الموضوع: ارجو المساعدة

المشاركة الأصلية كتبت بواسطة MMamdouh

يا جماعة عشان بس محدش يتحرق ولا تجرالة مصيبة و هو بيعمل القصة دى:

اولا محدش يفتح غطاء القربة و المراوح شغالة ولا والعربية سخنة... ميه التبريد بتبقى تحت ضغط عشان ترفع درجة الغليان عن 100 درجة فا لو حد فتح القربة الضغط حيقل فورا و فى ساعتها المية حتغلى و حيحصل فوران لمية التبريد و تندفع من فتحة القربة و ممكن تحرق اى حد قريب من العربية... اللهم بلغت... اللهم فاشهد

الطريقة الصح هى:

1- امل القربة مية و العربية باردة تماما و مطفية
2- دور العربية
3- زود مية طول ما انت شايفها بتنقص من القربة... دا لان المية بدات تملا الرادياتير و البلوك و الخراطيم
4- اول ما الميه تثبت عند مستوى معين و متنقصش اقفل غطاء القربة
5- سيب العربية دايرة و اكبسلها كام مرة بنزين عشان تسخن بسرعة
6-مراوح التبريد حتشتغل لما حرارة المية توصل 92
7- اول ما المراوح تبطل افتح غطاء القربة حتلاقى صوت تنفيس هوا طلع
8- زود مية لو الميه نقصت عن علامة الMAX
9- اقفل القربة
10-يفضل اعادة الخطوات من 6 الى 9 مرة تانية للتاكد تماما من ان كل الهوا طلع من دورة التبريد

انا مش مسئول لو حد عمل اى حاجة تانية غير كدة و حصلة اضرار لا قدر الله

MMamdouh

يعنى افضى الميه كلها الاول من الطبه او الجزره وبعدين اقفل الطبه تانى وابداء بالخطوه الاولى