انا عند سؤال محيرني
انا لو أمين شرطه ولا ظابط دلوقتي وقفني ف شارع وقالي بطاقتك أقول لأ طبقا لأن قانون الطوارئ أتلغي ؟؟؟؟؟؟
أقوله أيه عشان الحكايه دي محيراني أوي :b4_611:
عرض للطباعة
انا عند سؤال محيرني
انا لو أمين شرطه ولا ظابط دلوقتي وقفني ف شارع وقالي بطاقتك أقول لأ طبقا لأن قانون الطوارئ أتلغي ؟؟؟؟؟؟
أقوله أيه عشان الحكايه دي محيراني أوي :b4_611:
قوله كتر خيرك انك بتشوف شغلك قوله يريت تكمل على كدا عشان البلد بقيت كلها بلطجية
محدش هيقولك كده ولوقالك ورايله البطاقه عادى وقول ربنا معاكم وقانون الطوارئ لسه موجود
+11111111111111111
هقولك حاجة ... سواء فى الجامعة او النادى لو الامن (الى هو مش من وزارة الداخلية ) قالك ورينى بطاقتك او الكارنيه
من الطبيعى انك تستجيب
وده حفاظا على امنك
لان لو كل واحد رفض انه يبرز البطاقة (او تحقيق الشخصية ) هتلاقى البلطجية قاعدين جمبك فى الكلية وفى النادى وفى كل حتة
وبرده هيدخلو الاماكن ديه.. بحجة ان الطوارىء اتلغت .....
لازم يكون فيه احترام للقانون
وعلى فكرة الطوارىء لسة متلغتش !!
قوله كارنيهك الاول واتأكد انه سليم
لان فيه نصابين وحراميه وبلطجيه فى البلد ولازم تتأكد من شخصيه اللى بيكلمك
لو طلع فعلا من الشرطه يبقى تتعاون معاه عشان ده واجب علينا كلنا اننا نساعدهم بس بكل زوق وادب واحترام
بسم الله الرحمن الرحيم
السلام عليكم و رحمة الله وبركاته
1- من حق اي ظابط او امين شرطة انه يطلب يشوف ما يثبت هويتك و حاليا الجيش كمان يقدر
و في نفس الوقت من حقك القانوني انك تطلب تشوف الكارنيه او ما يثبت انه ظابط او امين شرطة
يعني جالك واحد بيقولك بطاقتك و انت متضمنش هو فعلا ظابط ولا بيدعي قوله مين حضرتك هيقولك انا كذا كذا قوله ممكن اشوف الكارنيه لو قالك لأ و مينفعش و حب يحور
قوله انا القانون بيديني الحق اني اشوف الكارنيه زي ما بيدي لحضرتك الحق انك تشوف اثبات الشخصية
ساعتها هتلاقيه كش منك و هيعرف انك عارف حقوقك كويس و مش هيكتر معاك الا لو واحد غتت بالاضافة ان ده بيديك الفرصة انك تشوف اسمه و لو في حاجة حصلت تقدر تقدم فيه شكوي
و لما تكلم متكلمش تقول يا باشا لا اتكلم و قول يا حضرة او سيادة النقيب او الرائد ع حسب الرتبة و اتكلم بقلب جامد و متتهزش لكن في نفس الوقت بتكلم مع بكل ادب و احترام
2- قانون الطوارئ اتلغي او متلغاش ملوش علاقة بحقه يشوف اثبات الشخصية
و قانون الطوارئ بيسمح ان الشرطي لو شاف واحد معجبهوش في ماشيه او حط نفسه في موضع شك يقوله انا مشتبه فيك و ياخدوا بالرغم ان الاشتباه اتلغي بحكم من المحكمة الدستورية سنة 1993 لكن لو قولتله كده هيقولك قانون الطوارئ و هو ده كان عيب قانون الطوارئ ان تم استخدامه من قبل بعض الاشخاص بشكل سئ
3- بالنسبة بقي لو واحد رخم و قالك اطلع ع القسم و اكشف ع سوابقك الخ الخ طبعا تقوله حضرتك تقدر تستعلم عن طريق اللاسكلي من الكومبيوتر المركزي ده لو معاك ما يثبت شخصيتك يعني
لأن طبعا زمان كان نظام كعب دايرتلف المحافظات كلها لكن دلوقتي بالاسلكي يجيب كل المعلومات عنك
لو واحد قالك هاخدك تحري طبعا مفيش حاجة اسمها ياخدك ع القسم تحري و عدم حمل البطاقة المفروض عليها غرامة تقريبا 100 جنيه لكن بياخدك ع القسم ساعتها اول ما توصل تحاول تقابل المأمور او حد من النيابة الليلية معرفتش
تحاول تتصل عالطول بحد من قرايبك يبعت تلغراف للنائب العام او مفتش الدخلية و يقول ان الظابط او امين الشرطة خدك تعسفا و يذكر الوقت و القسم اللي انت روحته و يا سلام لو اسم الظابط او امين الشرطة عشان كده تشوف الكارنيه و بالنسبة للعنوان هيلاقوه في مكتب البريد
و القانون برده بيديك الحق في مكالمة تليفونية
لو برده غتتوا معاك و معرفتش تتصل في اسوء الاحوال هيدخلوك الحجز متقلقش هتلاقي جوة موبيلات تقدر تتصل منها بقرايبك و تعمل الخطوات اللي قولتلك عليها
بس لو مش عايز تعرض نفسك لأي موقف من دول متحطش نفسك في موضع شك ابدا يعني مثلا متمشيش بليل تمشي تلعب و تطوح او مثلا تقف جنب باب عربية او شنطة او ماشي تتلفت حواليك او اي موضع يثير الشك
و حاجة اخيرة قانون الطوارئ متلغاش بل بالعكس دلوقتي هو من اكتر انسب الاوقات لتطبيقه
و عامة دلوقتي مش هتلاقي حد يغتت معاك لأن الشرطة بتحاول تكسب ثقة الشعب تاني
و تحاول تتعاون مع الشرطي برده لكن مينكرش انك تشوف الكارنيه عشان المدعيين كتيير
انا مشوفتش ولا امين شرطه بليل من يوم الثوره ويوم ما بشوف بوكس معدي بيكونوا ماشيين 2 مع بعض
الجامعه والنادي طبعا مفيش كلام لازم الكارنيه انا أقصد في الشارع يعني بليل كدا فاهمني عشان قبل الثوره كان في أمناء وظباط رخميين بالعبيط
تمام كدا
متشكر علي شرحك المفصل دا بس هيا مش هتوصل لقسم أن شاء الله لأني مش بمشي من غير البطاقه خصوصا في الأيام دي وانا عارف ان الجيش ممكن يوقفني عندنا ف سوهاج كانوا بيقلبوا العربيه تفتيش بس هما ليهم نظره ف الواحد بردو انا كنت مع 2 صحابي وراجعيين من فرح ووقتني لجنه جيش وبيشارولي من بعيد بيقولي براحه وانا داخل عليه عشان كنت ضارب النور العالي والفوجات والاتنين زينون ف قالك بس بلطجيه :grin54: بس معملوش حاجه يادوب بصوا علينا كدا وقالي اتفضل
وانا فعلا نفسي الااقي بديل لكلمه ياباشا بس مش عارف :Ka_che1[1]: عاوز مصطلح كويس كدا اللي هوا لا يهينه ولا يعظمه مع العلم اني عمري ما قولت لظابط ياباشا الوحي بيجي ساعتها والكلام بيطلع لوحده من غير كلمه ياباشا:16:
علي ايه يا ريس ديه حاجة بسيطة
انا دايما بتعامل كده معاهم كان كله من اولها يكش و يمشي من سكات و اغلبهم مكنش بيشوف البطاقة بعد اما اشوف كارنيهه
كنت بحس انه عايز يقولي
ايه ياض انت عشان دخلت حقوق هتتنطط علينا من دلوقتي اومال لما تبقي محامي هتعمل ايه؟
هههههههه
و زي مقولتلك بدل كلمة باشا ممكن يا حضرة الامين او سيادة النقيب و ع حسب الرتبة بقي
اطلب الكارنيه بتاعه
طالما فى حدود الادب والاحترام مفيش مشكلة اوريهالوا بس بعد متاكد انه فعلا شرطة
ربنا يحمى بلدنا ويحمينا
هو فية ضباط شرطة فى الشارع؟؟؟
اللى شوفتة امبارح كان كمين على اول شارع القصر العينى و سادين الشارع و عاملين زحمة على الفاضى... دخلت الكمين و مولع النور العالى و مستنى حد يقولى اى حاجة... بس طبعا كلهم عاملين فراخ و تقريبا مكنش فيه حد غير واحد تخين و كان عسكرى او حاجة... لكن مشوفتش اى حد على كتفة رتبة ولا حتى ملازم يوحد الله
الشرطة لسة نايمة فى بيتها فا متشغلش بالك بالكلام دة.... اللى ممكن يسالك حيبقى فرد من الجيش و تاكد انه حيتكلم معاك بمنتهى الاحترام بغض النظر عن سنك او شكلك او اى حاجة فى الدنيا
MMamdouh
[QUOTE=madaxman;3873520365]انا عند سؤال محيرني
انا لو أمين شرطه ولا ظابط دلوقتي وقفني ف شارع وقالي بطاقتك أقول لأ طبقا لأن قانون الطوارئ أتلغي ؟؟؟؟؟؟
أقوله أيه عشان الحكايه دي محيراني أوي :b4_611:[/QUOT
عادي عشان خاطري انا دلوقتي بتلكك ان حد يقولي بطاقتك اورخصك
ارجوك وبكل ابنسامه وزوق:36_2_49[1]: