ياريت اى حد جرب العربيتين يكلمنى عنهم خصوصا الثبات واستهلاك الوقود وايهما افضل ومعمر اطول وشكرا لكم جميعا
عرض للطباعة
ياريت اى حد جرب العربيتين يكلمنى عنهم خصوصا الثبات واستهلاك الوقود وايهما افضل ومعمر اطول وشكرا لكم جميعا
بسم الله ماشاء الله عليكم كام سؤال فى هذا المنتدى ولالالالالالالالالالالالا لالالالالالالالالالالالال الالالالالالالالالالالالا لالالالالالا تعليق
اشكركم جزيلا
نوبيرا 2 عشان عربيتي
ماتريكس طبعا أوسع و مريحة و ملهاش أعطال تقريبا و قطع غيار رخيصة و إعادة بيع بسهولة و أحدث و موتور أقوى
هكلمك على النوبيرا عشان معايا
قطع غيار متوفرة .. ثبات عالي و استهلاك زي بقيت العربيات
واسعة .. اعتمادية من الدرجة الاولى .. عائلية و بتاعة سفر
مطلوبة في عملية اعادة البيع .. وماسكة سعر كويس
طبعا الماتركس تكسب بقل ثقة
السلام عليكم
طبعا بالنسبه للعربيتين مش هاينفع نقول دي سعر إعادة البيع مضمون و التانيه نقول لأ دي قطع غيارها متوفره
لأن طبعا العربيتين شبه بعض في حاجات كتير جدا يعني معظم أوجه المقارنه نتيجتها ولحده
لكن فيه مميزات بسيطه لكل واحده منهم
فيه ناس بتحب شكل النوبيرا عن الماتريكس (حضرتك مين فيهم)
فيه ناس بتفضل توكيل هيونداي (و أنا منهم و لي معاه تجارب عديده و نتيجتها مرضيه جدا) و بيكهوا توكيل دايو
فيه ناس بتفضل الأتساع الرهيب للماتريكس مقارنة بالنوبيرا
ثبات العربيتين متقارب جدا مع إن شكل الماتريكس مختلف
الماتريكس ممكن تركب منها الأوتو أما النوبيرا منصحش حضرتك بيه
أقل سعر تقدر تجيب بيه ماتريكس نضيفه و كيلو قليل تقدر تجيب بيه نوبيرا كالزيرو و موديل أعلي
شنطه النوبيرا أوسع من الماتريكس
أما ققطع غيار و مصنعيات فيعتبروا واحد
أنا ركبت الأتنين فترات طويله
بأرتاح في الماتريكس أكثر من النوبيرا (راحه نفسيه )
لو هاختار هاختار الماتريكس
إستهلاك البنزين في الماتريكس حوالي 12 لتر في المتوسط لكل 100 كم
الماتريكس والنوبيرا الاتنين حلوين بصراحه
الوسع الداخلى الماتريكس أوسع لكن مش بدرجه رهيبه مقارنه بالنوبيرا يعنى !!
نتكلم ف مسأله الاذواق
انا واحد من الناس بكره ان عداد السراعه يكون فى نص التابلوه ودى حاجه مستفزه جدا ف الماتريكس بينما ف النوبيرا ف ا لنص عادى زى باقى العربيات
شكل الماتريكس ( او كما يسميها بعض الناس ) المكوه شكلها مستفز بالنسبالى جدا .. طبعا دى مسأله اذواق
الثبات بصراحه النوبيرا الثبات بتاعها بيعملى دماغ ! ماشاء الله ثباتها جبار .. انا مجربتش بتاع الماتريكس ولكن اللى اعرفه انه اعلى من الماتريكس
اشكرك والله من كل قلبى
وعايز اقولكم انى معاق وهستلم عريه الكام يوم الجين دولت
معروض على ماتريكس_ لافيتا) كورى 2001 بسعر 37 الف جنيه ومعروض على نوبيرا 2 بسعر 28 الف جنيه
وعلى فكره ان نواى اجيب اوتوماتيك مش منيوال لانى تعبت من المنيوال وبيجهدنى
ياترى ترشحولى ايه انهو الافضل وكما مين يكسب فى فرق اعادة البيع
وشكرا على المرور والتعليق
توكل علي الله في الماتريكس عربيه مريحه جدا جدا في السواقه و أوسع من النوبيرا و أنا شفت اللافيتا اللي بتيجي من بورسعيد مع جار لي و العربيه كخامات و كتقنيه أفضل من المصري بكتير
و فيها جميع وسائل الأمان اللي مش موجوده عندي
و هي بتبقي تقريبا بالموتور ال1500 الأسود
و بتبقي بإسبويلر مدمج خلفي
و جنوط هيونداي أصليه
الشبكه السوداء
و العربيه دي (اللافيتا)منتشره جدا في قسم هيونداي و كلنا إن شاء الله نساعدك فيها
و بالنسبه لإعادة البيع أكيد اللافيتا هاتبقي أعلي من النوبيرا و سوقها هايبقي أفضل من الماتريكس العاديه
و أتمني من الله أن يوفقك