الموضوع: هل يسمح الغرب بقيام الدولة الإسلامية ؟

المشاركة الأصلية كتبت بواسطة skybird

ما هي الشريعة الاسلامية ؟
وهل تدخل اجتهادات الفقهاء ضمن الشريعة الاسلامية ؟

لو سمحت يا أستاذ سكاى بيرد لو سمحت انا عامل الموضوع ده علشان نتناقش كيف نصل الى ذلك الهدف لما بقى ان شاء الله يتحقق نبقى نشوف بقى ما هى الشريعة الإسلامية ومن هم الفقهاء والعلماء الذين نأخذ عنهم ...

اعتقد وقتها سيكون هناك لجنة من العلماء تقوم بذلك .... ياريت بلاش أسئلة تؤدى الى جدال وتبعدنا عن الموضوع

المشاركة الأصلية كتبت بواسطة maserati

السلام عليكم و رحمة الله و بركاته

طبعا الغرب لن يسمح -بقدر ما أوتى من قوة- بقيام دولة اسلامية, لكن العيب مش عليهم, العيب علينا احنا, احنا ايه اللى يخلينا ندور على رضا و موافقة الغرب فى أننا كمسلمين, نعمل دولة اسلامية و لا لأ, سواء على مستوى مصر بس و لا على مستوى العالم العربى ككل, هو الاتحاد الأوروبى قبل مايعمل اتحاد الأوروبى , كان جه سألنا و لا راحوا سألوا أميركا اذا كان ينفع يعملوا اتحاد أوروبى و لا لأ ؟؟؟ !!!!!

احنا عاملين زى الراجل اللى عاوز يتقدم لواحدة عشان يتجوزها و قبل مايتقدم, عمال يلف و يدور يسأل كل شباب البلد, أنت يا فلان عاوز تتجوز فلانة دى؟؟؟ و أنت يا فلان عاوز تتجوز فلانة دى؟؟؟؟ , أما عجايب و الله !!!!!!! .

وعليك السلام ورحمة الله وبركاته ..

أتفق معك فعلا العيب علينا ...... عايزين بقى نفكر تفكير ايجابى كيف نصل الى ذلك ؟

المشاركة الأصلية كتبت بواسطة alaa_dash

الله ينور عليك ...بس مش لما الفئة صاحبة الصوت العالي في بلادنا تسمح الاول ....

طيب احنا دورنا ايه ؟

المشاركة الأصلية كتبت بواسطة saberman

متميز الله يفتح على حضرتك موضوع مهم كعادتك يا رايس ..اللهم ولى علينا خيارنا ولا تولى علينا شرارنا .. اللهم لا تولى علينا من لا يخافك ولا يرحمنا .

الله يبارك فيك ياعم احمد ... ايه بقى تصوراتك علشان نوصل للهدف ؟

المشاركة الأصلية كتبت بواسطة hossam99

السلام عليكم
بكل بساطه موافتهم أو رضاهم من عدمه لا يقدم و لا يؤخر المهم أحنا يكون عندا النيه مش دوله تتقسم نصين و إحنا واقفين نتفرج و نمصمص الشفاه
و لو 22 دوله بجيوشهم بفلوسهم بإمانهم قالوا كلمة حق صدقني الدنيا هاتعملهم ألف حساب و بالدليل(مجلس التعاون الخليجي شوف كم المساعدات و التكنولوجيا اللي حصل عليها اعضاءه من الغرب و الشرق علشان عمل حاجه شبه الإتحاد مش إتحاد كامل)

طيب حضرتك شايف ان اهم حل ان العرب يتحدوا .... كلام زى الفل بس احنا كبلد منقسمين مش المفروض احنا الأول نتحد ؟

المشاركة الأصلية كتبت بواسطة skybird

ما هي الشريعة الاسلامية ؟
وهل تدخل اجتهادات الفقهاء ضمن الشريعة الاسلامية ؟

الشريعة الإسلاميه هي:
هي كل ما شرعه الله للمسلمين من دين و هو إما أن يكون قرآنا أو سنة نبويه ثابتة عن الرسول صلي الله عليه و سلم

و تنقسم الشريعة الإسلاميه (كعلم) إلي عدة أقسام
1_التوحيد و العقيده (قسم يقرر مسائل اللإيمان و التوحيد و العقيده الإسلاميه)
2_الأحكام التهذيبيه(و هي أحكام الأمر و النهي كأحكام الحث علي الفضيلة كالأمر بالصلاة ، و أحكام النهي عن الرذيله كالنهي عن شرب الخمر)
3_ الأحكام العمليه
و هي أحكام تتعلق بمعاملة الناس بعضهم البعض و تنظمها و تحددها


(تعريف مختصر جدا)


أما إجتهادات الفقهاء فهي فرع من فروع علم (أصول الفقه) و هو العلم الذي يستخرج من قواعد الشريعه الإسلاميه الأحكام(تعريف مبسط)
وفروعه(1_كتاب _2_ سنه_3_الأجماع_4_القياس أو الإجتهاد)
4_القياس و الإجتهاد
و يعرف علي إنه بذل الوسع في الوصول إلي حكم شرعي عملي بطريق الإستنباط(من وقائع ثابت لها حكم شرعي)
و للإجتهاد شروط للمجتهد شروط
و لا يلجأ إلي الإجتهاد إلا بعد أن تخلو الواقعه من نص صريح
مثال للإجتهاد أو القياس (التوصل لحرمانية تعاطي مخدر الحشيش قياسا علي مسألة الخمر الذي كان سبب تحريمه هو إذهاب العقل و هو نفس السبب في تحريم المخدر)

الخلاصه الإجتهاد مصدر من مصادر الأحكام الشرعية الإسلاميه لا يقوم به إلا من جمع الأدله المقاس بها و أن يكون جامع لأحكام الكتاب و السنة و الإجماع (فهو لا يأتي بإجتهاده علي هواه بل يستبط فقط لا غير)

و دعني أوضح لك في النهايه أن الإسلام قد وضع لكل حالة حكمها علي حداها كي لا تقع المشقة علي العباد أي قد يختلف حكم المسألة الواحده من شخص إلي شخص و من مكان إلي مكان و من زمان إلي زمان

و لك أن تسأل كيف ينظم الإسلام مسالة كمسألة المرور فنقول أنه يضع لها أحكاما عامه نتبعها في وضع قواعد المرور
كحث الإسلام علي طاعة ولي الامر (واضع قواعد المرور)
و كمنع تجاوز سرعة محدده إعمالا لقوله تعالي(وَلاَ تُلْقُواْ بِأَيْدِيكُمْ إِلَى التَّهْلُكَةِ)

و أنا تحت أمر حضرتك في أي سؤال

المشاركة الأصلية كتبت بواسطة m3_dolphen

طيب احنا دورنا ايه ؟



الله يبارك فيك ياعم احمد ... ايه بقى تصوراتك علشان نوصل للهدف ؟




طيب حضرتك شايف ان اهم حل ان العرب يتحدوا .... كلام زى الفل بس احنا كبلد منقسمين مش المفروض احنا الأول نتحد ؟

الإعلام و مشوهي الصوره و اصحاب المصالح الخاصه هم سبب الفرقه و نحن نتبعهم دون تفكير أو بحث

المشاركة الأصلية كتبت بواسطة hossam99

الإعلام و مشوهي الصوره و اصحاب المصالح الخاصه هم سبب الفرقه و نحن نتبعهم دون تفكير أو بحث

طيب الإعلام وكلنا عارفينه ... أما مشوهى الصورة وأصحاب المصالح الخاصة فهم غير معروفين لدى فئة كبيرة من الناس ..
إيه اللى ممكن نعمله نخلى الناس تفهم وتعرف مين اللى ليه مصالح واغراض خبيثة ومين اللى قلبه على البلد بجد ؟