-
الفتيس
السلام عليكم
انا كنت من اسبوع بالظبط كنت غيرت اولسيه عصاية الفتيس علشان كان في ترشيح وليس تسريب
الميكانيكي فك الضفدعة وركب الاولسيه الجديد وركب الضفدعه تاني
من ساعه ما ركبها وهي بتسرب زيت فتيس ( كل ما اركن العربية واتحرك الاقي بقعة زيت علي الارض)
قولت هروحله بعد مشوار هعمله
روحت المشوار الفتيس خف معايا جدا (بيتحرك بسهوله في ماكن التعشيقة ) + عضة جامده في الفتيس ( لدرجه اني مش بيدي التاني والثالث)
روحت للميكانيكي بوخته طبعا لان المشكله دي مش كانت عندي
فتح الكبوت لقي تسريب كتير جنب الضفدعة فربطلي عليها
رفع العربيه لقي تسريب بالتنقيط من الغطاء المستطيل بتاع الفتيس اللي تحت دا
قالي العيب مش من الزيت ........ قعد يلعب في الضفدعة دي وقالي الفتيس كان مبوش ( مش عارف يعني ايه) والعضة اختفت بس لسه الفتيس بيتحرك في مكان تعشيقته جامد وخفيف كدا مش زي الاول ( هل دا من الزيت؟)
واعمل ايه علشان اقضي علي التسريب دا ؟
واقدر امشي بيها لحد ما اروح للميكانيكي ( مشوار بتاع 60 كيلو ) علما باني حاسس انها مفيش فيها زيت نهائي لانها بتسرب من اسبوع
-
ياجماعه احنا غلبنا نقول التوكيل مهما كان عالي بس دول ناس فاخمين بيعملوا ايه
انا زعلان جدا علي شانك وانصحك تروح التوكيل بدل ماحد يبوظهالك اكتر
لانه الفتيس روح العربيه
ربنا معاك
-
غير الزيت وان شاء الله كله هايبقى تمام
انا مجرب الموضوع ده قبل كده بالظبط زى ماحكيت
غير الزيت وان شاء الله هاتتظبط وهاتتدعيلى
-
انا لو حطيت الزيت علي طول هيقع تاني
في مشكله انامش قادر اعرفها و
وهل الحركه غير العاديه دي بتاع الفتيس هتختفي لما احط الزيت
-
-
اه بس تغير الزيت مش تزوده هاتفرق خالص خالص خالص
-
الفتيس لو مزعلك كله على بعضه استيراد 600 جنيه وزى الفل وفك وتركيب 150 ويبقه مبروك عليك الفتيس الجديد
-
باشا الفتيس عندي مفيش فيه مشكله
المشكله انهم مش عارفين يركبوه كويس
دا كان زي الفل من يومين
عموما انا روحت النهاردا وعملت بنصيحه الاستاذ محسن
قالي هتحتاج تغيير كربرتيرة زيت فتيس وطبعا الزيت 2 لتر ونص و2 اولسيه كوبلن............. قولتله اشتغل
بعد ما خلص .......... النقلات عادية بس الثاني احيانا بيقفش ........ الجديد بقي ونة لما بشيل رجلي من علي البنزين واحيانا برده تظهر لما اشيلها من علي الدبرياج
-
على فكرة ممكن تمشى بيه شويه تلاقيه اتظبط بتحصل اصبر عليه شويه
-
اولاً يجب التاكد من عدم عودة التسريب وانهاء هذه المشكلة
ثانياً لو هناك مشكلة بالعصاية بتاعت الفتيس من حيث خفتها في الغيارات وعدم قبول تعشيق معين يجب الكشف علي العقربة وتغيرها
ثالثاُ الونة دي تاكد انها من الفتيس اولاً وبعدين دور علي سببها هل هي مع كل الغيارات ولا مع غيار محدد لو تاكدت انها من الفتيس هتبقي نتجة عن السير بالسيارة وزيت الفتيس ناقص وكدا انصحك بتغيير الفتيس علشان تقضي عليها ولكن لو ممكن تستحملها وحبيت توفر فلوسك يبقي ماشي
Content Relevant URLs by
vBSEO 3.6.0 PL2