الموضوع: الى كل اعضاء الجروب..لافادة الجميع

والله هوا المفروض يكون فية فروع اكتر من كده في القاهرة - هنا في اسكندرية فية فرعين واحد في سموحة والتاني في العامرية ويوم الصيانة عندنا بيبقي يوم رائع بجد لا بتستني في الشمس ولو رحت بدري شوية بيبقي فية يا دوبك عربية قبليك والصيانة بالملاحظات بالحبشتكنات مابتاخدش ساعة ساعة ونص بالكتير - يعني اية بيدوروا علي العربية؟؟؟؟؟؟؟؟؟ - وانت قاعد في الصالة المكيفة - ماتحاولوا تشوفوا حتة تانية غير لمقطم دي يا جماعة هو مفيش غيرة في القاهره ولا اية اكيد فية فروع تانية

المشاركة الأصلية كتبت بواسطة amen

الثلاثاء الماضى روحت فرع المقطم لحل مشكله فى التكييف اللى مش شغال وبصراحه اول مره اروح التوكيل لان العربيه لسه عامله 4 الاف كيلو وطبعا روحت على الميعاد اللى اعطوه لى وهو الساعه العاشره وفوجئئت بطابور طويل ورغم انى حاجز دخلت الساعه 1145 بعد ما خدت حمام شمس المهم اخدوا العربيه وقالوا لى الساعه 3.5 فقلتت لهم ليه ياخوانا هو التكييف فيه حاجه قالوا هانشوف ولان المركز كان زحمه قعدت بره وفوجئت فى الساعه الواحده والنصف ان العربيه مركونه تحت شجره فروحت للمهندس اللى استلم العربيه فقال لى اصل اعطال التكييف كثيره انهارده طبعا بلعت الكلمه واستنيت للساعه 2 وفوجئت انها لسه تحت الشجره فروحت لواحد تانى فوجئت به بيقول لى داحنا بندور عليها - منتهى الاهمال - وبعدين دخلت الصيانه وفضلت مركونه جوه لحد مادخل ت معاها وقلت لفنى او مهندس الصيانه هو فيه ايه قالى كشفنا والمشكله فى ضغط الفريون وبعدينالعربيه ماخدتش معاهم فى الصيانه اكثر من 10 دقائق والغريبه ان العربيه خرجت عليها كميه تراب جوه وبره وماهانش عليهم يغسلوها ولما قلتلهم عندى ملاحظات تانيه قالولى يبقى العربيه تبات فطبعا مارضيتش وقلت اعملها ى ال5 الاف ...لكن مش دى المشكله المشكله انى قابلت احد ملاك اللوجان ايضا وقعد يشتكى من ارتفاع اسعار الصيانه وطبعا افتكرت موضوع الفار فى المصيده وقال لى ان تغيير كوبلن ومساعد وكام حاجه كلفته 7الاف جنيه وقال انه ناوى يبيع العربيه لان الاسعار دى عاليه على عربيه المفروض انها شعبيه .. انا عارف انى طولت لكن هى دى القصه باختصار

فعلا عندك حق في كل كلمة انا بروح هنام رغما عني عشان ساكن في المعادي و موضوع الاهمال ده زيادة شوية اروح اقف في الطابور و اخدلي حمام الشمس المحترم و ادخل يرزعني 5 ساعات و يقولي تعالا بعدهم ليه مش فاهم و في الاخر الاقي مصنعيات بتمن القطع مش عارف انا ليييييييييه

ده اسكندريه عندنا على كده نعمه