ازمة ضمير : ازاى رميت اختى ليهم ؟

**lovely_love** · 30-05-2011 09:35 PM

السلام عليكم

انا كلامى اولا موجه للاستاذ خالد
يا استاذ خالد حضرتك من ساعة ما ابتدى الموضوع وانت بصراحة تعتبر بتشتم فى الراجل واهله وتحكى مواقف
حضرتك لما جبته مكنتش تعرف انه من منشية ناصر مروحتلهوش بيته ولا مرة ولا شوفت اهله
ولو مرحتلوش ولا شوفت اهله ولا تعرفه كويس ازاى تخليه يتقدم لاخت المدام
وحضرتك بتقول انها بنت ناس ومحترمة وجدعة معاك واختك
وهو انا لما اجيب عريس لاختى مش قبل ما يشوفها وتشوفه انا اشوفه واشوف اهله
دلوقتى انت بتقول اهله صنايعية والبنات ضاربين شعرهم اصفر ميه اوكسجين
اوكى حضرتك لية مروحتش تزوره ولو مرة قبل ما تجيبه يتقدم
انا بصراحة ومن غير زعل حاسس ان الموضوع موضع غيره منك لسبب ما انت عارفه ومش عاوز تقوله

**khaled_sabry** · 31-05-2011 09:12 AM

المشاركة الأصلية كتبت بواسطة lovely_love

انا بصراحة ومن غير زعل حاسس ان الموضوع موضع غيره منك لسبب ما انت عارفه ومش عاوز تقوله

غيره ؟؟؟ .... تخيل انتا اول واحد يقولى الموضوع ده
طيب لو كانت فيه غيره كنت افضل اساهم فى انجاح الموضوع و اتعب نفسى فيه حتى اخر لحظه ؟؟
ولا كنت اتحجج بالخناقه اللى بيني و بينه مثلا و اخلع نفسى من القصه كلها

سيدى الفاضل الموضوع مش كده
انا كنت راسم خطه و جايب العريس ده بالرغم عن عيوبه
و كنت متوقع ان عنده من الذكاء الاجتماعى مايكفى لمداراة العيوب دى
و ان العروسه حتوجهه علشان تصلح عيوبه

لكن اللى اكتشفته دلوقتى
ان العريس طلعت فيه عيوب اكتر من اللى كنت اعرفها و هو مش عارف يداريها .. و بالتبعيه حماى و حماتى دلوقتى كارهينهم حرفيا رغم ان دلوقتى المفروض تبقى عز فرحتهم بيهم
و العروسه نفسها مش بتوجهه و لا حاجه بالعكس دى بقيت بتمشى باسلوبه ... مما يونبئ بإنها حتتكرهه هى كمان و حتنسلخ عن العيله بتاعتها

ايه بقى دخل الغيره فى الكلام ده ... لو انا كنت غيران صحيح كنت فرحت فيهم و سيبتهم كده و اقعد ادحك عليهم من بعيد

**ahmed_belta** · 31-05-2011 06:46 PM

هي مش عدت خلاص و اتجوزت زي ما بيقولوا
انسى و انسحب بهدوء و متحاولش تعرف عنهم أي حاجة بعد كده
حتى لو حد قالك عنهم حاجة غير الموضوع و انسسسسسحب بهدوء
أقولك على حاجة مافيش حد بياخد كل حاجة
لكل واحد نصيبة و خلاص
أنا عندي أخوات بنات كتير و عارف

**MOUSTAFA_SAAD** · 31-05-2011 07:52 PM

المشاركة الأصلية كتبت بواسطة ahmed_belta

هي مش عدت خلاص و اتجوزت زي ما بيقولوا
انسى و انسحب بهدوء و متحاولش تعرف عنهم أي حاجة بعد كده
حتى لو حد قالك عنهم حاجة غير الموضوع و انسسسسسحب بهدوء
أقولك على حاجة مافيش حد بياخد كل حاجة
لكل واحد نصيبة و خلاص
أنا عندي أخوات بنات كتير و عارف