مؤشر الحراره؟؟؟

**epzomata** · 24-05-2011 03:44 AM

السلام عليكم يا أحلى وحوش...
النهارده كنت مشغل التكيف و أنا ماشى عادى و الأمور كويسه لحد ما وقفت كتير فى زحمة سير يمكن نص ساعه و بعدين لاحظت مؤشر الحرارة بيعدى ال 90 بشرطه..
فصلت التكيف , الحراره نزلت لتحت ال 90.
فتره و شغلت التكيف, الحرارة تمام , طول مالعربية ماشية, لكن لما اقف فى الزحمة يعلى تانى...
اتأكدت من الرادياتير , الميه تمام.
يا ريت اللى مر بالموقف ده أو عنده خلفيه يطمنى و شكرا لأحلى وحوش..

**mido_soliman** · 24-05-2011 10:00 AM

على التوكيل عدل غالبا دة ثرموستات او فيوز مروحة التكييف فى حاجة مبيخليهاش تشتغل
متتاخرش حلها بسيط ان شاء الله بس اطلع على التوكيل

**Raul_7** · 24-05-2011 10:23 AM

المشاركة الأصلية كتبت بواسطة mido_soliman

على التوكيل عدل غالبا دة ثرموستات او فيوز مروحة التكييف فى حاجة مبيخليهاش تشتغل
متتاخرش حلها بسيط ان شاء الله بس اطلع على التوكيل

+1111111111

**أبومعاذ** · 24-05-2011 12:08 PM

مشكلة بسيطة متقلقش انت لحد 100 في الامان بس الافضل برضو تكشف على العربية في التوكيل او مركز معتمد
سؤال مهم انت بتبص على مية الريداتير من الريدياتير نفسه ولا من القربة؟ لو من القربة اوك لو من الردياتير يبقى غالبا دورة التبريد دخلها هوا و دا السبب في السخونة البسيطة الزيادة دي

**mido_soliman** · 24-05-2011 07:05 PM

المشاركة الأصلية كتبت بواسطة epzomata

المهندس فى التوكيل قلى فى اول صيانة ما تفتحش الرادياتير و العربية دايرة عشان ماتخدش هوا..
بش لو مش دايرة بص على الميه عادى من الرادياتير مش مشكله...
ان شاء الله هاروح التوكيل بكره و اوافيكم بالتفاصيل...

بيتهيالى الكلام دة مش مظبوط لان منسوب المية فى الريداتير وانت مبطل العربية اساسا مش مقياس
دة غير ان مهندس التوكيل قبل كدة شدد على عدم الاقتراب او التصوير من غطا الريداتير
غالبا كدة مشكلتك بسيطة ان شاء الله وهو ان دايرة التبريد اخدت هوا
عموما لازم تطلع على التوكيل فى كل الاحوال

**ghost_apple** · 25-05-2011 04:31 AM

انا بواجه نفس المشكلة في عربية بروتون واجا ٢٠٠٥ بس القصة دي بتحصل معايا في النور العالي والواطي بتاع السيارة يعني اما الحرارة تعلي وانا واقف اقفل التكة التانيه تنزل الحرارة علي طول اما لو ماشي مش بيبقي في اي مشاكل حتي لو بجري ياريت تدلوني علي حد كويس يزبطلي الموضوع ده

**mido_soliman** · 25-05-2011 05:23 AM

المشاركة الأصلية كتبت بواسطة ghost_apple

انا بواجه نفس المشكلة في عربية بروتون واجا ٢٠٠٥ بس القصة دي بتحصل معايا في النور العالي والواطي بتاع السيارة يعني اما الحرارة تعلي وانا واقف اقفل التكة التانيه تنزل الحرارة علي طول اما لو ماشي مش بيبقي في اي مشاكل حتي لو بجري ياريت تدلوني علي حد كويس يزبطلي الموضوع ده

دة موضوع كهربا ومش متاكد بس بيتهيالى ان القراءة بتاعت العداد بتبقى خادعة لكن مفيش سخونة الا لو كنت حضرتك بتحس بيها فعلا
لان مفيش علاقة بين النور وحرارة الموتور باستثناء ان فى قفلة او عيب كهربى بياثر على قراءة عداد الحرارة والله اعلم

**m_marmoush** · 25-05-2011 11:13 AM

طب حد يعرف يفيدنا إزاى ناخد الهواء من دوره المياة

**epzomata** · 25-05-2011 07:25 PM

النهارده نزلت التوكيل و قلت للمهندس على القصة قالى فى الغالب الثرموستات...
المهم دخل العربية الورشة و بعد شويه قالى فعلا الثرموستات قافش و مابفتحش لما الحرارة تعلى عشان يدخل الميه الرادياتير...
طب و الحل يا عم الحاج؟ قالى نشيله و مافيش مشكله.. تشيله ازاى يا عمى؟ يقولى أصل مالوش فايدة..
ازاى بس؟ يعنى بروتون حاطاه عياقة مثلا؟؟؟
لا يا سيدى دول حاطينة عشان البلاد الباردة ....
طبعا انا مش مقتنع بالحوار ده كله... المهم قولتله يعنى مش هيأثر على أى حاجة؟؟؟؟
قالى لا... طب و الضمان؟؟؟ ده بره الضمان...خلاص يا سيدى شيله و خلاص..
بعد ماشاله ,, طلع جرب العربيه و رجع قال كله تمام بس عدى على أى بنزينه يغسلو السربنتينة و الرادياتير...
ليه تانى؟؟ قال عشان دورة التبريد تشتغل مظبوط..
أخدت العربية و مشيت بيها مشوار بتاع 40 كيلو وأنا مشغل التكيف و بأقف فى الزحمة فترات طويلة و الحرارة
الحمد لله تمام تحت ال 90...
السؤال هل الثرموستات لو اتشال ميأثرش على العربية؟
و هو فعلا خارج الضمان؟؟

الموضوع: مؤشر الحراره؟؟؟

LinkBack

أدوات الموضوع

عرض

-

-

-

-

-

المواضيع المتشابهه

مؤشر الحراره

شرط مؤشر الحراره

مؤشر الحراره

هو مؤشر الحراره فين

مؤشر الحراره!!!

الكلمات الدلالية لهذا الموضوع

المفضلات

المفضلات

ضوابط المشاركة