سؤال حد يعرف ظبط فيشة الأوكتان للنوبيرا ال2 المصرى ومكان الفيشه ؟؟
عرض للطباعة
سؤال حد يعرف ظبط فيشة الأوكتان للنوبيرا ال2 المصرى ومكان الفيشه ؟؟
النوبيرا مفيهاش اوكتان والله اعلم
النوبيرا 2 مع احترامى لكل من قال ان مافيهاش فيشة اوكتين بس هى ليها فيشة
المكان تحت فبرة القائم اللى تحت درج التابلوه من ناحية الراكب بجوار السائق على اليمين خالص
بجوار وحدة تحكم السيارة وهى فيشة منفصلة عن الوحدة وتلاقيها سايبة لوحدها كدة
وأنا شخصياً وبإيدى عدلت الفيشة للأوكتين 80 وزى الفل فى الاستهلاك بس خنقة حفيفة فى السحب
ومعظم السيارات اللى عملتها لقيت إن الجنبر مش موجود أصلاً فى العربية بس نستعيض عنه بسلك وكلبسات كهرباء رفيعة زى بتاعة السماعات
+111111111111
ياريت الشرح يعنى هية زى بتاعت اللانوس ولا مختلفة ؟؟
احترمك بكل شده
انا فتحت هذا الموضوع خصيصا للرد على كل من سيقول ان النوبيرا ليس لها فيشة اوكتان وبالفعل مكانها سليم وكل حرف انت كتبته سليم 100% وتم تجربتها وقياس ومراجعة حسابات السياره من خلال الاسكنر ولم يحدث اى قصور سوى ضعف السحب فى البدايه وده وضع طبيعى لانك مش هتاخد كل حاجه ببلاش يعنى مش هتوفر فلوس وتاخد قوه وتمت تجربة الفيشه لمدة اربعة شهور ولم يحدث اى تأثير وكنت من يومين رديت على الخاص للاخ رامى وحددت له مكانها وضبطها لكى يشهد بأنى فتحت الموضوع وانا اعرف مكانها
ضبطها فى النوبيرا يمنع التسقيف تماما نظرا لوجود حساس تسقيف بمحرك النوبيرا وعدم وجوده فى اللانوس ولكن فى اللانوس يوجد تسقيف خفيف ولكن سحب المحرك يتحول الى غول لانى جربت ظبطه ال80 وحطيت 92 كانت كالسلحفاه ولكن عند استخدام ال80 بالفعل معدل سحب السياره يصبح رهيب بصوره غير معقوله ولكن مع وجود نسبه من التسقيف علشان كده قولت مش هناخد كل حاجه ببلاش يعنى انا عربيتى لما بظبطها على 95 واستخدم 92 بتعامل معاها على انها اوتوماتيك مابغيرش من التالت وانا ماشى على سرعات منخفضه بسحب بالعربيه مثل وضع الفيتيس على الغيار الثانى والسحب ايضا يصبح مثالى على السرعات العاليه بمعنى على البنزين ال80 لا استطيع تجاوز 160كم اما ف حالة استخدام 92 اصل الى سرعة 180 كم وهذا للافاده العامه
اولا قلبى معاك لمصيبة اخوك وللاسف الموضوع ده انتشر بغباء وخصوصا فى الدايو عند البيت عندى عربيتين واحده نوبيرا من شهر وبالامس لانوس شيفورلية 2011
وعلى فكره انا بجهز جهاز انذار بسيط يقوم باعطائك اشاره بمنزلك عند فتح السياره ولكن للاسف مداه لم يتجاوز 20او25متر حتى الان وعند الوصول لمسافه مقبوله سأعلن عن فكرته وخصوصا ان تكلفته بسيطه بالمقارنه بالنتيجه
ثانيا الفيشه بتنزل مضبوطع على البنزين ال90 والموضوع ده انا عملته فى عربيات كتير
ربنا يخلليك يا باشا و يبعد عننا الحرامية
طكيب ايه الحكمة من وجود الفيشة طالما العربية فيها حساس تسقيف؟
MMamdouh
علي فكره يا استاذ ممدوح فهلا من كام يوم كنت شايل الموكيته اللي تحت الدرج واتفاجئت بالفيشه دي ومكنش مكتوب عليها حاجه خالص ولا فيها جمبر حتي واستغربت جدا
مهو حتة "مفيهاش جمبر" دى اللى قصدلى عليها..
ما انا عربيتى هاف اوبشن و فيها فيشة للفوجات و فيشة لساعة التابلوة... هل معنى كدة ان فيها فوجات و ساعة و انا مش شايفهم؟... لا طبعا... هى ضفيرة العربية بتنزل كدة لكن حسب مواصفات العربية بيبقى فيه مكونات موجودة و مكونات لا
و كمان وجود حساس تسقيف فى العربية النوبيرا و عدم وجودة فى اللانوس بياكد كلامى... و بما الن العربيتين بينزلوا بمكنة 1600 فا الضفيرة مشتركة لكن الكونترول مختلف و دة سبب وجود سوكيت للفيشة او الجمبر مع عدم وجود الجمبر نفسة
على العموم انا مازلت منتظر رد الزميل mely عشان نوصل لاخر الموضوع دة
MMamdouh
كلامك سليم 100% فعلا الضفيره بتنزل فيها اضافات مش نازله فى العربيه وحاجات لا
يعنى انا ربنا كرمنى بفرش لانوس 2 كامله وجبت المواتير الكهرباء وضفاير الابواب لكن لم اجد المقابل لها وعملت لها واحده فى التوكيل واشتغلت والحمدلله
بس السؤال الاول هل ضفيرة النوبيرا واللانوس واحد علشان الفيشه تكون موجوده ومالهاش شغل ؟؟؟
انقطه الاهم ان تجربتى مع الفيشه كانت مع البنزين ال80 فى حالة ظبط الفيشه بتقضى على التسقيف تماما وفى حالة اعادتها للوضع لاصلى المتور بيسقف اكيد كده لها شغل ومسؤل تماما عن نسبة الاوكتين والا كانت مش هتغير حاجه
تصدق انها فى عربيات لانوس كتير جدا ومنهم عربيتى مش بتأثر ظبطه البنزين ال80 وبتفضل العربيه تسقف
اعتقادى ان الضفيرة مشتركة لان العربيتين بينزلوا بمكنة 1600 لكن اختلاف وجود حساس التسقيف من عدمة هو اللى فارق فى حتة الفيشة
كدة انا عندى سؤال تانى... هل اللانوس ال1600 فيها حساس تسقيف ولا لا؟؟؟
لو مفيهاش و فيها الجمبر بتاع الاوكتين يبقى دى خاصية فى اللانوس فقط بغض النظر عن المكنة.... اما لو فيها حساس تسقيف و مفيش فيها الجمبر يبقى الموضوع دة خاص بالمكنة ال 1500 فقط
عموما طالما التعديلة اللى عملتها منعت التسقيف يبقى حاجة كويسة... انا بس كنت خايف ان تعديل الفيشة مع وجود حساس التسقيف يعمل مشكلة فى الكونترول ولا حاجة
MMamdouh
استاذ الأساتذة / صباح الفل
ثانياً الكلام مش متناقض ولا حاجة
كل الموضوع إن الفيشة موجودة والجنبر نفسه مش موجود
وعن تجربة لما تعمل جمبر زى ما قلت قبل كدة بيلأثر فعلاً على العربية
بدليل إن ضبطة ال 92 بيبقى العربية زى الفل مع 92 ، وبعد ما تضبط ضبطة الـ80 العربية بتموت مع 92 وبتبقى غول مع الـ80
وهنا يبقى الفيشة شغالة بس ما فيهاش جمبر
وبدون تناقض فى الكلام ولا حاجة يا صديقى و أستاذنا كلنا بس أعما ايه ؟ التجربة هى خير برهان
و طالما التجربة اثبتت ان التعديل يبفرق فى اداء العربية يبقى دة انجاز يحسب لاعضاء قسم الدايو فى نايل موتورز
MMamdouh
اكيد يا برنس لان مافيش وحوش فى الدايو فى مصر غير فى نايل موتورز
بالفعل للمره الى مش عارف كام كلامك سليم 100% يا محمدممدوح (نظرا لكثرةصحة كلامك)
للاسف انا ماسعفنيش الحظ انى قابلت حد من اصحابى معاه المكنه ال1600 اصلى غير مره واحده كانت بتغير نص عند السمكرى ومشغلتش بالى بالموضوع ده وقتها فامش هقدر افيدك فى النقطه دى لكن بالفعل الفيشه دى مش بتأثر على اى حاجه بالضرر لانى عملتها من اكثر من اربعة شهور وكنت بصفه مستمره متابع العربيه بالاسكنر لانه متاح ليا بسهوله وببلاش ولم نجد اى تغير فى قيم العربيه لمده الاربعة اشهر بالاضافه للسكون التام للمحرك مع البنزين ال80 بصوره ملفته للنظر
وانتظروا مزيد من المفاجأت
سياره لانوس بدون حساس شكمان ولا حساس رفرف
علشان تبقى القاضيه ان شاء الله والله الموفق
ممكن شرح بالصور علشان الاستفاده تعم
سؤال وجيه
ايه هيا ظبطه البنزين 92 لفيشة اوكتان النوبيرا
بعد ما فتحت ولقيتها
لقيت تلت سلوك
ازرق - بني - اصفر
انا وصلت البني الى ف النص بالأصفر الى ع الطرف
ياريت لو توضح اكتر المشاكل دى كانت عندك قبل ظبط الفيشه ولا ظهرت بعدها وخصوصا الرعشه فى الطلعه
المشاكل الى عندي ديه من قبل الفيشة
عموما انا لقيت عندي كان فى سلك من سلوك البوجيهات بايز فغيرت السلوك
وعليت الدبرياج شوية لاني كنت ملاحظ انه نازل لتحت اوي ولازم اظبط رجلي لتحت اوي عشان مترعشش .. والحوار ده انا لاحظته بعد ما غيرت مساتر الدبرياج رحت لميكانيكي قالي الأحسن ان الدبرياج يبقا واطي .. قلتله لا واطي اوي عليه سنة قلي براحتك
اما اشوف الاستهلاك بقا هيبقا عامل ازاي
انا رجع الفيشة تاني ع ظبطه الـ 91
والعربية بسم الله ما شاء الله صوتها هدي .. مبقاش فى تنتيش خفيف .. مفيش رجه ف الطلعة (رجلي بقت تظبط الطلعة عادي)
يا مسهل الحال والاستهلاك يكون كان متأثر بالحاجات ديه ويبقا كويس انا مش عاوز اكتر من 160 كيلو ف الصفيحة جوا البلد
يا جماعه عاوزين توضيح ازاى نظبط على 80 و 90 و 92 و 95 لو سمحتم عشان الكل يستفيد
نفس ظبطة اللانوس مافيش اختلاف
راجع الرابط ده خاص بالاستاذ عصام غنايم
http://www.nilemotors.net/Nile/151996-a.html
لو سمحت عايز توصيلة الفيشة علي بنزين 80 ؟؟؟؟