مازدا 3 ولا ميجان (2008-2009)

السلام عليكم, أنا بادور على عربية مستعملة في حدود ال 100 ألف جنيه (أقل شوية أو أكتر شوية) وتكون مش أقل من مو2008 ومش ماشية كتير وحالة جيدة وتكون هاي لاين. بعد البحث والتدقيق أنا دلوقتي رسيت على مازدا 3 و رينو ميجان. العربيتين كويسين. الميزة الأساسية في الميجان واسعة وليها هيبة كدة وسعرها مستعمل حلو جدا نتيجة نظرة المصريين للفرنساوي. بالنسبة للمازدا فا عربية شيك وشكلها حلو وياباني صميم وسحب حلو وتكييف قوي. وطبعا العيب إنها عربية صغيرة مش زي الميجان. يا ريت كل واحد يقللي وجهة نظره لو هوا مكاني يختار أنهي واحده. ومحدش يقللي حسم إحتياجاتك, اللتنين يكفو إحتياجاتي ويزيدو :). يعني أنا عايز رأي بعد تقييم العربيتين من جميع النواحي

ولو في حد شايف عربية تانية فالحدود يه و هاي لاين يقوللي بس بلاش الكوري وشكرا

يعني لو حضرتك تقدر تتغاضى عن صغر المساحة الداخلية الخلفية للمازدا(اللي مش عاملة مشكلة اوي يعني) يبقى ارشحلك المازدا

اقتباس:

---

المشاركة الأصلية كتبت بواسطة bero0o0o0

يعني لو حضرتك تقدر تتغاضى عن صغر المساحة الداخلية الخلفية للمازدا(اللي مش عاملة مشكلة اوي يعني) يبقى ارشحلك المازدا

---

+11111

آدي صوتين للمازدا. ها مين تاني. سامع صوت ورا بيقول ميجان؟:11:

مقارنة صعبة جدا

انا معايا الاتنين و بصراحة مش عارف اننحاز لاى واحدة

الموضوع بيعتمد عليك و على استعمالك للعربية شكلة اية

اقتباس:

---

انا معايا الاتنين و بصراحة مش عارف اننحاز لاى واحدة

الموضوع بيعتمد عليك و على استعمالك للعربية شكلة اية

---

هي فعلا مقارنة صعبة. طب أخبار عيوب الميجان إيه. يعني هل متوقع إنها كل شوية حاجة تبوظ فيها. يعني الإعتمادية واحدة في الإثنين ولا المازدا أحسن؟

انا ارشحلك مازدا بس عيبها انها ممكن تحك فى المطبات لانها واطية شوية

انما الميجان كويسة بس قطع غيارها ناااار

اقتباس:

---

انما الميجان كويسة بس قطع غيارها ناااار

---

ناااار؟؟؟ يا عم خضتني :azuztao: يعني إيه بكام مثلا؟ يعني أغلى من المازدا بفرق ملحوظ؟

علشان تكون عارف بقا اسعار قطع غيار الميجان بالنسبة للمازدا رخيصة فحت وممكن مش تلاقيى قطع غيار معينه كمان للمازدا

اقتباس:

---

المشاركة الأصلية كتبت بواسطة eslam.elrefaey

علشان تكون عارف بقا اسعار قطع غيار الميجان بالنسبة للمازدا رخيصة فحت وممكن مش تلاقيى قطع غيار معينه كمان للمازدا

---

+1 صح جدا..

اقتباس:

---

علشان تكون عارف بقا اسعار قطع غيار الميجان بالنسبة للمازدا رخيصة فحت وممكن مش تلاقيى قطع غيار معينه كمان للمازدا

---

ما ترسو على بر يا جدعان. مين فيهم قطع غياره أرخص. ولا أفكني من الأثنين

الميجان منتشرة اكتر وارخص اكتر ده بالنسبة لقطع الغيار

قطع غيار الميجان ارخص فعلا واكثر توافرا

أنا دخلت على قسم الميجان وأسعار قطع الغيار ترعب. إنتو متأكدين إن المازدا أغلى؟؟؟؟؟؟؟ في طلمبة بنزين بـ2200 جنية يا عالم!!!!!!!

* ديفــــازور ـــــــــــــــــــــــــ ـــــــــــــــــــــــــ 1250.00 جم
* ديـنــامـــــــو ـــــــــــــــــــــــــ ـــــــــــــــــــــــــ ـــ 2450.00 جم
* طرمبة بنزين ـــــــــــــــــــــــــ ـــــــــــــــــــــــــ 2200.00 جم
* المراية الجانبية+كهرباء+ضم ـــــــــــــــــــ 2150.00 جم
* كابــــــــــــوت ـــــــــــــــــــــــــ ــــــــــــــــــــــــ 2000.00 جم
* شنطــــــــــة ـــــــــــــــــــــــــ ـــــــــــــــــــــــــ ـــ 3000.00 جم
* بـــاب أمــــامى ـــــــــــــــــــــــــ ـــــــــــــــــــــــــ 3350.00 جم
* رفرف أمامى ـــــــــــــــــــــــــ ـــــــــــــــــــــــــ ـــ 1380.00 جم
* رفرف خلفى ـــــــــــــــــــــــــ ـــــــــــــــــــــــــ ـــــ 4200.00 جم
* كارت التشغيل ـــــــــــــــــــــــــ ـــــــــــــــــــــــــ ـــــ 1500.00 جم
*زجاج أمامى ـــــــــــــــــــــــــ ـــــــــــــــــــــــــ ـــــ 1720.00 جم
* زجاج خلفى ـــــــــــــــــــــــــ ـــــــــــــــــــــــــ ـــــ 1980.00 جم

بص يا برنس انا هقولك الكلام من الاخر

قطع غيار الميجان ارخص و منتشرة اكتر بس كاعتمادية اعطالها مش كتير بس اكتر من المازدا

المازدا اعطالها اقل بكتير (تقريبا مبتعطلش الحمد لله)

لو عايز عربية شباب بقى و سبور و جرى و بتاع يبقى مازدا اما لو عايز عربية برستيج و واسعة و اوبشن جامد مفيش زية يبقى ميجان

بس خد بالك الميجان لازم صياناتها تتعمل فى مواعيدها بالساعة عشان لو اهملتها هتزعلك اوى

اما المازدا قشطة يعنى غيرلها زيت و حطلها بنزين و دوس مش هتقولك لا ابدا دة غير ان فيها حتة موتور ابن عفريتة

بس زى ما قالك الشباب واطية شوية لو ركبت فيها اكتر من اتنين ممكن تحك فى المطبات بس على الرغم من كدة عفشتها قوية و مديلها ستابيليتى عالية (بس بردو الميجان ستابيليتى اكتر)

ترشيحى لو عايز عربية بتاعة تنطيط يبقى مازدا لو عايز عربية مواصلات و اوبشن و فخامة يبقى ميجان

انت ممكن تجرب الاتنين و الى ترتاح فية اكتر و لو عايز تجرب المازدا بتاعتى تحت امرك يا بوب راسلنى على الخاص

اقتباس:

---

المشاركة الأصلية كتبت بواسطة mhdside

أنا دخلت على قسم الميجان وأسعار قطع الغيار ترعب. إنتو متأكدين إن المازدا أغلى؟؟؟؟؟؟؟ في طلمبة بنزين بـ2200 جنية يا عالم!!!!!!!

* ديفــــازور ـــــــــــــــــــــــــ ـــــــــــــــــــــــــ 1250.00 جم
* ديـنــامـــــــو ـــــــــــــــــــــــــ ـــــــــــــــــــــــــ ـــ 2450.00 جم
* طرمبة بنزين ـــــــــــــــــــــــــ ـــــــــــــــــــــــــ 2200.00 جم
* المراية الجانبية+كهرباء+ضم ـــــــــــــــــــ 2150.00 جم
* كابــــــــــــوت ـــــــــــــــــــــــــ ــــــــــــــــــــــــ 2000.00 جم
* شنطــــــــــة ـــــــــــــــــــــــــ ـــــــــــــــــــــــــ ـــ 3000.00 جم
* بـــاب أمــــامى ـــــــــــــــــــــــــ ـــــــــــــــــــــــــ 3350.00 جم
* رفرف أمامى ـــــــــــــــــــــــــ ـــــــــــــــــــــــــ ـــ 1380.00 جم
* رفرف خلفى ـــــــــــــــــــــــــ ـــــــــــــــــــــــــ ـــــ 4200.00 جم
* كارت التشغيل ـــــــــــــــــــــــــ ـــــــــــــــــــــــــ ـــــ 1500.00 جم
*زجاج أمامى ـــــــــــــــــــــــــ ـــــــــــــــــــــــــ ـــــ 1720.00 جم
* زجاج خلفى ـــــــــــــــــــــــــ ـــــــــــــــــــــــــ ـــــ 1980.00 جم

---

يا باشا الاسعار دى قديمة جدا و بردو مش غالية اوى يعنى بالنسبة للميجان لان محدش بيشترى الحاجات دى من التوكيل الحاجات دى مغرقة شارع دمشق و الحرفيين و بربع الاسعار دى

و بعدين طرمبة البنزين مبتبوظش اصلا الى بيبوظ الموتور و بيتغير ب 200 جم موتور بوش المانى اصلى فى التوكيل و عمرة ما بيبوظ (انا مغيرة عندى و من غير مايكون الموتور الاصلى بايظ عشان كنت مسافر و مش عايز قلق) اما بالنسبة لطرمبة بنزين المازدا تمنها حوالى 4200 جم بس مسمعناش عن حد غيرها ابل كدة خالص كلة بيغير الموتور بس (دة لو باظ و دة نادرا بردو)

اما كارت التشغيل دة بيتعمل عند ناس كتير اوى برة و مابيزيدش عن 700 جنية زية زى اى مفتاح مشفر لاى عربية فى مصر مفتاح الريموت بتاع المازدا فى التوكيل ب 2000 جم و برة ب 800 جم

اما رفرف الامامى بيتباع بلون العربية فى الحرفيين ب حوالى 500 جنية دة بالكتير اوى محدش بيجيبة من التوكيل

يا جماعة ارجوكو بلاش ظلم للميجان عشان بجد عربية جميلة و الى عايز يستفسر عن اى حاجة بخصوص الميجان ممكن يتفضل يشرفنا فى منتدى رينو الوحوش هناك عاملين مواضيع جامدة جدا عن العربية دى

@pioneerahmed تسلم يا باشا إنت أوجزت وأنجزت :) هو الصراحة بعد الشرح بتاعك أنا محتاج أحط المازدا والميجان مع بعض في الخلاط وأشتري الخليط. منا عاوز شوية من كل عربية. يعني عاجبني وسع وأوبشن وبرستيج وسعر الميجان بس مقلق جدا من حتة:

اقتباس:

---

س خد بالك الميجان لازم صياناتها تتعمل فى مواعيدها بالساعة عشان لو اهملتها هتزعلك اوى

---

أنا مش قد زعل العربيات وباكره مشاوير الميكانيكية والصيانات وبصفة عامة مهمل شوية في العربية. معنديش حاجة اسمها بالساعة. العربية تستنا لحد ماتصعب عليا وأبقى أوديها للميكانيكي :glasses12:

في المقابل المازدا حسب كلام سيادتك:

اقتباس:

---

اما المازدا قشطة يعنى غيرلها زيت و حطلها بنزين و دوس مش هتقولك لا ابدا دة غير ان فيها حتة موتور ابن عفريتة

---

دي حاجة فل أنا أحب العربية اللي مشاكلها قليلة ومتقلش لأ. أديها زيت أديها ميه. تاخد الموجود وتحمد ربنا :grin54: بس مضايقني ضيق مساحتها وصغر حجمها وموضوع إنها تحك والقصص دي. عموما حابقى أعمل استخارة وأشوف دي ودي وربنا يسهل.

اقتباس:

---

و بعدين طرمبة البنزين مبتبوظش اصلا الى بيبوظ الموتور و بيتغير ب 200 جم موتور بوش المانى اصلى فى التوكيل و عمرة ما بيبوظ (انا مغيرة عندى و من غير مايكون الموتور الاصلى بايظ عشان كنت مسافر و مش عايز قلق) اما بالنسبة لطرمبة بنزين المازدا تمنها حوالى 4200 جم بس مسمعناش عن حد غيرها ابل كدة خالص كلة بيغير الموتور بس (دة لو باظ و دة نادرا بردو)

---

أنا غيرت طلمبة البنزين في البولو بتاعتي بـ300جنية. وواحد صحبي عندو فيات بونتو برضو غير طلمبة البنزين. عشان كدة معلمة معايا

خد بالك ان المشكلة دى هتلاقيها فى كل العربيات الاوروبى عشان دايما بتحتاج بنزين 95 و دة مياكلش معانا و دة بيسبب ان الفلتر بتاع الطرمبة بيتسد شوية فبيعمل حمل على شفط الموتور و دة الى بيخلية يتحرق دايما بس لما بتغيرة بماتور المانى بيعد معاك كتيير

الميجان اكثر انتشارا وبالتالي قطع الغيار متوفرة خارج التوكيل

الصيانة كل 10 الاف في حدود 700 - 800 ج ومش هتفتح الكبوت بينهما

الصيانة الكبرى كل 60 الف وبتتكلف 3 الاف ج عشان بيغيروا مضخة المياه

ظهرت بعض المشاكل في البوبينه وبتتغير ب 500 ج الواحدة في التوكيل وبرة ارخص من كده

بتاخد بنزين 90

بعض المشاكل في الحساسات وبتتغير بحد أقصى 500 - 600 ج

كل ده وارد في اي عربية

مافيش مشاكل جوهرية نهائي من الفتيس للإستخدام المعقول

pioneerahmed@

اقتباس:

---

و بعدين طرمبة البنزين مبتبوظش اصلا الى بيبوظ الموتور

---

اقتباس:

---

خد بالك ان المشكلة دى هتلاقيها فى كل العربيات الاوروبى عشان دايما بتحتاج بنزين 95 و دة مياكلش معانا و دة بيسبب ان الفلتر بتاع الطرمبة بيتسد شوية فبيعمل حمل على شفط الموتور و دة الى بيخلية يتحرق دايما بس لما بتغيرة بماتور المانى بيعد معاك كتيير

---

يعني أعتبر الرأي الأولاني متقالش؟

موتور الطرمبة هو الى بيبوظ اما الطرمبة نفسها مفيهاش اى مشكلة و الفلتر بتاعها بيتنضف عادى لانة عامل زى المصفاة مش فلتر مقفول

انت قصدك اية بالراى الاولانى؟

اقتباس:

---

انت قصدك اية بالراى الاولانى؟

---

قصدي: "و بعدين طرمبة البنزين مبتبوظش اصلا الى بيبوظ الموتور"

اقتباس:

---

المشاركة الأصلية كتبت بواسطة mhdside

قصدي: "و بعدين طرمبة البنزين مبتبوظش اصلا الى بيبوظ الموتور"

---

بردو مش فاهم :U_thin1[1]::36_2_49[1]:

أنا حاريحك مني خالص. محدش يمسكني: :hang:

ههههههههه. يا باشا أنا قصدي إنك الأول قولتلي إن طلمبة البنزين عمرها ما بتبوظ. بعدين قلتلي إنها بتبوظ من الرصاص اللي في بنزين 92 و90. عموما إنسى يا باشا وخلينا نكمل حياتنا :worried:

يا باشا انا قصدى الموتور بس هو الى بيتحرق انما الطرمبة نفسها حتة بلاستيك اية الى هيبوظ فيها الا اذا اتكسرت بقى و هى بتتفك دى حاجة تانية

آآآه كده فهمتك. إنت قصدك موتور الطلمبة!!!!! تصدق أنا إفتكرت قصدك موتور العربية. وكنت مش فاهم إزاي موتور الميجان ب200 جنية. دا محصلش موتور مروحة. بس قلت أفوت:Copy of majd(4):

الميجان افضل إختيار بس الأفضل تكون بانوراما هاى لاين عربيه مريحه وفخمة وفرق سعرها عن الفئات الاقل مش كتيير والفتيس ستيب ترونك يعنى لو بتجب الشد والجرى بتخليه على الوضع المانيوال و التوب سبيد ف العداد 250 كلم مريحه جدا جدا وواسعه من هنا للصبح وكل يوم هتكتشف فيها اوبشن جديد وهتحس انها بتفهمك زى البنى ادمين ااايوه مش هزار العربيه فيها 3 انواع من القياده العاديه والاقتصادية والرياضية والعربيه هيا اللى بتحدد نوع القياده من دوسة رجلك على البنزين .....فيه حاجه كده بس تعمل حسابك انها محتاجه اهتمام خاص وصيانه دوريه
الرأى بناء عن تجربه وسيبك من اللى بيقولك قطع الغيار نار والكلام ده طبيعى اللى عايز يركب عربيه فخمه يبقا نزيه فى التعامل معاها ولا يروح يركب 128 مش كده ولا ايه وربنا يوفقك

اقتباس:

---

الميجان افضل إختيار بس الأفضل تكون بانوراما هاى لاين عربيه مريحه وفخمة وفرق سعرها عن الفئات الاقل مش كتيير والفتيس ستيب ترونك يعنى لو بتجب الشد والجرى بتخليه على الوضع المانيوال و التوب سبيد ف العداد 250 كلم مريحه جدا جدا وواسعه من هنا للصبح وكل يوم هتكتشف فيها اوبشن جديد وهتحس انها بتفهمك زى البنى ادمين ااايوه مش هزار العربيه فيها 3 انواع من القياده العاديه والاقتصادية والرياضية والعربيه هيا اللى بتحدد نوع القياده من دوسة رجلك على البنزين .....فيه حاجه كده بس تعمل حسابك انها محتاجه اهتمام خاص وصيانه دوريه
الرأى بناء عن تجربه وسيبك من اللى بيقولك قطع الغيار نار والكلام ده طبيعى اللى عايز يركب عربيه فخمه يبقا نزيه فى التعامل معاها ولا يروح يركب 128 مش كده ولا ايه وربنا يوفقك

---

تسلم ياباشا على التقييم. أنا معاك في كل اللي قولته. بس أنا صرفت نظري عن الميجان عشان سمعتها عن الأعطال. صحيح الكلام ده ممكن يكون إشاعات بس أنا قولت أخليني في السليم. أنا دلوقتي باقارن بين السيفيك والجيتا.

صعبانة عليا الميجان بسمعتها عن الاعطال دي

اانا واحد برضه نفسي فيها ومرعوب من الي بسمعه عنها وشكاوي الناس وشرائها صعب

اقتباس:

---

المشاركة الأصلية كتبت بواسطة Mahmode

السلام عليكم, أنا بادور على عربية مستعملة في حدود ال 100 ألف جنيه (أقل شوية أو أكتر شوية) وتكون مش أقل من مو2008 ومش ماشية كتير وحالة جيدة وتكون هاي لاين. بعد البحث والتدقيق أنا دلوقتي رسيت على مازدا 3 و رينو ميجان. العربيتين كويسين. الميزة الأساسية في الميجان واسعة وليها هيبة كدة وسعرها مستعمل حلو جدا نتيجة نظرة المصريين للفرنساوي. بالنسبة للمازدا فا عربية شيك وشكلها حلو وياباني صميم وسحب حلو وتكييف قوي. وطبعا العيب إنها عربية صغيرة مش زي الميجان. يا ريت كل واحد يقللي وجهة نظره لو هوا مكاني يختار أنهي واحده. ومحدش يقللي حسم إحتياجاتك, اللتنين يكفو إحتياجاتي ويزيدو :). يعني أنا عايز رأي بعد تقييم العربيتين من جميع النواحي

ولو في حد شايف عربية تانية فالحدود يه و هاي لاين يقوللي بس بلاش الكوري وشكرا

---

المازدا 3 افضل لألاسباب التالية :
-عفشة خلفية muktilink عالية التقنية
-ثبات رائع بسبب العفشة السابق ذكرها
-اعتمادية اعلى من الميجان و كذلك اعادة البيع

اقتباس:

---

صعبانة عليا الميجان بسمعتها عن الاعطال دي

اانا واحد برضه نفسي فيها ومرعوب من الي بسمعه عنها وشكاوي الناس وشرائها صعب

---

للأسف دا صح. نسبة الأعطال فيها كبيرة. ومش بس الميجان دا حتى الفلوينس الجديدة فيها كام مشكلة كدة واخل قسم الرينو وبص. فا على إيه. الواحد عاوز عربية تريحه. مش تعذبه.

علي فكرة هي مشكلة الميجان مينفعش تتبهدل زي الفيرنا واللانسر والعربيات المعتادة ... معتقدش انت هتركب عربيه بالمميزات دى عشان تبهدلها وناس بتشكر فيها وناس بتعيب عليها
بس هي راحة نفسيه وغالبا الي بيعيب ممتلكهاش

في عربيات كتيره جدا بيتشكر فيها من الكل بلا استثناء وتشتريها متعجبكش ودة عن تجربة

اعتقد المازدا تكسب في الاعتماديه واعادة بيع بس تقريبا

وانت قلت بنفسك ان الميجان اوسع واكبر وفخامة افضل وبعدين فيها امكانيات انا نفسي حد يفهمني فئاتها ولا كمالياتها بالكامل لاني بسمع
مرايات ضم - 8 ايرباج - جنوط 16 - حساسات مطر وضوء - مثبت سرعة - فتيس ستيبترونيك - كارت تشغيل - كاسيت سي دي - مرايات تعتيم ذاتي - ثباتها ممتاز وعدادها 250 - فتحة سقف بانوراما ودي تحفة في رأيي

اعتقد لسه في امكانيات تانية انا لسه معرفتهاش .. بس تفتكر الامكانيات دي انت شوفتها فين في عربيه تحت ال200 الف جنيه غير الباسات مثلا

ومن رأيي الشخصي ليك لو ميال ليها وخايف عشان سعر اعادة البيع
اعتقد اني بشوف 2007 2008 فحدود 80 الف او اقل وبعد 3 سنين هيبقي سعرها 70 او اقل

اعتقد دة نفس سعر المازدا حاليا 2007 2008 من 75 ل85 كحد اقصي

يعني في جميع الاحوال هتنقص عن المازدا في حدود5 او 6 الالاف في البيع المهم المحافظه

اما لو ميال للمازدا يبقي اتمتع بقيادتها فعلا وشد وجري وغرز وكل الي انت عاوزه بس هات الجديده اخر فئه وطبعا هيبقي في فرق سعر عن الي ذكرته سابقا فحدود 40 50 الف

امتلك مازدا 3 وفى نفس الوقت سقت ميجان حوالى شهرين على 3 مرات بس كانت ايجار

كوسع

الميجان اوسع من المازدا 3 سواء فى الكنبة اللى ورا او الشنطة

كشياكة

الاتنين شيك ، لكن بحس ان الميجان اشيك فى التصميم الخارجى والمازدا اشيك فى التصميم الداخلي

لو كلمنا عن التكييف

المازدا 3 افضل بمراحل من تكييف الميجان ، ده غير كمان زرار منع دخول الهوا من بره ، الحقيقة افضل فى المازدا لانه فعلا بيمنع دخول اى روايح او غبار او عادم داخل العربيه لكن الميجان كنت بحس ان نسبة من عادم السيارات التانية بيدخل للكابينة

الفتيس الاتوماتيك فى المازدا افضل ونقلاته انعم من الميجان

كفرامل الميجان افضل من المازدا ، ولكن فرامل المازدا ممتازة برده لكن كنت بحس الميجان اقوى

كمتعة قيادة الاتنين حلوين الحقيقة

كراحة ، الحقيقة ميجان اريح فى السفر من المازدا ، السبب ايه معرفش

اعتمادية مازدا 3 عاليه جدا وأعطالها لاتذكر بس الميجان معنديش فكره

توافر قطع الغيار والصيانات ، مقدرش افيدك

استخير والعربية اللى حالتها احسن وانضف اشتريها ، اى كان الاختيار لان الاتنين صفقة رابحة باذن الله