الموضوع: ما هو تقييمكم للسيارة هيوندا النترا الاوتوماتيك؟

المشاركة الأصلية كتبت بواسطة qwertyqwerty

للسادة ملاك السيارة النترا 2008 الاتوماتيك
ما هو تقييمكم للسيارة هيوندا النترا الاوتوماتيك؟
من حيث:
- الاداء
-سعر قطع الغيار
-الاداء
-صيانة غبور
-الخ

الأداء: ممتاز
سعر قطع الغيار: غالي (من السمع)
الأداء: ممتاز برضه (مش هتعرف توقعني :))
صيانة غبور: حتى الآن (صيانة الألف) في قليوب مفيش مشاكل و ناس محترمة و خلصت في أقل من ساعتين .. بعد كدة الله أعلم.. الكلام ده معايا بس في ناس هنا ليهم تجارب مش قد كدة مع غبور.
و فيه موضوعات عن إلنترا في المنتدي هنا فيها معلومات وافية عن العربية.
العربية واسعة بس ضروري بتحتاج parking sensors إنها من ورا عالية جداً.
أكيد في أخوة لينا هنا أكثر خبرة مني في الإلنترا لإنها معاهم من فترة زي أخونا محمد الطويل و أكيد هيرد عليك هنا برضه. و أخونا Nile Storm مشكورا عامل موضوع منفصل عن كل عربية هيونداي و منهم الإلنترا و برضه فيها المفيد.
العربية ثابتة و في ناس هنا عدت بيها الـ 200 و 210 و قالوا الثبات بتاعها كويس.
الأوتوماتيك بتاعها الحمد لله مفيهوش مشكلة خالص و ناعم جداً بس الحقيقة بتاع الكورولا 1300 أنعم شوية في النقل.
الخامات و التقفيل متميزين و الجودة بصورة عامة في هيونداي و العربيات الكورية كلها معتقدش إنها بقت محل نقاش دلوقتي و ده كلام مؤسسات و ناس متخصصين بيقيموا العربيات بصورة علمية برة و المواقع على قفا من يشيل... بص في JD Powers أو Edmunds و Consumer Report و غيرهم و غيرهم.
و الـ Consumer Report دي مؤسسة أمريكية مستقلة فيها مجموعة من الخبراء في كل المجالات و بتعمل إختبارات على كل ما يخطر على بالك من منتجات و منها العربيات و الأمريكان بيعتمدوا عليها بصورة كبيرة في إختيار ما يشترونه.
الرابط ده عن الـسيارات الـ Top Picks - Best Models لعام 2008 في جميع فئات السيارات في أمريكا.
و بصة صغيرة و هتلاقي إن الإختيار بيعتمد على Road Test و Reliability و Safety.
خش و شوف :)
http://www.consumerreports.org/cro/c...picks-2007.htm

و عايز رأيي أحسن حاجة تسمع الأراء من اللي عندهم العربية و أحسن حاجة شوف تقييمات الناس اللي راكبينها برة و خصوصاً في أمريكا و هتعرف كل مميزاتها و عيوبها بكل أمانة عن تجارب حقيقية.