ازمة ضمير : ازاى رميت اختى ليهم ؟

**Dojuar** · 24-05-2011 12:14 PM

اللي حصل حصل...بلاش تقعد تنكت و تبكت في نفسك...مش كويس على أعصابك

و مش كويس على أخت زوجتك و عريسها...لأن هايبان عليك و ممكن حاجات صغيره تبقى كبيره

أهم حاجة الكيميا اللي بينهم دلوقت حاولوا تساعدوا على تقويتها...ويا ريت الحماوات و اللي حوالينهم ميخطلتوش كتير في الأول

يعني بلاش زيارات و عزومات متبادلة في الأول

**تامر.محمد** · 24-05-2011 12:20 PM

المشاركة الأصلية كتبت بواسطة khaled_sabry

ربنا يوفقهم
بس انتا مش متفائل من ناحيه ايه بالظبط ... ماتخفشى قول عادى لأنى انا كمان مش متفائل و ندمان على اللى حصل

هاقول لك حاجة , انا و زوجتي فيه بيننا فرق اجتماعي لصالحها , لكنه بسيط جدا
لا تتخيل ده عامل قد ايه كمية حاجات صغيرة انا شايفها بطريقة و هي شايفاها بطريقة تانية خالص ....
هي حاجات صغيرة و بتعدي لأن الفرق مش كبير

في حالة الفرق الكبير , لازم و ضروري الاتنين يفوتوا لبعض , و لأهل بعض, و حذاري ان حد فيهم ينتقد اهل التاني في نقطة من النقط اللي بتمثل الفرق الاجتماعي ده , مش طالباها حساسيات في النقط دي خصوصا , و يستحسن ما يحصلش اختلاط كتير بالأهل خصوصا في الأول
و فعلا نصيحة الراجل ده كويسة جدا
و يا ريت الاتنين يبقوا مقدرين كويس اختلاف البيئة و الوسط اللي بينهم
انا و زوجتي مثلا في اوقات ممكن نختلف في حاجة , هي تقول لي كل الناس بيعملوا زي ما باقول و انا اقول لها لأ كل الناس بيعملوا زي ما انا باقول

المشاركة الأصلية كتبت بواسطة Dojuar

اللي حصل حصل...بلاش تقعد تنكت و تبكت في نفسك...مش كويس على أعصابك

و مش كويس على أخت زوجتك و عريسها...لأن هايبان عليك و ممكن حاجات صغيره تبقى كبيره

أهم حاجة الكيميا اللي بينهم دلوقت حاولوا تساعدوا على تقويتها...ويا ريت الحماوات و اللي حوالينهم ميخطلتوش كتير في الأول

يعني بلاش زيارات و عزومات متبادلة في الأول

رأي سليم جدا

**AmatoALLAH** · 24-05-2011 12:23 PM

المشاركة الأصلية كتبت بواسطة khaled_sabry

انتا جبت بالظبط اللى فى نفسى
انا نفسى لقلة خبرتى العمليه ماكنتش اعرف مستوى اهله و كنت متخيلهم انهم من مستوى (المعلمين المجدع زى مستوى فريد شوقى فى سوق الخضار)
بس لما شوفت اهله فى جلسة التعارف حسيت بالفرق ...رغم ان اللى كانو جايين والد ووالدة العريس بس
لكن لاقيت والده فى وسط الكلام بيتكلم على اخوه (عم العريس) و ازاى مراته طردته من الشقه لأنها كانت مكتوبه بأسمها .. و بيتكلم عادى كأنه موقف طبيعي رغم ان الناس دول اول مره يشوفهم
و تانى مره لما شوفتهم و كان عزومه من حماتى و اسلوبهم فى الاكل .. مش طالب اسلوب لدرجة شوكه و سكينه بس طريقة الاكل بكف الايد دى صعبه اوى
وكل ده و العروسه شايفه و موافقه علشان تخلص ... حماتى اللى كانت معترضه
و انا لما لاقيت قبول من العروسه و قبول من مراتى فاثرت على حماتى للموافقه
وده اللى تاعبنى انى ساهمت فى الموضوع

انا واحده علي فكره :)

انت اللي قلت الخلاصه كلها في ان اخت زوجتك و اهلها شافوا اسلوب اهل العريس و طريقتهم وهما وافقوا علي كده

صدقني اخت زوجتك لو ماكنتش متقبله الامر ماكنش حد قدر يجبرها علي الجوازة

هو صحيح اختيارها غلط و هتعاني منه بس هو في الاول و الاخر اختيارها , و انت كانت نيتك حسنه و اولا و اخيرا انت مجرد وسيط

تاني شئ و دا الاهم اسحب نفسك من الموضوع لان لما تظهر اي مشكله و انت اتصديت له , زوجها هيقول انك غيران منه فخلي بالك من النقطه دي :)

**icehearted girl** · 24-05-2011 12:25 PM

استاذ خالد انا مش قصدي ائنبلك ضميرك بزيادة

بس بفرض ان هي اختك وشفتها بتفكر بمبدأ ضل راجل ..كان المفروض حضرتك اللي تردها عن تفكيرها دا..مش تطاوعها رغبة منك انك عاوز تشوفها متزوجة

فكرتني باغنية متفتكروش يابنات ان الجواز راحة

يمكن لو الفارق دا مادي مكنش هيبقي في مشكلة تماما زي مبيكون في فارق اجتماعي للاسف

**ahmed4000** · 24-05-2011 12:30 PM

انت عملت اللى عليك وخلاص
سيبها على الله واللى كاتبه حيكون...الجواز نصيب ومحدش ليه دخل فيه بكويس او وحش

**khaled_sabry** · 24-05-2011 12:32 PM

المشاركة الأصلية كتبت بواسطة تامر.محمد

هاقول لك حاجة , انا و زوجتي فيه بيننا فرق اجتماعي لصالحها , لكنه بسيط جدا
لا تتخيل ده عامل قد ايه كمية حاجات صغيرة انا شايفها بطريقة و هي شايفاها بطريقة تانية خالص ....
هي حاجات صغيرة و بتعدي لأن الفرق مش كبير

في حالة الفرق الكبير , لازم و ضروري الاتنين يفوتوا لبعض , و لأهل بعض, و حذاري ان حد فيهم ينتقد اهل التاني في نقطة من النقط اللي بتمثل الفرق الاجتماعي ده , مش طالباها حساسيات في النقط دي خصوصا , و يستحسن ما يحصلش اختلاط كتير بالأهل خصوصا في الأول
و فعلا نصيحة الراجل ده كويسة جدا
و يا ريت الاتنين يبقوا مقدرين كويس اختلاف البيئة و الوسط اللي بينهم
انا و زوجتي مثلا في اوقات ممكن نختلف في حاجة , هي تقول لي كل الناس بيعملوا زي ما باقول و انا اقول لها لأ كل الناس بيعملوا زي ما انا باقول

على فكره بالنسبالى انا برضه فيه فارق اجتماعى بسيط بيني و بين مراتى بس لصالحى
بس انا بفوتلها و هى كمان و كمان انا معظم اهلى فى اسيوط و بالتالى الاختلاط محدود و كمان والدتى متوفيه فمافيش عندى حرب الحماوات
و انا استغليت الفارق الاجتماعى ده و قلة الاختلاط لتحسين صورتى عند حماتى ...بحيث هى دلوقتى بتقول احسن نسب فى جوازات بناتى (هى عندها 4 بنات ) هى جوازه خالد
معلشى خرجت عن الموضوع بس بفوق شويه

لكن مشكلة الجوازه دى ان مافيهاش اى عامل من دول ... و اللى صعبان عليا انى انا ساهمت فى كده
ده انا اللى جبتله نمرة موبيل العروسه (بعد قراية الفتحه - اللى والد العريس اجبرنا على قرايتها بعد اول مقابله ) وقولتله اتصل بيها وقولها "خالد قالى اقولك يا (اسم الدلع بتاعها ) " علشان يتعودو على بعض

**fineart607** · 24-05-2011 12:44 PM

اخى ربنا اعلم بنيتك انت كنت عايز تساعد اختك وهى شافت الوضع ده قبل الزواج ورضيت بيه نصيحتى حاول تشوف الحاجات الحلوه الى فى العريس يعتى جدع بيحاول يرضيكم اى حاجه وابعد عينك عن اى شىء يضايقم ودى مثل اختك يعنى لازم تبرها وتصل رحمها ادعى ربنا يسعدهم ويجعل ايامهم سعاده محدش عارف ان شاء الله هى تحاول تغيره للأحسن وتشيكة والمهم اخلاقة وربنا يسعدهم ومش تانب نفسك مش هتستفاد حاجه المهم حاول تكون معهم ومش تقاطعهم وحاول تصاحبة وتغير منه لازم تكمل المشوار
الواحد والله بيسمع كتير عن بنات محترمة ومتربية ومتدينة وسبحان الله لسة مش اتجوزوا ربنا يرزق كل بنت لسة مش اتجوزت بزوج صالح ان شاء الله

-

-

الموضوع: ازمة ضمير : ازاى رميت اختى ليهم ؟

LinkBack

أدوات الموضوع

عرض

-

-

-

-

-

-

المواضيع المتشابهه

تعالى اقولك تعمل ايه لو ... رميت على حد !!

ازمة بنزين لا ازمة ضمير

دماغى حتشت و حاسس انى رميت فلوسى فى الارض

عربيتى اختى اتسرقت

الكلمات الدلالية لهذا الموضوع

المفضلات

المفضلات

ضوابط المشاركة