الموضوع: a113 حلم الشباب يتحقق ..... الجملة دى صحيحة بالفعل

ما هو كان كله تفاؤل بس حاسة انكوا احبطوه شوية او حسستوه بالذنب عشان قرر يجيب العربية دي
ع العموم حصل خير

والله أبدا .. أنا عن نفسي أول ما قرأت كلامه لاقيته بيسب ويشتم اللي معترض على السيارة دي وده طبعا كلام مش مطلوب
يعني أخونا في الله مامادو يقول رأيه أوك بس يشوش على أراء الأخرين ويسخر منها ده بأه سوري يعني عن نفسي مأرضهوش لي حتى رديت عليه وبقوله أبأه شوفها وجربها بعد كام كيلو
ويا سيدي ربنا يباركلك فيها هو أحنا حنكرهلك الخير ؟؟؟؟
وربنا يطرحلك فيها البركة
ومتطلع قرعه وتطلع حمرا إن شاء الله

العضو مامادو عمل عضويته امبارح الساعة 2:20 بعد منصف الليل و اول مشاركة له كانت الساعة 2:29 و بيقول فيها

(
السلام عليكم انا عاوز انزل اشترى عربي ومش عارف اجيب ايه

بس لما روحت المعرض اتفرج على العربية لقيت شكلها حلو فاتها جميلة جدا بس انا دة كلو مش يهمنى انا عاوز حد يكون جربها ويقولى بامانة اشترى واتوكل على الله ولا اجيب ايه بدلها فى حدود 50 الف جنيه )

http://www.nilemotors.net/Nile/showt...751#post236751

المهم ان محدش من الأعضاء رد على تسأله بالسلب او الأيجاب

تانى مشاركة على طول كانت امبارح بالليل الساعة 11:03 مساء و بيقول فيها

(مين قال كدة اقسم بالله انا لسة جاى من المعرض لانى كونت بحجزها العربية يا اخونا زاى الفل
وكمان دورنا العربية طول ما كونا بنكتب العقد والعربية تحفة وولدى اساسا شغال فى العربيات وعجبته جدا غير كمان لما وريته كلام هنا عن العربية وفى منتديات تانية كتير وقولتلو انت بتسترخص يابابا قالى بص انت لسة اول مرة تركب عربية جديدة لو كونت ركبت جديد قبل كدة
هتعرف قيمة العربية دى قالى الدايو اول ما نزلت كانت كل الناس تعارضها بشدة وتقول حد يجيب دايو دلوقتى العربية الاولى فى مصر وكمان قالى الفرينا قالى دى لسة نازلة من سنتين كونت تقول لحد فيرنا يقولك لا دى ورق دى بليستك والحورات دى غير ان كمان ضربلى مثال فى عربية بروتن جين 3 قالى العربية دى اول ما نزلت كل الناس قعدت تقول يع وايه دة هتركب عاربيا ماليزى دى ورق دى هتقف منك بعدها بسنة قالى اسئل اى شاب نفسك تركب ايه هيقولك جين 2

هذا هو حال الاسبرانزا a113 عربية اكثر من رائعة من كل الموصفات الى فيا والاوبشن

اتكلمتو ان الشنطة صغيرة هو الى هيسافر هيحط معاه فيها جمل

قولتو ان العربية واطية اما دى واطية نقول على الدايو والفيرنا والماتريكس اييييييييييييييييه

قالو ان الفتيس بتاع الغيرات بينطر ورخم وانت بتغير


ههههههههههههههههههههههههه هه

وهى مش دايرة من غير دبرياش زاى السكينة فى الحلاوة اقسم بالله انا استحقرت كل واحد قال ان العربية دى وحشة

العربية تحفة يا اخونا كفايا انها العربية الاولى الى لما بتشغل التكيف مش بتتقل عزم الموتور

احنا دايو نبقى ماشين زاى الفل نشغل التكيف تحس انك راكب وزة عارجة لما ركبتها مع صحبى
a113 ومشينا وشغلت التكيف على اعلى شئ فيها انا حسيت ان التكيف خلى العربية تسرع
ههههههههههههههههههههههههه ههههههههههه


كفاية كدة وبعد ما استلم ليكم عندى كل شئ بس العربية مبدئيا تحفة تحفة تحفة)

http://www.nilemotors.net/Nile/showt...928#post237928

عندى بقى كام سؤال

1 - مش غريبة انك لسه بتتسأل عن العربية و فى اقل من 24 ساعة كنت حاجزها؟ مش مهم يا سيدى يمكن سألت بره
2 - فى اول مشاركة سألت الأعضاء عن رأيهم و محدش رد، ليه بقى فى تانى مشاركة بتغلط فى الأعضاء و "بتستحقر" اللى قال ان العربية وحشة، و متقوليش الكلام مش موجه للأعضاء لأنك فى نفس المشاركة استخدمت كلمات زى "اتكلمتوا" و " قولتوا"


بصراحة انا شايف انك داخل على المنتدى دخلة غريبة و غير مفهومة و بالبلدى كده "جر شكل" و اتمنى ان ظنى يكون مش فى محله و عليك انت انك تثبت حسن النية و توضح موقفك