عرض للطباعة
بعد تجربة زيت كاسترول للـ 5000 لمدة 10 دقائق اقدر اقول و بكل ثقة لكل اعضاء العصابة انة زيت زي الزفت و الزيت القيد المحروق ( شل ) كان انعم بكتير قوى و هو مستهلك بعد 6500 كم من زيت كاسترول الى لسة محطوط و مشيت بية 10 دقايق بس و هذا للعلم .. و الله الموفق
طيب لو زيت زباله شيلوه بسرعه وتغور الفلوس والحمد لله على كده.................
بس انا ليا ملاحظه ان الزيت ده كويس جدا وممكن تكون جبت زيت من مكان مجهول او الزيت ده مضروب او مغشوش مع العلم ان كل الى جرب الزيت ده شكر فى جدا
انا كنت مبسوط جدا مع شل الاصفر ال3000 وجربت فيسكو ماعجبنيش ورجعت تاني للشل
واضح انه الكاسترول اللى عندنا غير اللى ف مصر
عشان انا طول عمري بستخدم الكاسترول وكويس جدا
انا ماشى بكاسترول ايدج ال 15000 لغايه دلوأتى ماشى 12 و كويس
انا جبتة من بنزينة طاقة الى على الدائرى يعنى من مركزة المعتمد .. و انا عارف ان كل الناس بتشكر فية جدا بس الحاجة الوحيدة الى حصلت هيا انى غيرت الزيت و الفلتر و اول مدورت لقيت العربية صوتها على و بترج جامد .. عل العموم انا هديلة فرصة لمدة يوم و اشوف اية النظام و ربنا يسهل
فرصه ايه يا ايهاب
سقط و حط فيها ان شا الله زيت تعاون
دى مفيهاش هزار
مفيش احسن من زيوت موبيل
بس برضه زيت كاسترول معروف عنه انه ممتاز
سبحان الله .. أنا العكس .. أنا من ساعة ما جبت العربية و أنا بستخدم فيسكو و كان ممتاز من جميع المقاييس .. صوت الموتور كويس جدا .. و الحرارة ممتازة .. و مفيش أى صوت تكتكة.اقتباس:
المشاركة الأصلية كتبت بواسطة hellboy
زى ما تقول كدة زهقت قلت أغير .. كنت بستخدم شل الأصفى فى العربية القديمة .. قلت أجيبة .. و جبتة من بنزينة شل من القاهرة مخصوص .. و حاسس ان فيسكو أحسن .. صوت الموتور علي شوية .. فى صوت تكتكة الصبح .. مع انه
حاسس ان فيسكو أحسن.
اعتققد ظروف الموتور (حالته) بتفرق من زيت للتاني....صوت التكتكه اللي بيظهر عندك الصبح يا كريم صوت كستبانات عاوزه تتنظف او تتغير.
بس بتظهر برضوا من الزيت الوحش
انا بستخدم زيت مختلف خالص
بترومين الترا 3000 كويس جدا وفرط
استعملت mobil xhp و شل الاصفر و الأزرق .
شل الأزرق لا يعلى عليه و أداؤه أعلى من الأصفر بشكل ملحوظ .
لا وجه لمقارنة شل بموبيل .
انا مستريحتش غير مع شل بصراحة ,,موبيل بقى مش تمام نهائىىى
انا بستخدم كسترو اسبورت و ممتاز جدا معايا اتاكد من الزيت الي انت جايبه مناسب للموتور عندك ولا لا
ملحوظة
ان العربية لازم تعودها على نوع زيت واحد فقط
انا حاطط كاسترول ماجنيتك خلى العربيه ملهاش صوت خالص
مع انى كنت حاطط فيسكو 3000 كان مخليها جرار d: مع انهم نفس الشركه
هيه شكلها مسأله حظ يا جماعه
بحس ان مساله تعود العربيه علي زيت معين وراحتك انت النفسيه ورا احساسك بمدي كفاءه الزيت من عدمه
لي تعليق بسيط ...
تأكد من بلد تعبئة الزيت ....
زيت كاسترول ال 5000 يوجد منه نوعين .... مصري ب 60 جنيه (للأسف زبالة وخفيف) ..... اماراتي ب 110 جنيه ( ممتاز , بسيبه لحد 8 آلاف كيلو وبينزل لزج ومش محروق قوي )
هما الإتنين نفس العلبة بنفس اللون .... ابحث عن بلد التعبئة
يا جماعة الزيت دة ممتاز (كاسترول ) بس للأسف خارج مصر فقط
لأن مصر بتستورد أقل نوع وكفاءة علشان تقلل من التكلفة ويبقى سعرة حنين على فكرة(كاسترول ) فى المانيا زيت رقم 1 هناك ممتاز جدا
أنا بجيب موبيل 1 فى مصر وبحطو فى عربيتى من الزيرو كويس مش وحش