ازمة ضمير : ازاى رميت اختى ليهم ؟

**khaled_sabry** · 24-05-2011 12:46 PM

المشاركة الأصلية كتبت بواسطة amatoallah

انا واحده علي فكره :)

سورى :b4_611:

المشاركة الأصلية كتبت بواسطة icehearted girl

استاذ خالد انا مش قصدي ائنبلك ضميرك بزيادة

بس بفرض ان هي اختك وشفتها بتفكر بمبدأ ضل راجل ..كان المفروض حضرتك اللي تردها عن تفكيرها دا..مش تطاوعها رغبة منك انك عاوز تشوفها متزوجة

انا غبى
ماكنتش مدرك الفارق فى الاول و كان فى دماغى صوره تانيه
ولما ابتديت ادرك الفارق مراتى سكتتنى بتحت دعوى ان العروسه نفسها راضيه و هى مش هبله علشان ماتحسش بالفرق ده

**w-m-a** · 24-05-2011 12:46 PM

يا سيدى الفاضل انت عملت الى عليك
والتوفيق من عند الله
ارحم نفسك وسيب الامور لله انت كان قصدك خير
وان شاء الله خير
ادعو لهم بالهدايه

**khaled_sabry** · 24-05-2011 12:50 PM

المشاركة الأصلية كتبت بواسطة maserati

و هنا ييجى دور أهل الزوجة فى أنهم يحوطوا و يقفلوا على الزوج كويس أوى بحيث أنهم لا يتركوا فرصة لأهله أنهم يسحبوه تانى معاهم

الحمد لله ده كده خربت خالص
لأن دلوقتى اهل الزوجه ( والدها ووالدتها ) الاتنين تعدو 65 و تعبانين صحيا و على درجه عاليه من السذاجه
يعنى هما نفسهم مقتنعين ان المفروض يقللو احتكاكهم ببنتهم ... علشان ام العريس ماتقولشى انتو عاوزين تاخدو ابنى منى (خاصه انهم قعدين في شقة العروسه الى قريب من شقه حماى ) و بعد كده تعمل مشاكل للعروسه بدافع الغيره
اما اخو العروسه فهو واحد انانى و عنده مراته رقم واحد و طظ فى اخواته البنات ...
ولو تلاحظو انى قولت انى كنت فى معظم خطوات الجوازه دى ... و ده لأن اخوها ماكنشى موجود و ماكنشى بيحضر الا فى العزومات بس و ماكنشى بيهون عليه ياخد اجازه علشان يقضى طلباتهم ... و بالتالى يعنى ماتتوقع منه انه يحتوى اخواته بعد وفاة والده و والدة بعد عمر طويل
اما بالنسبه لأخواتها البنات (و انا زوج واحده منهم ) فكل واحده حتبقى بدماغ جوزها و مش حيبذلو اى مجهود لاحتواءهم ... انا نفسى حمنع الزيارات الا فى المناسبات ( زيارة مباركة الزواج - مباركه ولاده ) فقططططط لكن عزومات و تواصل اكتر من كده مش حينفع كى لايصبنى اذى او حاجه تفور دمى بسبب الفارق الاجتماعى زى كلمة يا "نصه" دى

**icehearted girl** · 24-05-2011 12:51 PM

المشاركة الأصلية كتبت بواسطة MASERATI

السلام عليكم و رحمة الله و بركاته

و الله أنا مش عارف أقولك ايه فعلا, بس أنا حاسس بيك فعلا و حاسس أن فعلا الانخراط بشكل كبير مع الفئات الشعبية من المجتمع -مع كل احترامى و تقديرى ليهم- بيكون خنيق فى كتير من الأحيان .

أنا شايف أن الحل الأمثل و اللى يجيب أكبر قدر من المكاسب و أقل قدر من الخساير, أن الزوجة اللى هى أخت زوجتك تتفهم كويس جدا الدور المطلوب منها و أنها تعمله بدون تراخى و بكل استماتة.

أنها لا تختلط بأهل زوجها الا بقدر محدود على أد اللزوم و بس و تحاول دايما أنها تخلى زوجها يبص لفوق و لمستوى أعلى و مايبصش تحت أبدا عشان يفهم ايه المطلوب منه و هنا ييجى دور أهل الزوجة فى أنهم يحوطوا و يقفلوا على الزوج كويس أوى بحيث أنهم لا يتركوا فرصة لأهله أنهم يسحبوه تانى معاهم, يعنى مثلا, بدل مايروح هو و زوجته (أخت زوجتك) معاهم فى المصيف, يروح هو و زوجته لوحدهم فى مصيف أرقى أو معاكم مثلا و مايكونش أهله معاه , مش معنى كده أنه يقطع علاقته بيهم و يعقهم -لا سمح الله- لأ, يؤدى دوره معاهم و يصل الرحم بيهم عادى جدا و كل حاجة و كل حاجة بس الأسرة ككل (الزوجة و الأولاد) لا تختلط بيهم و هما من تكرار المواقف هيحسوا أن الزوجة و الأولاد -فى المستقبل القريب ان شاء الله- بيبعدوا عنهم و ربنا يصلح الأحوال.

مش مقتنعة بالرأي دا بصراحة..مش معني ان مستوي اهله اقل انها تفصله عنهم

اهله دول من غيرهم مكنش هو هيبقي ليه وجود اصلا هم مغلطوش ف حقه هم ربوه زي مهما اتربوا..وزوجوه ف الاخر تبقي دا جزائهم؟؟؟ انه يتبرأ منهم بالطريقة دي؟؟ واهل زوجته يحوطوه بالطريقة دي؟؟؟

**FunnyMickey** · 24-05-2011 01:07 PM

بص ياباشا
حقولك حاجه بصراحه وخدها كلمه

لو كنت جبت اغني واحد في البلد
وارقي واحد في البلد
واشيك واحد في مصر
واتجوزها
وطلع عينيها

كانوا حيقولوا مجايب خالد
فكبر دماغك
انا قاري موضوعك من الاول
وانتا قلت واتكلمت كتير
للبنت واهلها
وقلت لمراتك انك شايف ان ده مينفعش

خلاص
اللي بيشيل قربه مخرومه بيحصله ايه
بتخر علي دماغه

انتا عملت اللي عليك وقلت
وخد بالك ياباشا

لو كنت زودتها شويه وعارضت الجوازه
كانوا قلبوا عليك وحسوا انك عاوز تفركش الجوازه وخلاص
الناس اللي بتبقي شايفه ان ضل راجل ولا ضل حيطه دي
بتبقي بتعمل المستحيل عشان الجوازه تتم
البت كبرت البت متجوزتش البت حتعنس
ويبدأ شبح العنوسه يسيطر علي مخ البيت كله
بما فيهم البنت

عشان كده مش حيقتنعوا ان ده وحش وده حلو
اهو راجل والسلام

**lovely_love** · 24-05-2011 01:33 PM

اولا لصاحب الموضوع انا احب اقولك ان النصيب بيغلب
ثانيا موضوع الفرق دا معلش سامحنى بيكون صعب انا مش بقلل من الصنايعية او حاجة بالعكس انا معاملاتى فى شغلى كلها معاهم وهما ناس طيبين وكويسين
الفكرة فى التفكير والدماغ نفسها ودا الى احتمال يعمل مشاكل عموما انت عملت الى عليك والباقى بتاع ربنا
انا عارف ومقدر الى انت فيه لان حصل لاختى بالظبط بس موصلش للجواز الحمدلله كانت فترة ارتباط بسيطة والحمدلله خرجنا منها من غير اى خساير
واختى على فكرة فى سن اخت المدام بتاعت حضرتك الى بتقول عليها ولسه مجالهاش نصيبها ودى حاجة مش عيب العيب اننا نقول قطر الجواز والكلام دا
اهم حاجة التوافق الاجتماعى
مبقولش ان العريس لازم يكون مليونير ولا العروسة تكون مليونيرة المهم يكون مستواهم قريب من بعض على الاقل علشان يعرفوا يعيشوا مع بعض

وربنا يوفقهم مع بعض

**محمد عز** · 24-05-2011 01:38 PM

هوا ممكن يكون مستواه الاجتماعى مش قد كده

بس ممكن يكون حنين عليها ، ميظلمهاش ، يخاف عليها.....الخ

محدش يعرف الخير فين

**MASERATI** · 24-05-2011 01:50 PM

السلام عليكم و رحمة الله و بركاته

المشاركة الأصلية كتبت بواسطة khaled_sabry

مش المقصود انها تفصله عنهم بالشكل الحاد اللى انتى متخيلاه ................

بس المشكله ان الاسلوب ده مش حينفع عندها للرد السابق بتاعى

بالظبط كده

المشاركة الأصلية كتبت بواسطة maserati

..........................
مش معنى كده أنه يقطع علاقته بيهم و يعقهم -لا سمح الله- لأ, يؤدى دوره معاهم و يصل الرحم بيهم عادى جدا و كل حاجة, بس الأسرة ككل (الزوجة و الأولاد) لا تختلط بيهم و هما من تكرار المواقف هيحسوا أن الزوجة و الأولاد -فى المستقبل القريب ان شاء الله- بيبعدوا عنهم و ربنا يصلح الأحوال.

و أنا فى مشاركتى اللى فاتت, استدركت و قلت أنه لا يجب عليه أنه يعقهم و ينفصل عنهم على الاطلاق !!!!!!!!!!

-

الموضوع: ازمة ضمير : ازاى رميت اختى ليهم ؟

LinkBack

أدوات الموضوع

عرض

-

-

-

المواضيع المتشابهه

تعالى اقولك تعمل ايه لو ... رميت على حد !!

ازمة بنزين لا ازمة ضمير

دماغى حتشت و حاسس انى رميت فلوسى فى الارض

عربيتى اختى اتسرقت

الكلمات الدلالية لهذا الموضوع

المفضلات

المفضلات

ضوابط المشاركة