Digital Thermostat | LM35 & PIC16F877A

**khaled_sabry** · 24-05-2011 10:38 AM

السلام عليكم و رحمة الله و بركاته
من فتره كده و على اول الحر لا حظت ان بقى فيه تذبذب فى فصل التكييف
يعنى الثرموثتات لما بتفصل الكومبرسير مش بتفصله مره واحده لا دى بتقطع كام مره كده قبل ما تفصله
وبسؤال اعضاء المنتدى الفاضل هنا فى موضوع اخر
http://www.nilemotors.net/Nile/219607-a.html
اقترحو عليا شراء ثرموثتات اخرى
بس فكرت ... بدل ما اشترى ثرموثتات ما اعملها اانا ... و كمان اعملها بالبك و تبقى ديجيتال حيكون افضل و اروش ... و الواحد يحس كده انه راكب بي ام مش تويوتا العصر الحجرى
و اللى شجعنى على كده موضوع العداد اللى عمله amrelsaqqa
و اللى مستخدم فيه PIC16F877A
خاصه ان البرنامج بتاعها حيبقى بسيط اوى
و بستخدام السينسور LM35
انا عملت البرنامج نظرى و عملته على البروتس و كله تمام
لكن لما جيت اجربه عملى وصلت السينسور على 5 فولت عادى (زى ما موجود فى كل المواقع ) لاقيت السينسور و الاتنين ريجيولاتور سخنو اوى و البيك اتحرق
لسه بقى معرفشى حجم التلفيات التانيه ايه
على العموم البرنامج اهه هو و ملف البروتس
و ياريت اى حد عنده مقترحات او اضافات يقولهالى لأنى مبتداء جدااااااااااا فى الموضوع ده

MyTher.rar - 4shared.com - online file sharing and storage - download

ملحوظه : لازم طبعا تزويد L7905 لدخل الدائره للتحويل من 12 الى 5 فولت علشان الدائره تعمل و ما تتحرقشى

**gaaz** · 24-05-2011 12:30 PM

نفسي اعمل الحاجات دي بس مش بفهم فيها للأسف

**khaled_sabry** · 24-05-2011 02:17 PM

المشاركة الأصلية كتبت بواسطة gaaz

نفسي اعمل الحاجات دي بس مش بفهم فيها للأسف

عادى ياباشا انتا بتشترى المكونات من باب اللوق (عند النيخيلى او الجمال او ram )
و بتلحمها فى بعضها و خلاص مش محتاجه فن ...

اصبر عليا شويه لما اخلص الدايره و اركبها و حقولك تشترى ايه بالظبط و حرفعلك الصور

**gaaz** · 24-05-2011 02:52 PM

عادى ياباشا انتا بتشترى المكونات من باب اللوق (عند النيخيلى او الجمال او ram )
و بتلحمها فى بعضها و خلاص مش محتاجه فن ...

اصبر عليا شويه لما اخلص الدايره و اركبها و حقولك تشترى ايه بالظبط و حرفعلك الصور

الله يباركلك يا باشا
كمل ربنا معاك
منتظرك على احر من الجمر

**khaled_sabry** · 26-05-2011 09:21 AM

انا كونت الدايره بس بدون تركيب LM35 ... طبعا هى اللى موجوده فى فايل البروتس
[img3]http://imageshack.us/photo/my-images/689/unledzp.png[/img3]

بس دخل التيار 12 فولت بتوع العربيه بدخلهم على L7909 الاول ثم الخرج بتاعه(9 فولت) ادخله على L7905 علشان يطلعلى 5 فولت ثابتين قدر المستطاع اشغل بيهم الدايره

و عملت برنامج تيست كده يقعد يكتب ارقام على ال 7 segment اللى عندى علشان اتأكد ان كل الدنيا تمام
وبعد كده اول لما ركبت LM35 و نزلت البرنامج الاصلى على البيك لاقيت
- LM35 سخنت جدااااااااا لدرجه انها كانت بتلسع
- الاتنين ريجيولاتور L7905 و L7909 الهيت ثينك بتاعتهم كانت سخنه اوى

فطبعا فصلت الكهرباء على كده و اكتشفت ان البيك اتحرق ... جبت واحد تانى و نزلت عليه البرنامج بس وصلت المره دى مقاومه 10K على التوالى مع LM35 ...رغم ان فى كل المواقع مكتوب ان LM35 بتشتغل مع 5 فولت عادى

المهم بعد ماعملت كده الدايره مابقتشى تشتغل ... المفروض حتى لو السينسور اتحرق هو كمان انها تطلعلى 0 كدرجه الحراره او تعد معايا لما اظبط الثيرموثتات
بس لاحظت انى اول لما اوصل الكهرباء السيفن سيجمنت بتشتغل لحظيا لمده ثانيه و بعد كده بتطفى خالص ماعدا اول خانه (اللى بيبقى مكتوب فيها C ) بتبقى شغاله بس باهته اوى
انا اتأكدت ان الخرج من L7905 لسه 5 فولت زى ماهو ... و جربت و غيرت الكرستاله و المكثفين بتوعها ... مش عارف فين المشكله بقى
فياريت حدد يساعدنى
فياريت حد يساعدنى
و خصوصا عمنا عمرو او ابو حسنى

**farahat** · 26-05-2011 09:53 AM

المشاركة الأصلية كتبت بواسطة khaled_sabry

انا كونت الدايره بس بدون تركيب lm35 ... طبعا هى اللى موجوده فى فايل البروتس
[img3]http://imageshack.us/photo/my-images/689/unledzp.png[/img3]

بس دخل التيار 12 فولت بتوع العربيه بدخلهم على l7909 الاول ثم الخرج بتاعه(9 فولت) ادخله على l7905 علشان يطلعلى 5 فولت ثابتين قدر المستطاع اشغل بيهم الدايره

و عملت برنامج تيست كده يقعد يكتب ارقام على ال 7 segment اللى عندى علشان اتأكد ان كل الدنيا تمام
وبعد كده اول لما ركبت lm35 و نزلت البرنامج الاصلى على البيك لاقيت
- lm35 سخنت جدااااااااا لدرجه انها كانت بتلسع
- الاتنين ريجيولاتور l7905 و l7909 الهيت ثينك بتاعتهم كانت سخنه اوى

فطبعا فصلت الكهرباء على كده و اكتشفت ان البيك اتحرق ... جبت واحد تانى و نزلت عليه البرنامج بس وصلت المره دى مقاومه 10k على التوالى مع lm35 ...رغم ان فى كل المواقع مكتوب ان lm35 بتشتغل مع 5 فولت عادى

المهم بعد ماعملت كده الدايره مابقتشى تشتغل ... المفروض حتى لو السينسور اتحرق هو كمان انها تطلعلى 0 كدرجه الحراره او تعد معايا لما اظبط الثيرموثتات
بس لاحظت انى اول لما اوصل الكهرباء السيفن سيجمنت بتشتغل لحظيا لمده ثانيه و بعد كده بتطفى خالص ماعدا اول خانه (اللى بيبقى مكتوب فيها c ) بتبقى شغاله بس باهته اوى
انا اتأكدت ان الخرج من l7905 لسه 5 فولت زى ماهو ... و جربت و غيرت الكرستاله و المكثفين بتوعها ... مش عارف فين المشكله بقى
فياريت حدد يساعدنى
فياريت حد يساعدنى
و خصوصا عمنا عمرو او ابو حسنى

هل حضرتك متأكد من الرقم بتاع الريجيولتر ولا د خطأ كتابي ؟
المفروض يكون 7805 و-7809 مش 7905 و-7909 ، عشان ال-7905 بيطلع سالب 5 فولت وليس موجب .

**khaled_sabry** · 26-05-2011 02:40 PM

المشاركة الأصلية كتبت بواسطة farahat

هل حضرتك متأكد من الرقم بتاع الريجيولتر ولا د خطأ كتابي ؟
المفروض يكون 7805 و-7809 مش 7905 و-7909 ، عشان ال-7905 بيطلع سالب 5 فولت وليس موجب .

يتهيألى انه خطاء كتابى ... لأنى قولت الرقم من الذاكره
بس برضه لما اشتريته اشتريته من الذاكره
و بالتالى فيه احتمال يبقى ده بالفعل اللى راكب عندى
بس انا قيسته قبل كده اكتر من مره و لا قيت الخرج 4.8 فولت بالظبط و الاقضاب مظبوطه .... بس برضه حتأكد لما اروح

**amrelsaqqa** · 26-05-2011 02:49 PM

المشاركة الأصلية كتبت بواسطة farahat

هل حضرتك متأكد من الرقم بتاع الريجيولتر ولا د خطأ كتابي ؟
المفروض يكون 7805 و-7809 مش 7905 و-7909 ، عشان ال-7905 بيطلع سالب 5 فولت وليس موجب .

+1111
ومتابع معاك

**amrelsaqqa** · 26-05-2011 08:23 PM

انا نزلت المشروع وشفته
وشكله كدة مظبوط مفيهوش حاجة
بص ، جرب الاول ببطاريات حجر قلم عادى
وصل 3 توالى بحيث يبقى عندك 4.5 فولت
وانزل جرب الدايرة على الطبيعة وظبط في البرنامج على راحتك لحد ما تظبط خالص ، بعدها نبدأ نفكر في باور سبلاى من العربية

وساعتها هتجيب فيوز ربع امبير توصله توالى قبل البيك والسنسور عشان مفيش حاجة تتحرق منك تانى وتجرب واحدة واحدة لحد ما تعرف المشكلة فين

على فكرة انا كنت بجيب ريجيوليتورز مضروبة
وساعات كانت بتطلع 12 فولت مش 5 و لا 9
وخلى بالك برضه وانت بتلحمهم في البوردة ما تسخنش جامد بالكاوية عشان الحرارة الزيادة بتأثر عليهم ، حاول تلحم بسرعة على قد ما تقدر

وزمان اول ما بدأت الموضوع ده كنت عامل دايرة ار بي ام ، وبرضه كل حاجة اتحرقت وما عرفتش ساعتها ليه
وركنت الدايرة فترة وبعدها بدأت اشتغل تاانى في عداد السرعة
وان شاء الله هعمل الار بي ام تانى ، بس المرة دى طبعا هخلى بالى وبالذات من الطرف بتاع الموبينة لأن تقريبا ده اللى حرق الدنيا المرة اللى فاتت وكان مفروض اركب زينر دايود وما ركبتش

المهم يعنى ... لا تيأس :d :)

**khaled_sabry** · 26-05-2011 11:01 PM

وصلت اخيرا لسبب المشكله
هى المشكله غالبا فى الريجيولاتورز زى ماقال عمرو
انا بشغل الدايره بتاعتى على ترانس وبظبطه عى 12 فولت ... بالصدفه ظبطه على 6.5 فولت لاقيت الدنيا اشتغلت
مع التجربه لاقيت ان الدياره مش بتشتغل غير على فولت اقل من 6.5 ؟؟؟؟؟؟؟؟؟
رغم ان فى جميع الحالات الفولت اللى خارج من الريجيولاتور هو 4.9 فى جميع الحالات سواء الدخل 12 فولت او 5 حتى
انا مش لاقيلها تفسير بس كده العيب انحصر بالتأكيد فى الريجيولاترز - احتمال لما بزود الفولت على الريجيولاتر بيقل التيار مع الاحتفاظ بقيمة فرق الجهد ؟؟؟؟

ماعلينا انا حمشى حالى دلوقتى لغايه لما اشترى ريجيولاتورز تانين
المشكله الجديده بقى
دلوقتى الخانه رقم 3 فى السيفن سيجمنت (خانه العشرات) بتطلع ارقام غريبه يعنى احيانا بتبقى عامله 8 و احيانا بتبقى عامله زى 6 مقلوبه ( مزيج بين 2 و 3 مع بعض ) .. مشفاهم ليه كده
انا اتأكدت ان مافيش حاجه ملمسه .... و بالتالى المشكله فى الكود بيدمج حجات مع بعض