موضوع رائع شكرا
عرض للطباعة
موضوع رائع شكرا
ربنا يبارك لك فيها يا أ. احمد ويعطيك خيرها
بس انا كدة قفشتك متلبس;) بتستخدم مرايات
سواقين التاكسي زيي:D:D
انت خدت بالك ..... :D
لعلمك يا نادر انا من يوم ما اتعلمت السواقة سنة 1991 وان لازم استعمل المراية البانوراما الكبيرة دي
بصراحة بتكشف الطريق بالكامل وما فيهاش منطقة عاميه ... هي صحيح بتبعد المسافة شوية ... لكن بتتعود عليها بعد يومين
اللي يجربها لا يمكن يستغني عنها
لكن احييك علي ملاحظتك .... انا لما جيت اصور شيلتها ... لكن يظهر ان مافيش جريمة كاملة :rolleyes:
ههههههاقتباس:
انا لما جيت اصور شيلتها ... لكن يظهر ان مافيش جريمة كاملة
اصل واخد اني اشوفها كل يوم:)
فعلاً انا من اول ما استعملتها في بداية تعلمي
للقيادة ،على عربية سيات 133 كانت بعرض العربية كلها:D:D، و
انا مبقتش استريح لما اسوق من غيرها، علشان الصورة تطلع حلوة:)
بس شكلها يكسف بصراحة،، لك حق تشيلها:oوانت بتصور.
يااه يا أستاذ احمد .. إنت فاكرني ؟
بالنسبة للمفتاح ابو ريموت ثمنه 480 ج وهو غير مشفر وأنا متأكد من هذه المعلومة بالنسبة لموديل 2007 اللى كانت معى وكان به رقم معدنى فعلا خاص بالريموت وليس بشفرة والدليل انك تعمل مفتاح عادى عند بتاح المفاتيح ب 10 جنيهات هيفتح الباب بدون صوت انذار وهيدور العربية بدون انذار - جهاز الانذار فى العربية ضد سرقة الحتويات بس وليس لشل العربية anti-theft وليس immobilizer - ولذا قمت بتركيب جهاز انذار تانى على دايرة الكونتاكت عشان العربية ماتدورش الا بعد الضغط على الريموت التانى , وعملت ذلك بعد استاذان التوكيل حيث قال لى اعمل اللى انت عاوزه بس لو الضفيرة باظت احنا مش مسؤولين .
من أفضل الحاجات فى العربية الايريال اللى فى الزجاج ,
من أسعار قطع الغيار اللى فاكرها : فلتر هواء ب 14 ج , الصيانة الدورية ب 115 بدون زيت او فلتر ( ممكن تطلب وضع زيت بمعرفتك )
الاكصدام الخلفى بالحامل الحديدي ب 2200 - الزجاج ب الامامى 400 ج تقريبا المصري والاصلى ب 1300 ج و طقم الدلايات الاصلى فى التوكيل - رائع - ب 114 ج و 40 تركيب - سير الادارة الاصلى ب 95 ج -
الجنوط بالكاوتش ب 5000 بس شكلها وحش جدا .
بالنسبة للكاسيت انا اشتريت ام بى ثري ببطارسة عاديه واشتريت معاه modulator من راديو شاك وهو عبارة عن محمول كهربائى من فيشة الولاعة الى جهاز الام بى ثرى وبالتالى لن احتاج نهائى لشحن الام بى ثرى او الى تغيير بطارية باستمرار - بس عيبه انه بيجيب لك التراك من الاول دايما لانك بتفصل الباور عنه كل ما تدور كونتاكت -
يا دكتور محمود انت من الناس اللي مش ممكن تتنسي
ربنا يوفقك في عمان وترجع لبلدك سالم غانم ...أطفال المنتدى مفتقدينك اكتر من الكبار :D
انا فعلا ح اجرب المفاح العادي ابو 10 جنية لأني محتاج فعلا نسخة اضافية
والدلايات دي سعرها كويس جدا ان شاء الله ح اركبها مع انوار الشبورة في صيانة ال5000
انا كنت عاوز اسألك عن استهلاك البنزين ... ولو لك اي ملاحظات مرت عليك اثناء الاستخدام .. انا طبعا قرأت موضوع علبة الدركسيون ...لو فيه لك ملاحظات اخري ياريت تقول
ربنا يبارك فيك ويهيألك الخير دايما
ايه دا كله !!!!!!!!!!
طب مش تقول يا راجل ان في موضوع تحفه كده الواحد يخش يتفرج عليه و يستفيد منه :)
لالالالا يا احمد باشا انا زعلان
و علشان تصالحني تديني لفه بالعربيه ههههههههههههه
بجد موضوع محترم اوي و ظريف و لذيذ
الف شكر ليك علي مجهودك و تعبك :)
على فكرة المرايا بتاعت التاكسى دية والله احلى مراية لما كان عندنا ال 128 كنا حاطينها فيها كنت تبص تلاقى العربية كلها باينة و مفيش بلايند سبوت و كانت جميلة جدا بس المشكلة فى شكلها و لو حد شفها حيقعد يتريق و يقولك مراية تاكسى و بتاع مع انها بجد احسن مرايا
شكرا على موضوعك الرائع و مجهودك المتميز
ربنا يبارك لك فيها