الموضوع: احقاقا للحق .. وعشان كل واحد ياخد حقه ..انا لى تجربه جيده مع غبووور

اسوء مراكز للخدمات فى الدنيا كلها

روحتلهم كان عندى مشكلة الفتيس فى الغيار ال 3 بس نفس مشكلتك كدا

منتهى عدم الاعتناء بصراحة قالى بكل بساطة للاسف مش هنقدر نبصلك عليها دلوقتى
لان العربية ما بتبانش فى الوقت دا خالص ممكن نفكر نتكرم ونتعطف عليك ونبصلك عليها بعد ال 5000
وطبعا منتظر ال 5000 علشان يتعطفوا ويتكرموا عليا

بالاضافة للسرقة والنهب فى قطع الغيار

دول بجد ربنا يهديهم وليا تجربه فى الهياكل معاهم هبقى انزل موضوع مستقل عنها
بس ربنا ييسر الحال واستلم العربية تاننى الاول واكمل التجربة المشئومة للاخر

المشاركة الأصلية كتبت بواسطة ezzeldin1234

الاخوه الافاضل .. شاهدت الكثير من الناس هنا فى هذا المنتدى وفى منتديات اخرى يهاجمون غبور لسوء المعامله من قبل موظفيه وانخفاض كفاءة الفنيين ..وانا لى تجربه مع غبور جيده سوف اسردها لكم حالا ولكن قبل ان اسردها ارجوا من الناس اللى كانت بتهاجم غبور الا يعتبروا ذلك هجوم عليهم او يعتبرونى انى بغلطهم ولكن للامانه رأيت انه من الواجب على ان نقول ما له وما عليه وهذه هى تجربتى مع غبور باختصار

اشتريت من ثلاثة اشهر فيرنا مانوال فول اوبشن موديل 2011 زيرو
لاحظت انفى صوت زنه او ونه مع الغيار الاول فقط تختفى مع باقى الغيارات
انتظرت لما رحت صيانة الالف سالتهم عليها قالولى هنشوفها وبعدين لما خلصوا لاقتها زى ما هى فسالت قالولى دى زنه عاديه هتروح مع الوقت
مقتنعتش وسالت ميكانيكى مخضرم جدا كان بيصلحلى العربيه القديمه وسمعته الصوت قالى ده فتيس خشن وفيه مشاكل
حجزت صيانه ولما رحت طلبت اقابل مدير الصيانه شخصيا
طلع معايا الراجل وجرب العربيه .. وبعدين بكل ادب واحترام وشياكه قالى العربيه دى هيتغيرلها فتيس
وقالى سعتك هتسيبلنا رقم تليفونك وهنبعت نجيب فتيس من كوريا لاننا معندناش دلوقتى
بصراحه انا قلت بيشتغلنى وبعد ما امشى هيقولى معرفكش
انتظرت
بعد تلات اسابيع بالظبط اول امبارح لاقيت حد بيكلمنى بيقولى اتفضل تعالى تغير لك الفتيس بكل ادب واحترام وشياكه مكنتش مصدقها
رحت لاقيتهم حاجزين فتيس فعلا باسمى والمهندس استقبلنى بكل شياكه بدون ولا كلمه وخد منى العربيه ودخلها الورشه وطلعت اخر اليوم بالفتيس الجديد فتيس ميه ميه وكل الاصوات اللى كانت بتصدر من التفيس راحت مش موجوده فيه .. شكرتهم جدا جدا جدا ومشيت بس كنت مستغرب وبقول نفسى ما الناس محترمين اهوم اومال ليه فى ناس بتشتكى منهم

هذه تجربتى بكل امانه مع غبوور عشان كل واحد ياخد حقه

وشكر ا

بس حضرتك ماقلتش هو ده توكيل قليوب واللا ابو رواش