ماهو الطريق من المنصورة للزهر الشريف والعودة؟

**m_h_m** · 24-05-2011 08:04 AM

السلام عليكم ورحمة الله وبركاته
بعد اذنكم يا جماعة انا حابب اعرف الطريق من المنصورة للازهر الشريف وازاي من الازهر ارجع للمنصورة وارجوكم اخوتي لاتبخلوا علي بالشرح الدقيق المفصل
وبارك الله فيكم علي المجهود الرائع
ولكم مني جزيل الشكر ووافر الاحترام والتقدير
والسلام عليكم ورحمة الله وبركاته

**mohamed_selim** · 24-05-2011 01:22 PM

حضرتك عايز الجامع ولا المشيخه؟
كمان و انت جاى هتخش القاهره من ين علشان الوصف يبقى سليم (انا معرفش من المنصوره هتوصل القاهره من انهى طريق)

**abosharbat** · 24-05-2011 09:56 PM

السلام عليكم ورحمة الله وبركاته
بس يا باشا هتاخذ طريق المنصورة لغاية طلعة الدائرى من قليوب الطلعة الثانية شبة دائرة (يمين نفس اتجاهك)
تمسك الدائرى لغاية نازلة طريق السويس من على الدائرى المتجهة الى مصر الجديدة (بعد نازلة المطار بشوية)
وتمشى فى طريق السويس وتعدى كوبرى 4.5 الجديد لغاية نفق روكسى
ماتدخلش النفق وتمشى من يمين النفق ،هتطلع على طريق صلاح سالم
تاخذ اليوترن وترجع فى صلاح سالم وتعدى نفق العروبة وتفضل ماشى على طول هتطلع كوبرى العباسية وبعدين كوبرى احمد سعيد وقبل نفق الازهر تدخل يمين الى الدارسة ومنها الى الازهر
وحمد الله على السلامة يا باشا

**modo88** · 03-06-2011 06:24 PM

بص ياباشا انا هاقولك وصف حلو بس ركز معايا انت الاول هاتمشي علي الطريق الزراعي عادي هاتعدي علي الدائري بعد قليوب هاتعدي من تحته وتفضل مكمل علي طول متدخلش المؤسسه لا خد شمالك واطلع كورنيش وافضل ماشي لغايه اشاره عبد المنعم رياض وهادخل شمال وتكمل هتلاقي كوبري صغير كدا اطلعه وانزل تاني هتلاقيك في شارع رمسيس اول دخله يمين عند نقابة الصحفيين تدخل يمين وتكمل لغايه شارع شريف هتلاقي علي ناصيته ماكدونالدز تدخل يمين وتمشي في شارع شريف هتلاقي البنك المركزي في تقاطع شارع شريف بقصر النيل تاخد شمالك وتكمل علي طول في اتجاه العتبه هتلاقي اشاره خليك ماشي مع العربيات في الاشاره وهتدخل شمال بس خلي بالك لما تدخل شمال حاول تمسك يمينك لانك هاتطلع علي كوبري الازهر وهتلاقي جنب الكوبري نفق صلاح سالم اطلع الكوبري وهاتمشي مسافه 5 دقايق وتبقا هناك
وتوصل بالسلامه
دي تعتبر وصفه كويسه ومش بتوهه