| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 10 1 2 3 4 5 6 ... الأخيرةالأخيرة
النتائج 1 إلى 10 من 95

  1. #1

    الصورة الرمزية khaled_sabry

    رقم العضوية : 30583

    تاريخ التسجيل : 20Jan2009

    المشاركات : 2,294

    النوع : ذكر

    الاقامة : Egypt - Cairo , Canada - Alberta

    السيارة: Toyota Corolla 1978 ,Peugeot504 1983, Peugeot 406 2006,kia pride 2000,chevrolet traverse 2009,Mazda3

    السيارة[2]: BMW 320i 2002,BMW X5 2007,BMW X5 F15 2014

    دراجة بخارية: نفسى اتعلم سواقتها

    الحالة : khaled_sabry غير متواجد حالياً

    افتراضي ازمة ضمير : ازاى رميت اختى ليهم ؟ - Facebook Twitter whatsapp انشر الموضوع فى :

    hasad">

    السلام عليكم و رحمة الله و بركاته
    كالمعتاد انا مش بكتب حاجه فى المنتدى الاجتماعى الا لما ببقى مخنوق و عاوز افضفض
    و اكتر حاجه خنقانى هو موضوع زواج اخت مراتى ... اللى كتبتلكم عن مشكله حصلت فى اوله من 5 اشهر تقريبا
    http://www.nilemotors.net/Nile/191743-a.html

    وهو بأختصار انا متزوج زوجتى من 4 سنين و بكده كان فاضل ليها اخت واحده اكبر منى بسنتين (عندها 30 سنه) ما اتجوزتشى
    اخت مراتى بعتبرها بجد زى اختى بسبب مواقفها المختلفه اللى بتثبت فيها جدعنتها مع الكل
    وبناء عليه كنت بتمنى من ربنا ان يكون جوازها على ايدي
    و بالفعل ربنا وفقنى و قدرت اوفق بينها و بين زميل ليا فى العمل بعد كم كبيييييييير من المشاكل و الخلافات بين العلتين ( العريس :والده نقاش و من منشأه ناصر و معظم عيلته صنايعيه و غير متعلمين رغم انه بكالوريوس علوم - و العروسه : والدها مدير قطاع فى الازهر و انا نفسى من عيله معظمها مهندسين و بعضها اساتذه فى الجامعه)
    و امتدت الخلافات بيني و بين العريس نفسه حول بعض التفاصيل فى تعامله مع اهل العروسه
    وهو بصراحه حاول الصلح اكتر من مره معايا بس انا اللى كنت برفض لغاية دلوقتى( بقالنا 4 او 5 اشهر تقريبا )
    لأنى اكتشفت فيه بعض الصفات اللى كانت مخفيه عنى قبل كده
    و ايضا لأنى ادركت حجم الفارق الاجتماعى بينه و بين العروسه .. و رغم ان العروسه نفسها متقبله العريس (من مبداء انها كبرت و ضل راجل ) لكن حماى و حماتى ماكنوش متقبلينه بسبب تصرفاته و تصرفات اهله و الفارق الاجتماعى

    و رغم عن كده كنت بمدح و بدافعله قدام حماتى (مش حبا فيه لكن بسبب تقبل العروسه ليه) فى نفس الوقت اللى ماكناش بتكلم او نسلم على بعض فى الشغل
    و فعلا كنت مع اهل العروسه خطوه بخطوه فى الجوازه دى من بدايتها من اول الاتفاق و انتهاءا بتوضيب الشقه نفسها و تركيب الكهرباء بنفسى
    لدرجه ان يوم الدخله انا بنفسى روحت لغاية العتبه علشان اشترى الشمع قبل معاد الفرح بساعه

    لغايه الفرح نفسه (يوم السبت اللى فات)... انا كنت عارف انهم مستوى اجتماعى متدنى بس لما شفت مستوى اهل العريس بعيني فعلا اتخنقت
    و الفكره اللى كانت مسيطره عليا ازاى انا ارمى "اختى" للناس دول .. و بجد ضميرى كان بيؤلمنى جدا لدرجه انى كنت حبكى فى الفرح
    و بجد تعمدت انى ما اسلمشى على العريس او العروسه رغم انى كنت السبب الرئيسى (بعد توفيق الله طبعا ) فى الجوازه دى
    طبعا حصلت تفاصيل مخجله فى الفرح بتؤكد الهوه الاجتماعيه بين العلتين مافيش داعى انى اذكرها

    حتى حدوث موقف سخيف فى الزفه بالعربيات و العروسه و العريس مروحين
    سائق عربيه الزفاف كان قريب العريس و الظاهر ان مهنته سائق اساسا
    فهو اصر على الرجوع من طريق ملتوى بدلا من الطريق المباشر
    ففى وسط الزحمه اشكيت فى الطريق و حبيت اتأكد من ميكروباص جنبى عن الطريق اللى احنا فيه ... فلاحظ كده سائق عربيه الزفاف
    فقالى "هو انتا مش عارف الطريق و لا ايه " رديت عليه " لا انا عارف بس بتأكد"
    فرد عليا ب "شكلك كده مش عارف يا نصه " ولا قيت اخوات العريس اللى كانو قاعدين جنبه بيدحكو و حماتى اللى قاعده جنبى (اللى كانت ضاربه بوز من اول الفرح لأخره) هى كمان بتدحك على الكلمه دى
    انا ماعجبتنيش كلمة "نصه" و اعتبرتها مهينه خاصه لما تيجي من واحد معرفهوش اصلا ... و طلعت امريكانى و و سبقته و و انا بسب و بالعن السواق و العريس و " الليله السوده دى " باحط و اقذر العبارات النابيه اللى اعرفها و كل ده و حماتى جنبى و مراتى ورا
    و اكتشفت فيما بعد ان السواق نفسه ماكنشى عارف الطريق و بيستخف معايا
    طبعا صالحت حماتى تانى يوم و هى تقبلت كده بسبب رصيدي اللى يكفى عندها (على رأى الجيش )
    فعلا فى العادى انا مش بعمل كده و مش عارف ليه عملت كده .. و الموقف ماكنشى مستاهل بس فرغت فيه الشحنه اللى كانت عندى

    بس فعلا العروسه صعبانه عليا
    لأنها من النوع اللى بتحب الشياكه و الرقه و المستوى الاجتماعى الراقى .. و قبل كده رفضت عرسان كتييييييير بسبب كده .. و اللى اتجوزته ده بعيد كل البعد عن الكلام ده و هى رفضت عرسان افضل منه بكتير
    فعلا انا لغايه دلوقتى حاسس بغصه كل ما افتكر الموضوع ده
    و كل ما افتكر منظرها فى الفرح و هى واقفه جنب عرسيها و اهل عريسها محاوطينها و باين عليهم تواضع المستوى الاجتماعى(البنات اللى كانو محجبات قبل الفرح قالعين الحجاب و صابغين شعرهم اصفر و بيرقصو بمياصه و هما حافين و الشباب اللى جايين بتيشرتات ملونه بالوان فاقعه و معاهم بيروسول و مولعينه و شماريخ و خلافه ) بتنتابنى رغبه عارمه فى البكاء بإعتبارى حكمت على البنت بالعيش فى المستوى ده

    و انى انا نفسى استغلت رغبتها فى الزواج و عرضت عليها العريس ده و انا عارف انها حتوافق عليه فى الظروف الحاليه حتى لو كان فيه عبر الدنيا كلها و اقنعت عليتها بالعريس ده .. اللى بالفعل ماكنتش حأقبله لأختى او لبنتى
    و فعلا انا دلوقتى مش عاوز ابص فى وشها او وش جوزها بسبب الموضوع ده .. رغم ان المفروض حنروح نباركلهم يوم الجمعه اللى جاى و مش عارف حعمل ايه
    مش بطلب منكم رأى او مشوره لأن اللى حصل حصل .. انا مخنوق و بفضفض بس


  2. #2

    الصورة الرمزية mrwho1982

    رقم العضوية : 11086

    تاريخ التسجيل : 20May2008

    المشاركات : 3,017

    النوع : ذكر

    الاقامة : التجمع الخامس

    السيارة: proton wira 1999

    السيارة[2]: fiat 128

    دراجة بخارية: لا يوجد

    الحالة : mrwho1982 غير متواجد حالياً

    افتراضي -

    ادعيلهم بالهداية واصلاح الحال

    انت تريد وانا اريد والله يفعل مايريد

    انا انسان عادي جداا.مسلم . اخطيء .واصيب . مرجعيتي هي القران والسنة وفقه الائمة الاربعة يعني انا ...


  3. #3

    الصورة الرمزية waelfarid

    رقم العضوية : 43173

    تاريخ التسجيل : 06Jul2009

    المشاركات : 1,402

    النوع : ذكر

    الاقامة : حاليا السعودية

    السيارة: مازدا 929 مو89

    السيارة[2]: فيات 1100 واتعلمت فيها كل حاجة وبعتها

    دراجة بخارية: no

    الحالة : waelfarid غير متواجد حالياً

    افتراضي -

    .........................



    ممنوع كتابة اللغة العربية بالأحرف الانجليزية. تم حذف المشاركة.

    يرجى مراجعة قوانين المنتدى.

    مشـرف الاجتمـاعي.
    3 ب

    27/5/2011
    1:16am

    الحمد لله الذي عافانا مما ابتلي به غيرنا وفضلنا علي كثير ممن خلق وجعلنا مسلمين<!-- google_ad_section_end -->
    كن عالما أو متعلما أو محبا للعلم ولاتكن الرابع


  4. #4

    الصورة الرمزية تامر.محمد

    رقم العضوية : 5118

    تاريخ التسجيل : 01Feb2008

    المشاركات : 11,185

    النوع : ذكر

    الاقامة : Cairo

    السيارة: Megane II 2010

    السيارة[2]: كانت دايو لانوس1 99 - وزة :)

    دراجة بخارية: none

    الحالة : تامر.محمد غير متواجد حالياً

    افتراضي -

    ادعي لهم صح

    و لو اني مش متفائل خالص من اللي انت بتحكيه
    :(

    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]


  5. #5

    الصورة الرمزية AmatoALLAH

    رقم العضوية : 57682

    تاريخ التسجيل : 02Jan2010

    المشاركات : 995

    النوع : انثى

    الاقامة : القاهرة

    السيارة: مافيش تاني :)

    السيارة[2]: Gen 2

    دراجة بخارية: :)

    الحالة : AmatoALLAH غير متواجد حالياً

    افتراضي -

    الصراحه من وصفك لاهل العريس مش هقول الا الله يكون في عون العروسه و يطلع زوجها غير اهله

    و الموضوع مش موضوع تكبر خالص , لان لااااااااااااازم يكون فيه تكافؤ اجتماعي بين الزوجين و انا مش بتكلم عن التكافؤ المادي لا التكافؤ الاجتماعي

    و نفسي بجد نشطب الجمله دي من حياتنا

    و رغم ان العروسه نفسها متقبله العريس (من مبداء انها كبرت و ضل راجل و لا ضل حيطه )
    انا حاسه ان الجمله دي هي سبب كتير من الاسر المشتته اللي بنشوفها دلوئتي

    مش عارفه اقولك ايه بس البنت دي شكلها كده لسه ماشفتش حاجه


  6. #6

    الصورة الرمزية khaled_sabry

    رقم العضوية : 30583

    تاريخ التسجيل : 20Jan2009

    المشاركات : 2,294

    النوع : ذكر

    الاقامة : Egypt - Cairo , Canada - Alberta

    السيارة: Toyota Corolla 1978 ,Peugeot504 1983, Peugeot 406 2006,kia pride 2000,chevrolet traverse 2009,Mazda3

    السيارة[2]: BMW 320i 2002,BMW X5 2007,BMW X5 F15 2014

    دراجة بخارية: نفسى اتعلم سواقتها

    الحالة : khaled_sabry غير متواجد حالياً

    افتراضي -

    اقتباس المشاركة الأصلية كتبت بواسطة تامر.محمد مشاهدة المشاركة
    ادعي لهم صح

    و لو اني مش متفائل خالص من اللي انت بتحكيه
    :(
    ربنا يوفقهم
    بس انتا مش متفائل من ناحيه ايه بالظبط ... ماتخفشى قول عادى لأنى انا كمان مش متفائل و ندمان على اللى حصل


  7. #7

    الصورة الرمزية kar!m

    رقم العضوية : 7018

    تاريخ التسجيل : 06Mar2008

    المشاركات : 6,388

    النوع : ذكر

    الاقامة : Cairo

    السيارة: Mercedes C200

    السيارة[2]: Golf MKII

    دراجة بخارية: Honda CBR 400 FireBlade

    الحالة : kar!m غير متواجد حالياً

    افتراضي -

    حضرتك كنت سبب فى شىء اراده الله عز وجل .. أهم حاجه الزوج يكون كويس و يكونوا متفاهمين .. أنا منكرش ان لازم يكون فى تقارب فى المستوى الاجتماعى .. انما فى ناس نشأوا فى بيئات متواضعة .. و هو أراد انه يكون انسان كويس و راقى و سعى لكده و نجح فيه .. و الله أعلم ممكن هما الاتنين يسافروا بره أو يكون اختلاطهم قليل .. و الأهم ان الزوج نفسه تكون شخصيتة كويسة و يحط حدود لتدخل الاخرين فى حياتة.

    القران الكريم بجودة صوت عاليه جدا
    http://www.nilemotors.net/Nile/230790-a.html


  8. #8

    الصورة الرمزية n_i_t_e

    رقم العضوية : 59278

    تاريخ التسجيل : 18Jan2010

    المشاركات : 532

    النوع : ذكر

    الاقامة : Alexandria

    السيارة: لا يوجد

    السيارة[2]: Scoda Octavia A5

    الحالة : n_i_t_e غير متواجد حالياً

    افتراضي -

    متلومش نفسك...ده نصيبهم فى الأخر. و انت كانت نيتك سليمة.

    بس بجد حكاية صعبة أوي... أنا فعلا زعلان ليها :(
    ان شاء الله خير طالما هى متقبلاه و ربنا يوفق ما بينهم ان شاء الله. طالما قابلين بعض كل الحاجات دي هتروح و لو صاحبك من جوه طيب هيبقوا مبسوطين...ممكن هى تعلمه الشياكة و تشده لمستواها و ده سهل لو بيحبوا بعض. أهم حاجة بس انه تكون أخلاقه كويسة و بيحبها و هما هيتأقلموا مع بعض

    Bad dreams in the night.
    They told me I was going to lose the fight.
    Leave behind my wuthering, wuthering Wuthering Heights


  9. #9

    الصورة الرمزية party_0000

    رقم العضوية : 45210

    تاريخ التسجيل : 21Aug2009

    المشاركات : 1,528

    النوع : ذكر

    الاقامة : haram hill

    السيارة: IT Was BMW 320-2010

    السيارة[2]: corolla-2002

    دراجة بخارية: h

    الحالة : party_0000 غير متواجد حالياً

    افتراضي -

    قدر الله وماشاء فعل هيا هتكيف حياتها عليع طول ماهو انتا بتقول انه انسان كويس ومتعلم وربنا يهدي سرهم

    الحمد لله رب العالمين - اللهم اني لاأسالك رد القضاء ولكني أسالك اللطف فيه -


  10. #10

    الصورة الرمزية khaled_sabry

    رقم العضوية : 30583

    تاريخ التسجيل : 20Jan2009

    المشاركات : 2,294

    النوع : ذكر

    الاقامة : Egypt - Cairo , Canada - Alberta

    السيارة: Toyota Corolla 1978 ,Peugeot504 1983, Peugeot 406 2006,kia pride 2000,chevrolet traverse 2009,Mazda3

    السيارة[2]: BMW 320i 2002,BMW X5 2007,BMW X5 F15 2014

    دراجة بخارية: نفسى اتعلم سواقتها

    الحالة : khaled_sabry غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة amatoallah مشاهدة المشاركة
    الصراحه من وصفك لاهل العريس مش هقول الا الله يكون في عون العروسه و يطلع زوجها غير اهله

    و الموضوع مش موضوع تكبر خالص , لان لااااااااااااازم يكون فيه تكافؤ اجتماعي بين الزوجين و انا مش بتكلم عن التكافؤ المادي لا التكافؤ الاجتماعي

    و نفسي بجد نشطب الجمله دي من حياتنا

    انا حاسه ان الجمله دي هي سبب كتير من الاسر المشتته اللي بنشوفها دلوئتي

    مش عارفه اقولك ايه بس البنت دي شكلها كده لسه ماشفتش حاجه
    انتا جبت بالظبط اللى فى نفسى
    انا نفسى لقلة خبرتى العمليه ماكنتش اعرف مستوى اهله و كنت متخيلهم انهم من مستوى (المعلمين المجدع زى مستوى فريد شوقى فى سوق الخضار)
    بس لما شوفت اهله فى جلسة التعارف حسيت بالفرق ...رغم ان اللى كانو جايين والد ووالدة العريس بس
    لكن لاقيت والده فى وسط الكلام بيتكلم على اخوه (عم العريس) و ازاى مراته طردته من الشقه لأنها كانت مكتوبه بأسمها .. و بيتكلم عادى كأنه موقف طبيعي رغم ان الناس دول اول مره يشوفهم
    و تانى مره لما شوفتهم و كان عزومه من حماتى و اسلوبهم فى الاكل .. مش طالب اسلوب لدرجة شوكه و سكينه بس طريقة الاكل بكف الايد دى صعبه اوى
    وكل ده و العروسه شايفه و موافقه علشان تخلص ... حماتى اللى كانت معترضه
    و انا لما لاقيت قبول من العروسه و قبول من مراتى فاثرت على حماتى للموافقه
    وده اللى تاعبنى انى ساهمت فى الموضوع



 
صفحة 1 من 10 1 2 3 4 5 6 ... الأخيرةالأخيرة

المواضيع المتشابهه

  1. تعالى اقولك تعمل ايه لو ... رميت على حد !!
    بواسطة hosamsief في المنتدى المنتــــــدى الاجتمــاعى
    مشاركات: 21
    آخر مشاركة: 20-04-2012, 04:49 AM
  2. ازمة بنزين لا ازمة ضمير
    بواسطة aboomar22 في المنتدى المنتــــــدى العـــــــــــام للسيــارات
    مشاركات: 10
    آخر مشاركة: 27-09-2011, 07:17 PM
  3. دماغى حتشت و حاسس انى رميت فلوسى فى الارض
    بواسطة dedo2010 في المنتدى قســـم الصوتـــيات
    مشاركات: 12
    آخر مشاركة: 19-03-2011, 06:44 PM
  4. عربيتى اختى اتسرقت
    بواسطة mshaheen1 في المنتدى المنتــــــدى العـــــــــــام للسيــارات
    مشاركات: 59
    آخر مشاركة: 29-01-2011, 05:27 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2