو اتشال ميأثرش على العربية؟
و هو فعلا خارج الضمان؟؟

يا باشا إنت انضحك عليك للأسف, المهندس ده بطيخة ومش فاهم حاجة, جرب كده تروح تسأل مهندس أمر اللي حصل ده طبيعي؟ هيقولك لأ طبعا. المفروض الثرموستات يتغير ده مفيهاش كلام. حضرتك لو كنت في الشتاء وحصلك الموضوع ده كنت هتلاقي العربية مبتوصلش لل 90 أصلا وممكن تعمل مشاويرك ودرجة حرارة موتورك 70, وده طبعا مش الحرارة المثلي اللي المفروض الموتور يشتغل فيها, ده غير إن استهلاك البنزين هيعلى.

أنا كان حصلي نفس الحوار ده بس هم مكنش قالوا لي إن الترموستات اتشال أصلا وحصل مشكلة.

يا راجل ده كان مهندس أمر واقف والمهندس بتاع الفحص بيقولوا على الموضوع وبيقولوا حرارة الموتور تحت ال 90 بشوية ومادام تحت el-90 يبقى تمام, قالوا الكلام ده غلط طبعا, العربية لازم في درجة حرارتها الطبيعية على طول.

ماتسيبش حقك يا باشا و ارجع قول لهم يركبولك ترموستات جديدة, وياريت تكلم مهندس أمر وتقوله علي اللي حصل ده.

**epzomata** · 25-05-2011 08:03 PM

والله أنا حاسس ان كلامه فعلا مش منطقى و يبقول أى كلام...
أنا هأبعت لمهندس امر و ربنا يسهل..
شكرا ليكم جميعا....

**mido_soliman** · 25-05-2011 11:34 PM

المشاركة الأصلية كتبت بواسطة epzomata

والله أنا حاسس ان كلامه فعلا مش منطقى و يبقول أى كلام...
أنا هأبعت لمهندس امر و ربنا يسهل..
شكرا ليكم جميعا....

الثرموستات لازم يتغير بواحد جديد يباشا الناس دى مش كلهم بيفهموا فيهم اللى بيستسهل وحسبى الله ونعم الوكيل فى الكذب عربية الواحد جايبها بدم قلبة ويجى واحد مستهتر خد الشهادة بالعافية وعندة ورشة برة ومش فارق معاة يقولك عادى مبياثرش على حاجة بالزمة فرق اية عن اى ميكانيكى جاهل
موتورك لازم يمشى صيف وشتا على درجة 85 ثابتة متتغيرش غير كدة تاثير سلبى على الموتور وطبعا على الاستهلاك وعلى كل حاجة
نصيحة لما تشوف المهندس دة تانى حسبن فى وشة وقولة انا تعبت فى الفلوس اللى جبت بيها العربية

**Tarek Gen 2** · 26-05-2011 01:33 AM

متزعلش منى انت غلطان التصرف الطبيعى طب شيله يا باشا
و اطلع على قسم قطع الغيار لو سمحت عايز ثرموستات
ثانية واحدة و يجيبهولك تروح طالع على الباشمهندس و تهزقه اجدع تهزيقة و تقوله ماهو موجود اهه مش عايز تغيره ليه و و و و و و
ده اولا

ثانيا تفتكر بروتون هتحطها جدعنة ؟ و تفتكر بروتون مش عارفة ان العربيات دى رايحة مصر ؟ اكيد عارفة و لو مالوش لازمة مكنتش حطته

**mido_soliman** · 26-05-2011 02:40 AM

المشاركة الأصلية كتبت بواسطة tarek gen 2

متزعلش منى انت غلطان التصرف الطبيعى طب شيله يا باشا
و اطلع على قسم قطع الغيار لو سمحت عايز ثرموستات
ثانية واحدة و يجيبهولك تروح طالع على الباشمهندس و تهزقه اجدع تهزيقة و تقوله ماهو موجود اهه مش عايز تغيره ليه و و و و و و
ده اولا

ثانيا تفتكر بروتون هتحطها جدعنة ؟ و تفتكر بروتون مش عارفة ان العربيات دى رايحة مصر ؟ اكيد عارفة و لو مالوش لازمة مكنتش حطته

+111111111

**MEGAREKAB** · 26-05-2011 03:39 PM

نفس الحوار ده حصل معايا فى الساجا إمبارح بليل بعد فيلم كبيييييير اوى اوى واى

الخلاصه

طلع فى مسمار تحت علبه فلتر الهوا لازم يتفك ويتسحب منه الهوا ويتقفل والعربية ترجع زى الفل

الشك كان فى الترموستات الاول لكن الحمد لله ماخليتش حد يجى جنبه

نصيحه منى ركب الترموستات وماتسكتش واوعى تمشى بالعربية كده

هتخسر كتير اوى اوى

**m_marmoush** · 26-05-2011 05:11 PM

ترموستات كوعة الموتور فايدته أنه بيحبس الميه جوه الموتور لغايه ما يسخن و بعدين يفتح لما يوصل لدرجه الحرارة المطلوبه عشان يحافظ على حرارة الموتور. طبعا الخاصيه دى مهمة الصبح عشان الموتور يسخن ويوصل للحرارة المطلوبه بسرعه و طبعا على طرق السفر و خصوصا فى الشتاء عشان الموتور درجة حرارته ماتنزلش

**mido_soliman** · 26-05-2011 08:19 PM

انا نفسى اعرف اسم المهندس

**epzomata** · 26-05-2011 08:25 PM

المشاركة الأصلية كتبت بواسطة tarek gen 2

متزعلش منى انت غلطان التصرف الطبيعى طب شيله يا باشا
و اطلع على قسم قطع الغيار لو سمحت عايز ثرموستات
ثانية واحدة و يجيبهولك تروح طالع على الباشمهندس و تهزقه اجدع تهزيقة و تقوله ماهو موجود اهه مش عايز تغيره ليه و و و و و و
ده اولا

ثانيا تفتكر بروتون هتحطها جدعنة ؟ و تفتكر بروتون مش عارفة ان العربيات دى رايحة مصر ؟ اكيد عارفة و لو مالوش لازمة مكنتش حطته

غلطان ازاى بس؟
انا كنت حاطط ثقتى فى المهندس باعتبار انه بيفهم فى العربيه اكتر منى..
و قلتله يعنى بروتون حاطاه عياقه مثلا؟ يقاوح معاى...
أقوله الضمان يقولى مش فى الضمان!!!!!!!! و الله ده حصل؟
انا اكون لو غلطان لو اقتنعت بكلامه و مشيت و خلاص.. أنا سألت الأفاضل الكرام أعضاء المنتدى و نورونى و ان شاء الله مش سايب حقى حتى لو بعت لبروتون ماليزيا...
و كمان مفيش قسم الغيار لأن ده مركز الغد فى المنصوره, كله اول عن اخر محلين فى بعض..
انا بعت لمهندس امر فى قسم الشكاوى بس لسه مردش على... يا ريت اللى معاه موبايل مهندس امر أكون شاكر.. و حسبى الله ونعم الوكيل فى اللى بيخونوا أمانات الناس...
و شكرا ليكم جميعا...