Skoda A5 2006 Automatic

السلام عليكم

ان شاء الله تكونوا بخير. انا الحقيقه لسه شاري سكودا a5 موديل 2006 أتوماتيك. الحقيقه عندي شويه ملحوظات يا ريت حضرتك تساعدني في تفسيرها و كمان حلها لو أمكن.

1- التكييف بكره تاتش و الحقيقه البكره ديه بتعلق بمعني ان ممكن أجي اقلل قوه المروحه أو اطفي التكييف ال بيحصل ان المؤشر بيزيد و أحيانا بيقل و بعض الاحيان بيطفي...بس بصراحه بيغلبني و كنت عاوز اذا كان في حل للزرار ده و لا لأه ؟

2- التكييف بزات في الحر مش بيبرد اوي و بياخد وقت كتير علشان يبتدي ينطق و الحقيقه انا مش عارف اذا كان محتاج شحن فريون و لا لأه ؟ و لو اه يا تري ممكن أعمل الشحن برا عند بتوع التكييف و يا ريت تنصحني بحد!

3- بالنسبه للفتيس انا بحس بنتشه كدا بس جامده لما الفتيس بينقل من غيار لغير بالذات علي السرعات الخفيفه (اول و تاني) فهل ده طبيعي و لا محتاج أعمل حاجه ...العربيه عامله 136 الف و صاحب العربيه أكدلي انه غير زيت الفتيس مرتين عند 60 و مش عارف امتي تاني؟

4- الحاجه الاخيره انا بحس برجه كدا في العربيه بين سرعه 60 و 80 . يا تري ممكن يكون ايه سببها و يا تري حلها ايه ؟

5- لو عاوز اركب كاميرا خلفيه علشان الركنه و كمان جهاز أنذار يا تري يركبوا عند كهربائي عادي و لا لازم حد معين ؟
أرجو الاهتمام و أشكر كل من ساهم في الرد

................................

استخدام الأحرف اللاتينية (الانجليزية) في كتابة اللغة العربية مخالف للقاعدة رقم 6 بند "ب".

يرجى مراجعة قواعد المنتدى


مشرف الساحة
٣أ

عليكم السلام..
1-بكره التكييف مشكله منتشره الى حد ما فى الاوكتافيا ..اسأل ممكن تكون بتتصلح و ممكن تكون بتتغير ..بصراحه معرفش
2-مبدئيا ..اتاكد ان درجه الحراره مظبوته على 16 ..تانى حاجه اتاكد ان الهواء الى طالع بارد ...ممكن يكون فلتر التكييف عاوز يتغير ..وممكن عاوز يتشحن ..اعمله عند حد بتاع تكييف سيارات يكون "فااااااااااااااااااهم"
3-نتشه ..همممم ..وهى العربيه بارده ولا فى اى وقت ؟؟
وبين الاول و التانى بس ؟؟ ولا كل الغيارات ؟؟
4-رجه وانت دايس بنزين ..لما تشيل رجلك بتروح ؟؟
ولا رجه فى الدركسيون فقط ؟؟
5-حد فاهم و متخصص و ميكونش فتاى

فعلا حاول تروح لحد فاهم ويستحسن لو الوكيل بياخد كشف شامل ب285 جنية

اولا اشكرك علي الاهتمام و الرد
بالنسبه للفتيس الناتشه بتكون عند الاول و التاني و بعدين معدل التسارع حاسس انه بطيء و احيانا لازم ادوس علي البنزين دوسه جامده شويه علشان العربيه تجري...بالنسبه للتكييف بصراحه انا حاسس انه في فرق رهيب عن النيسان صني ال 1300 ال كانت معايه ...يعني النيسان علي الدرجه الاولي و بعد خمس دقايق بسقع !!

بالنسبه للرجه بتكون و انا دايس بنزين و هيه في العفشه او العربيه عموما و مش في الدريكسيون.

أشكرك شكر جزيل

عمتا اى عربية مستعملة لازم يكون فيها حاجات ليها عمر افتراضى ولازم تتغير علشان كده صدقنى وديها التوكيل وهتخسر 285 بس هتكسبهم فى حاجات تانية على الاقل مفيش ميكانيكى هيضحك ولا هيزود عليك
بل بالعكس المفروض الميكانيكى لما تجبله التقرير يختار حاجات ويسيب حاجات من اللى عاوزة تتغير
لان التوكيل بيغر اى حاجة حتى لو بسيطة