الفكرة انى عايز يبقا عندى بيك واحد مش اكتر من بيك
وعايز اوصل للتالى :
1- عداد السرعة يبقا فيه صوت انذار اول لما يوصل لسرعة معينة
2- عداد حرارة يبقا ليه بردك انذار عند درجة حرارة محددة
عرض للطباعة
السلام عليكم، أولاً أحب اعتذر عن تأخري في الرد .
أما بالنسبة لأشيائي .. المشروع دة كان معمول على كونترولر تاني غير ال-pic ، عشان كدة الكود مش هيكون مفيد قوي ، لكن طبعاً أقدر اساعد بالأفكار أو المعلومات أو أي حاجة متعلقة بالمشروع دة.
العداد دة كان عبارة عن عداد سرعة (3 خانات 7 segment فوق على اليمين ) ، وعداد RPM (إما 3 أو 4 خانات فوق على الشمال )، وفي شاشة LCD في النص تحت بتعرض أكتر من حاجة ، الحرارة و كمية البنزين وشحن البطارية وعداد الكيلومتر و-2 عداد رحلات .
وكمان كانت بتعرض التبيهات والرسائل التحذيرية ، مع صوت تنبيه بيطلع من السماعة (الدائرة الصغيرة السودة إلي فوق يمين دي )، و التنبيهات دي كانت بتحصل عند تخطي الحدود المسموحة للحرارة أو السرعة أو ال-RPM أو الشحن أو البنزين ، أو العربية تتحرك وفرامل إليد مرفوعة ، أو مواعيد تغيير الزيت أو البوجيهات ، وغيرها من التنبيهات .
طيب ازاي الواحد يغير الحدود المسموحة دي أو يعمل رست لكل عدادات المسافات دي ؟ ، عن طريق قوائم بيتم التحكم فيها من زرارين مربعين يمين وشمال الشاشة ، وكانوا بيغيرو كمان شدة وضوح الشاشة . والقوايم دي فيها كمان عايز تشغل السماعة للتنبيه عند ارور معين ولا لأ وتعمل معايرة للعداد .
فيه كمان لمبات بيان (LEDs) عشان يبان عليها الحاجات المختلفة في التابلوه ، ذي الإشارات أو لمبة النور العالي أو فرامل إليد ... إلخ .
والميزة كمان في العداد دة إنه كان فيه إمكانية Networking ، ودة يخليه يتكلم مع network العربية ويبعت القراءات دي لأي كونترول تاني عايزها ، أو يجيلو بيانات تانية من كنترول تاني ويعرضها للسواق على الشاشة ال-LCD.
اتمنى تكون الأفكار و المعلومات دي مفيدة وتساعد في المشروع بتاعكم ، و في إنتظار أي اسئلة
طاب ما تمام جدا ً الكلام دة احنا مش عايزين حاجة تانى بعد الكلام دة عايزين بس التفاصيل والمكونات والمخططات
علشان نقدر نبدأ فى تنفيذ الدائرة ومكونات الدائرة هاتتكلف كام
انا كمبيوتر سينس بس بعشق الحاجات الديجيتال دي
درستها في الكلية مادة واحدة بس و ان شاء الله هحاول انزل النخيلي و اعمل الديجيتال ثروموستات ده :)
بس ممكن احتاجكو يا رجالة تساعدوني