الصور مش راضية تفتح عندي
لو في حد عندو حل للموضوع ده ياريت يفيدنا
او يتم اعادة رفع الصور من جديد
عرض للطباعة
الصور مش راضية تفتح عندي
لو في حد عندو حل للموضوع ده ياريت يفيدنا
او يتم اعادة رفع الصور من جديد
تمـــــــــــــــــــــــ ــــــــــــــــــام
سؤالى لحضرتك :: حضرتك جبت الاوبترا المانوال ممكن تقولى النصيحة
اشترى مانوال ولا اتوماتيك لانى محتار جدا جدا و خلاص هشترى
و طلبتها مانوال لكن لو فى مزايا اضافية فى الاتوماتيك بخلاف الجير
يبقه اشتريها اتوماتيك
و شكرا لتعاونكم
مفيش اي مميزات اضافيه غير الجير الأوتوماتيك + فوانيس الشبوره (ودي ممكن تركبها في المانيوال في التوكيل بحوالي 800 جنيه )
انا عن نفسي مش بأفضل الجير الاوتوماتك في الكوري عموما .... اعطاله لو حصلت بتبقى صعبة ومكلفة جدا ...
الاضافة الوحيدة في الاوتو ... انوار الشبورة اللي في الاكسدام .... ولون الفرش الداخلي بيبقى مختلف .... غير كدة .... نفس السيارة
انصحك بالمانيوال ..... وابعد عن الالوان الغامقة ( اسود ونبيتي ) عشان التراب والخرابيش تبان فيها بوضوح ... واسأل اختنا Noha - M هي جابت سيراتو اسود وبتعاني من موضوع النظافة .... وافضل لو مش مستعجل ... اشتري من التوكيل مش من معرض
ربنا يوفقك
كان فيه موضوع يا استاذ احمد في القسم هنا اخ فاضل اكد بأدله غير ان التوكيل اكد له في رساله ان الجير من تصنيع شركه يابانيه وده في حاله خوفك من الكوري اعتقد الموضوع ده يطمن شويه...لكن اسمح لي اخالفك في موضوع الخوف ده من الأساس لان الي الأن مفيش واحد قال اي كلام موثق عن اي عربيه كوري حصل لها اي حاجه في الجير بتاعها وغير كده برده لو حد اكد الكلام ده وهو شخصيا مصدر موثوق منه زي حضرتك مثلا او حتي جاب ادله ماديه ممكن كلنا نتأكد بيها ممكن يكون فيه شك او احتمال ان الموضوع ده حصل نتيجه طريقه السواقه الغلط نفسها ...عموما انا مقتنع ان اللي بيحافظ علي اي حاجه بيوصل بيها لنهايه عمرها الأفتراضي بسلام . وتقبل تحياتي
طبعا انا كلامي ان ده رأي شخصي .....انا مش خبير في المواضيع الميكانيكية ...
انا اقصد ان خبرة الشركات الكورية في السيارات عموما اصبحت كبيرة ومطمئنة .... اما الاوتوماتك فأكيد خبرتهم أقل ... لسة ما فاتش عليهم وقت كافي للحكم عليهم .... مش باقول انهم وحشين في الاوتو ....لأن الحكم لازم يكون بعد 10 - 15 سنة في الحاجات المعمرة دي
زي العربيات الصيني والماليزي ... ما حدش قال اها وحشة .... لكن لسة ما نقدرش نحكم حكم مظبوط عليها
وده كان الحال مع الياباني اول ما طلع والكوري برضه
علي فكرة دي المشارة رقم 1000 ليا ..... احتفالية :toot:وكويس انها جت في التوبيك ده ....
يا راجل طيب الف مبروك ودي بشره خير وشرف للقسم ان مشاركه انسان محترم ومحبوب زيك جت هنا ...
انا بس احب اوضح نقطه انا ذكرتها بس يمكن مقدرتش اوضحها شويه ...
الجير من تصنيع شركه يابانيه مشهوره في المجال ده يعني مصنع العربيات بياخد الجير ومجرد بيركبه في خط الأنتاج لكن ملوش علاقه بتصنيعه وبالتالي خبرته في تصنيع العربيات ملهاش علاقه باجزاء مشاركه بيها شركات اخري (اعتقد كده من خبرتي المحدوده)
كلامك سليم ... الفتيس مصنوع في مكان تاني وممكن يكون ياباني او اوروبي
لكن لاوتوماتك مش فتيس وبس ... اعتقد انها بتبقي منظومة متكاملة وفي غاية التعقيد ... وبيكون لها تأثيرات علي اشياء اخري في السيارة
وبصراحة انا باستمتع بسواقة العربيات المانيوال .... بالاقي نفسي وانا سايقها ... ده طبعا ذوق شخصي ..وممكن يكون منعكس علي رأيي في الأوتوماتك
وهي في الآخر وجهات نظر طبعا